8 ਦਸੰਬਰ ਨੂੰ ਕੋਰੀਆ ''ਚ ਰਿਲੀਜ਼ ਹੋਵੇਗੀ ਸ਼ਾਂਤਨੂ ਤੇ ਅਵਨੀਤ ਦੀ ਫਿਲਮ ''ਲਵ ਇਨ ਵੀਅਤਨਾਮ''

ਨਵੀਂ ਦਿੱਲੀ (ਏਜੰਸੀ)- 'ਗੰਗੂਬਾਈ ਕਾਠੀਆਵਾੜੀ' ਫੇਮ ਦੇ ਸ਼ਾਂਤਨੂ ਮਹੇਸ਼ਵਰੀ ਅਤੇ 'ਟੀਕੂ ਵੈਡਸ ਸ਼ੇਰੂ' ਫੇਮ ਅਵਨੀਤ ਕੌਰ ਸਟਾਰਰ ਫ਼ਿਲਮ "Love in Vietnam" 8 ਦਸੰਬਰ ਨੂੰ ਕੋਰੀਆ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਲਈ ਤਿਆਰ ਹੈ।

ਭਾਰਤ-ਵੀਅਤਨਾਮ ਦਾ ਪਹਿਲਾ ਸਾਂਝਾ ਪ੍ਰੋਜੈਕਟ

ਇਹ ਫ਼ਿਲਮ ਹਿੰਦੀ ਸਿਨੇਮਾ ਵਿੱਚ ਭਾਰਤ ਅਤੇ ਵੀਅਤਨਾਮ ਦਾ ਪਹਿਲਾ ਸਾਂਝਾ ਪ੍ਰੋਜੈਕਟ ਹੈ। ਫ਼ਿਲਮ ਦਾ ਨਿਰਦੇਸ਼ਨ ਰਾਹਤ ਸ਼ਾਹ ਕਾਜ਼ਮੀ ਨੇ ਕੀਤਾ ਹੈ। "Love in Vietnam" ਨੂੰ ਇੱਕ ਦਿਲ ਨੂੰ ਛੂਹਣ ਵਾਲੀ ਪ੍ਰੇਮ ਕਹਾਣੀ ਵਜੋਂ ਦਰਸਾਇਆ ਗਿਆ ਹੈ। ਇਹ ਕਹਾਣੀ ਸਬਾਹੱਤਿਨ ਅਲੀ ਦੇ ਸਭ ਤੋਂ ਵੱਧ ਵਿਕਣ ਵਾਲੇ ਨਾਵਲ "Madonna in a Fur Coat" ਤੋਂ ਪ੍ਰੇਰਿਤ ਹੈ। ਇਹ ਫ਼ਿਲਮ ਭਾਰਤ ਵਿੱਚ 12 ਸਤੰਬਰ ਨੂੰ ਰਿਲੀਜ਼ ਹੋਈ ਸੀ।

ਫ਼ਿਲਮ ਦੇ ਨਿਰਮਾਤਾ

ਇਹ ਫਿਲਮ ਜ਼ੀ ਸਟੂਡੀਓ ਦੁਆਰਾ ਪੇਸ਼ ਕੀਤੀ ਗਈ ਹੈ ਅਤੇ ਬਲੂ ਲੋਟਸ ਕਰੀਏਟਿਵਜ਼, ਇਨੋਵੇਸ਼ਨਜ਼ ਇੰਡੀਆ, ਰਾਹਤ ਕਾਜ਼ਮੀ ਫਿਲਮ ਸਟੂਡੀਓ, ਜ਼ੇਬੈਸ਼ ਐਂਟਰਟੇਨਮੈਂਟ, ਤਾਰਿਕ ਖਾਨ ਪ੍ਰੋਡਕਸ਼ਨ ਅਤੇ ਮੈਂਗੋ ਟ੍ਰੀ ਐਂਟਰਟੇਨਮੈਂਟ ਦੁਆਰਾ ਪ੍ਰੋਡਿਊਸ ਕੀਤੀ ਗਈ ਹੈ।