ਓ. ਟੀ. ਟੀ. ’ਤੇ ‘ਪਠਾਨ’ ਦੇ ਡਿਲੀਟਿਡ ਸੀਨਜ਼ ਦੇਖ ਕੇ ਪ੍ਰਸ਼ੰਸਕ ਹੋਏ ਖ਼ੁਸ਼, ਆਖੀ ਇਹ ਗੱਲ

ਮੁੰਬਈ (ਬਿਊਰੋ)– ਸ਼ਾਹਰੁਖ ਖ਼ਾਨ ਤੇ ਦੀਪਿਕਾ ਪਾਦੁਕੋਣ ਦੀ ਫ਼ਿਲਮ ‘ਪਠਾਨ’ ਦਾ ਪ੍ਰਸ਼ੰਸਕ ਲੰਬੇ ਸਮੇਂ ਤੋਂ ਓ. ਟੀ. ਟੀ. ’ਤੇ ਰਿਲੀਜ਼ ਹੋਣ ਦਾ ਇੰਤਜ਼ਾਰ ਕਰ ਰਹੇ ਸਨ ਤੇ ਹੁਣ ਜਦੋਂ ਇਹ ਫ਼ਿਲਮ ਪ੍ਰਾਈਮ ਵੀਡੀਓ ’ਤੇ ਰਿਲੀਜ਼ ਹੋ ਗਈ ਹੈ ਤਾਂ ਪ੍ਰਸ਼ੰਸਕਾਂ ਦੀ ਖ਼ੁਸ਼ੀ ਦੀ ਕੋਈ ਹੱਦ ਨਹੀਂ ਰਹੀ। ਓ. ਟੀ. ਟੀ. ’ਤੇ ਰਿਲੀਜ਼ ਹੋਣ ਤੋਂ ਬਾਅਦ ‘ਪਠਾਨ’ ’ਚ ਉਹ ਦ੍ਰਿਸ਼ ਵੀ ਦਿਖਾਏ ਗਏ ਹਨ, ਜੋ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ ਡਿਲੀਟ ਕਰ ਦਿੱਤੇ ਗਏ ਸਨ। ਜਦੋਂ ਲੋਕਾਂ ਨੇ ‘ਪਠਾਨ’ ’ਚ ਡਿਲੀਟ ਕੀਤੇ ਸੀਨਜ਼ ਦੇਖੇ ਤਾਂ ਉਹ ਹੈਰਾਨ ਰਹਿ ਗਏ। ਲੋਕ ਸੋਸ਼ਲ ਮੀਡੀਆ ’ਤੇ ਉਨ੍ਹਾਂ ਦ੍ਰਿਸ਼ਾਂ ਦੀ ਵੀਡੀਓ ਕਲਿੱਪ ਸਾਂਝੀ ਕਰ ਰਹੇ ਹਨ ਤੇ ਕਹਿ ਰਹੇ ਹਨ ਕਿ ਜੇਕਰ ਇਹ ਦ੍ਰਿਸ਼ ਫ਼ਿਲਮ ’ਚ ਹੁੰਦੇ ਤਾਂ ਸਿਨੇਮਾਘਰਾਂ ਨੂੰ ਅੱਗ ਲਾ ਦਿੰਦੇ।

ਇਹ ਖ਼ਬਰ ਵੀ ਪੜ੍ਹੋ : ਸਿੱਧੂ ਮੂਸੇ ਵਾਲਾ ਦਾ ਬੁੱਤ ਦੇਖ ਭਾਵੁਕ ਹੋਏ ਅਫਸਾਨਾ ਖ਼ਾਨ ਤੇ ਸਾਜ, ਦੇਖੋ ਵੀਡੀਓ

ਫ਼ਿਲਮ ‘ਪਠਾਨ’ 22 ਮਾਰਚ ਨੂੰ ਪ੍ਰਾਈਮ ਵੀਡੀਓ ’ਤੇ ਰਿਲੀਜ਼ ਹੋਈ ਸੀ ਤੇ ਇਸ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਤੋਂ ਹੀ ਟਵਿਟਰ ’ਤੇ ਗੁੱਸਾ ਹੈ। ਟਵਿਟਰ ’ਤੇ #Pathaan ਤੇ #PathaanOnPrime ਟ੍ਰੈਂਡ ਕਰ ਰਹੇ ਹਨ। ਦੱਸਣਯੋਗ ਹੈ ਕਿ ‘ਪਠਾਨ’ 25 ਜਨਵਰੀ ਨੂੰ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਈ ਸੀ। ਰਿਲੀਜ਼ ਤੋਂ ਪਹਿਲਾਂ ਸੈਂਸਰ ਬੋਰਡ ਨੇ ਫ਼ਿਲਮ ਤੋਂ ਕੁਝ ਸੀਨਜ਼ ਡਿਲੀਟ ਕਰ ਦਿੱਤੇ ਸਨ ਪਰ ਹੁਣ ਜਦੋਂ ਫ਼ਿਲਮ OTT ਹਿੱਟ ਹੋ ਗਈ ਤਾਂ ਇਸ ’ਚ ਸਾਰੇ ਡਿਲੀਟ ਕੀਤੇ ਗਏ ਸੀਨ ਜੋੜ ਦਿੱਤੇ ਗਏ।

‘ਪਠਾਨ’ ਦੇ ਦੋ ਦ੍ਰਿਸ਼ਾਂ ਦੀ ਖ਼ੂਬ ਚਰਚਾ ਹੋ ਰਹੀ ਹੈ ਤੇ ਯੂਜ਼ਰਸ ਕਹਿ ਰਹੇ ਹਨ ਕਿ ਇਨ੍ਹਾਂ ਨੇ ਸਿਨੇਮਾਘਰਾਂ ’ਚ ਦਹਿਸ਼ਤ ਪੈਦਾ ਕਰ ਦਿੱਤੀ ਹੋਵੇਗੀ। ਜਦੋਂ ‘ਪਠਾਨ’ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਈ ਸੀ ਤਾਂ ਇਕ ਸੀਨ ਸੀ, ਜਿਸ ’ਚ ਸ਼ਾਹਰੁਖ ਨੂੰ ਕੁਰਸੀ ਨਾਲ ਬੰਨ੍ਹ ਕੇ ਤਸ਼ੱਦਦ ਕੀਤਾ ਜਾ ਰਿਹਾ ਸੀ। ਇਸ ਸੀਨ ਦੀ ਵੀਡੀਓ ਕਲਿੱਪ ਨੂੰ ਇਕ ਯੂਜ਼ਰ ਨੇ ਟਵਿਟਰ ’ਤੇ ਸ਼ੇਅਰ ਕੀਤਾ ਹੈ ਤੇ ਕਿਹਾ ਹੈ ਕਿ ਸ਼ਾਹਰੁਖ ਦੇ ਤਸੀਹੇ ਦੇ ਸੀਨ ਨੂੰ ਵਧਾਇਆ ਗਿਆ ਹੈ।

ਇਕ ਹੋਰ ਸੀਨ ਹੈ, ਜਿਸ ’ਚ ‘ਪਠਾਨ’ ਸ਼ਾਹਰੁਖ ਖ਼ਾਨ ਲਿਫਟ ’ਚੋਂ ਨਿਕਲ ਕੇ ਦਫਤਰ ਦੇ ਖੇਤਰ ’ਚ ਦਾਖਲ ਹੁੰਦੇ ਹਨ। ਉਹ ਜਿਸ ਤਰੀਕੇ ਨਾਲ ਦਾਖਲ ਹੁੰਦੇ ਹਨ, ਉਸ ਨੂੰ ਦੇਖ ਕੇ ਹਰ ਕੋਈ ਉਸ ਵੱਲ ਘੂਰਦਾ ਰਹਿੰਦਾ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਜੇਕਰ ਇਹ ਸੀਨ ਥੀਏਟਰ ’ਚ ਰਿਲੀਜ਼ ਹੁੰਦਾ ਤਾਂ ਅੱਗ ਲੱਗ ਜਾਂਦੀ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।