ਸ਼ਾਲਿਨੀ ਪਾਂਡੇ ਨੇ ਜਨਮਦਿਨ ''ਤੇ ਪ੍ਰਗਟਾਈ ਖ਼ਾਸ ਇੱਛਾ, ਕਿਹਾ ''ਹੁਣ ਇੰਤਜ਼ਾਰ ਨਹੀਂ ਹੁੰਦਾ''

ਮੁੰਬਈ (ਬਿਊਰੋ) - ਬਾਲੀਵੁੱਡ ਅਦਾਕਾਰਾ ਸ਼ਾਲਿਨੀ ਪਾਂਡੇ 'ਅਰਜੁਨ ਰੈੱਡੀ' ਵਿਚ ਆਪਣੀ ਪਰਫਾਰਮੈਂਸ ਨਾਲ ਸੁਰਖੀਆਂ ਵਿਚ ਛਾ ਗਈ ਅਤੇ ਹੁਣ ਉਹ 'ਜਏਸ਼ਭਾਈ ਜ਼ੋਰਦਾਰ' ਨਾਲ ਬਾਲੀਵੁੱਡ ਵਿਚ ਵੱਡੇ ਪਰਦੇ 'ਤੇ ਆਪਣੀ ਐਂਟਰੀ ਨਾਲ ਹਿੰਦੀ ਫ਼ਿਲਮਾਂ ਦੇ ਦਰਸ਼ਕਾਂ ਦਾ ਦਿਲ ਜਿੱਤਣ ਨੂੰ ਤਿਆਰ ਹੈ। ਚੁਲਬੁਲੀ ਸ਼ਾਲਿਨੀ ਦਾ ਅੱਜ ਜਨਮਦਿਨ ਹੈ ਅਤੇ ਇਸ ਪ੍ਰਾਜੈਕਟ ਵਿਚ ਉਹ ਸੁਪਰਸਟਾਰ ਰਣਵੀਰ ਸਿੰਘ ਦੇ ਆਪੋਜ਼ਿਟ ਨਜ਼ਰ ਆਉਣ ਵਾਲੀ ਹੈ।

ਸ਼ਾਲਿਨੀ ਦੀ ਅੱਜ ਖੁਦ ਲਈ ਸਿਰਫ਼ ਇਕ ਹੀ ਇੱਛਾ ਹੈ ਕਿ ਪੂਰੇ ਭਾਰਤ ਵਿਚ ਸਿਨੇਮਾਘਰ ਖੁੱਲ੍ਹਣ ਅਤੇ ਦਰਸ਼ਕ 'ਜਏਸ਼ਭਾਈ ਜ਼ੋਰਦਾਰ' ਨੂੰ ਵੱਡੇ ਪਰਦੇ 'ਤੇ ਦੇਖਣ ਜਾਣ।

ਉਹ ਕਹਿੰਦੀ ਹੈ, ''ਮੈਂ ਇਕ ਸਾਲ ਤੋਂ ਜ਼ਿਆਦਾ ਸਮੇਂ ਤੋਂ 'ਜਏਸ਼ਭਾਈ ਜ਼ੋਰਦਾਰ' ਦੀ ਰਿਲੀਜ਼ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੀ ਹਾਂ। ਇਹ ਇਕ ਚੰਗੀ ਅਤੇ ਬਹੁਤ ਸਪੈਸ਼ਲ ਫ਼ਿਲਮ ਹੈ।

ਮੈਨੂੰ ਸਿਨੇਮਾਘਰਾਂ ਦੇ ਖੁੱਲ੍ਹਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਹੈ ਕਿਉਂਕਿ ਮੈਂ ਚਾਹੁੰਦੀ ਹਾਂ ਕਿ ਲੋਕ ਸਿਨੇਮਾਘਰਾਂ ਵਿਚ ਜਾਣ। ਇਥੋਂ ਤਕ ਕਿ ਮੈਂ ਵੀ ਸਿਨੇਮਾਘਰਾਂ ਵਿਚ ਵਾਪਸ ਜਾਣਾ ਚਾਹੁੰਦੀ ਹਾਂ ਅਤੇ ਵੱਡੇ ਪਰਦੇ 'ਤੇ ਫ਼ਿਲਮ ਨੂੰ ਦੇਖਣਾ ਚਾਹੁੰਦੀ ਹਾਂ।''