ਸੁਰੱਖਿਆ ਕਾਰਨਾਂ ਕਰਕੇ ਇਬਰਾਹਿਮ ਅਲੀ ਖ਼ਾਨ ਦੀ ਫਿਲਮ ਦੀ ਸ਼ੂਟਿੰਗ ਰੱਦ

ਮੁੰਬਈ- ਸੈਫ ਅਲੀ ਖ਼ਾਨ ਦੇ ਬੇਟੇ ਇਬਰਾਹਿਮ ਅਲੀ ਖ਼ਾਨ ਦੀ ਆਉਣ ਵਾਲੀ ਫ਼ਿਲਮ 'ਦਿਲੇਰ' ਨੂੰ ਝਟਕਾ ਲੱਗਾ ਹੈ। ਦਰਅਸਲ, ਕੁਣਾਲ ਦੇਸ਼ਮੁਖ ਦੁਆਰਾ ਨਿਰਦੇਸ਼ਤ ਇਸ ਫਿਲਮ ਦਾ ਇੱਕ ਵੱਡਾ ਹਿੱਸਾ ਅਸਲ 'ਚ ਯੂਕੇ 'ਚ ਸ਼ੂਟ ਕੀਤਾ ਜਾਣਾ ਸੀ। ਹਾਲਾਂਕਿ, ਉੱਥੇ ਵਧਦੀ ਅਸ਼ਾਂਤੀ ਅਤੇ ਵਿਰੋਧ ਪ੍ਰਦਰਸ਼ਨ ਦੇ ਕਾਰਨ, ਨਿਰਮਾਤਾ ਦਿਨੇਸ਼ ਵਿਜਾਨ ਨੇ ਲੰਡਨ 'ਚ ਸ਼ੂਟਿੰਗ ਨੂੰ ਪੂਰੀ ਤਰ੍ਹਾਂ ਰੱਦ ਕਰਨ ਦਾ ਫੈਸਲਾ ਕੀਤਾ ਹੈ ਅਤੇ ਹੁਣ ਇਸ ਨੂੰ ਮੁੰਬਈ 'ਚ ਫਿਲਮਾਇਆ ਜਾਵੇਗਾ ਰਿਪੋਰਟ ਅਨੁਸਾਰ, ਪ੍ਰੋਡਕਸ਼ਨ ਟੀਮ ਨੇ ਜੁਲਾਈ ਦੇ ਆਖ਼ਰ 'ਚ ਲੰਡਨ 'ਚ ਇੱਕ ਰੇਸ ਅਤੇ ਲੁੱਕ ਟੈਸਟ ਕਰਵਾਇਆ ਅਤੇ ਇੱਕ ਵਿਸ਼ਾਲ ਸ਼ੂਟਿੰਗ ਸ਼ੈਡਿਊਲ ਵੀ ਫਾਈਨਲ ਕੀਤਾ ਗਿਆ ਸੀ। ਹਾਲਾਂਕਿ, ਯੂਕੇ 'ਚ ਵਿਗੜਦੀ ਸਥਿਤੀ ਦੇ ਕਾਰਨ, ਨਿਰਮਾਤਾਵਾਂ ਨੇ ਆਪਣੀ ਕਾਸਟ ਅਤੇ ਚਾਲਕ ਦਲ ਦੀ ਸੁਰੱਖਿਆ ਨੂੰ ਪਹਿਲ ਦਿੱਤੀ।ਸੂਤਰਾਂ ਨੇ ਕਿਹਾ, 'ਜੁਲਾਈ ਦੇ ਆਖ਼ਰ 'ਚ ਟੀਮ ਨੇ ਲੰਡਨ 'ਚ ਇੱਕ ਰੇਸ ਅਤੇ ਲੁੱਕ ਟੈਸਟ ਕੀਤਾ, ਪਰ ਜਿਵੇਂ ਹੀ ਸਥਿਤੀ ਵਿਗੜਦੀ ਗਈ, ਮੇਕਰਸ ਨੂੰ ਲੱਗਾ ਕਿ ਟੀਮ ਦੀ ਸੁਰੱਖਿਆ ਨੂੰ ਨਜ਼ਰਅੰਦਾਜ਼ ਕਰਨਾ ਮਹਿੰਗਾ ਪੈ ਸਕਦਾ ਹੈ।'

ਇਹ ਖ਼ਬਰ ਵੀ ਪੜ੍ਹੋ - Kangana ਦੀ ਫ਼ਿਲਮ 'ਐਮਰਜੈਂਸੀ' 'ਤੇ ਲੱਗੇ ਰੋਕ, ਜਾਣੋ ਕਿਉਂ  MP ਸਰਬਜੀਤ ਸਿੰਘ ਖਾਲਸਾ ਨੇ ਕੀਤੀ ਮੰਗ

ਨਿਰਮਾਤਾ ਦਿਨੇਸ਼ ਵਿਜਾਨ ਨੇ ਆਪਣੀ ਟੀਮ ਦੀ ਸੁਰੱਖਿਆ ਨੂੰ ਪਹਿਲ ਦਿੰਦੇ ਹੋਏ ਸ਼ੂਟਿੰਗ ਪਲਾਨ ਨੂੰ ਪੂਰੀ ਤਰ੍ਹਾਂ ਨਾਲ ਬਦਲਣ ਦਾ ਫੈਸਲਾ ਕੀਤਾ ਹੈ। ਹੁਣ ਪ੍ਰੋਡਕਸ਼ਨ ਭਾਰਤ 'ਚ ਸ਼ੂਟਿੰਗ ਲਈ ਸਹੀ ਜਗ੍ਹਾ ਦੀ ਤੁਰੰਤ ਭਾਲ ਕਰ ਰਿਹਾ ਹੈ। ਇਕ ਸੂਤਰ ਨੇ ਕਿਹਾ ਕਿ ਵਿਜਾਨ ਲਈ ਉਨ੍ਹਾਂ ਦੀ ਟੀਮ ਦੀ ਸੁਰੱਖਿਆ ਪਹਿਲੀ ਤਰਜੀਹ ਹੈ, ਜਿਸ ਕਾਰਨ ਉਨ੍ਹਾਂ ਨੇ ਲੰਡਨ ਸ਼ੂਟ ਰੱਦ ਕਰ ਦਿੱਤਾ ਹੈ ਅਤੇ ਆਪਣੀ ਟੀਮ ਨੂੰ ਘਰੇਲੂ ਵਿਕਲਪਾਂ ਦੀ ਖੋਜ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।

ਇਹ ਖ਼ਬਰ ਵੀ ਪੜ੍ਹੋ - ਅਦਾਕਾਰ ਸਮਰਾਟ ਮੁਖਰਜੀ ਦੀ ਕਾਰ ਨੇ ਮੋਟਰਸਾਈਕਲ ਨੂੰ ਮਾਰੀ ਟੱਕਰ, ਗ੍ਰਿਫਤਾਰ

ਤੁਹਾਨੂੰ ਦੱਸ ਦੇਈਏ ਕਿ 'ਦਿਲੇਰ', ਕਥਿਤ ਤੌਰ 'ਤੇ ਮੈਰਾਥਨ ਦੌੜਾਕ ਦੀ ਜ਼ਿੰਦਗੀ 'ਤੇ ਕੇਂਦਰਿਤ ਹੈ। ਦਿਲੇਰ ਤੋਂ ਇਲਾਵਾ ਇਬਰਾਹਿਮ ਆਪਣੀ ਪਹਿਲੀ ਫਿਲਮ 'ਸਰਜ਼ਮੀਨ' 'ਚ ਕਾਜੋਲ ਅਤੇ ਪ੍ਰਿਥਵੀਰਾਜ ਸੁਕੁਮਾਰਨ ਨਾਲ ਨਜ਼ਰ ਆਉਣਗੇ। 'ਸਰਜ਼ਮੀਨ' ਦਾ ਨਿਰਦੇਸ਼ਨ ਅਦਾਕਾਰ ਬੋਮਨ ਇਰਾਨੀ ਦੇ ਬੇਟੇ ਕਯੋਜ ਇਰਾਨੀ ਨੇ ਕੀਤਾ ਹੈ। 'ਸਰਜ਼ਮੀਨ' ਕਯੋਜ ਦੀ ਬਤੌਰ ਨਿਰਦੇਸ਼ਕ ਪਹਿਲੀ ਫ਼ੀਚਰ ਫ਼ਿਲਮ ਹੋਵੇਗੀ। ਇਸ ਦੌਰਾਨ ਕਿਹਾ ਜਾ ਰਿਹਾ ਹੈ ਕਿ ਉਹ ਖੁਸ਼ੀ ਕਪੂਰ ਨਾਲ ਨਾਦਾਨੀਆਂ ਨਾਂ ਦੀ ਫਿਲਮ ਵੀ ਕਰ ਰਹੇ ਹਨ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8