ਕੈਂਸਰ ਨਾਲ ਲੰਬੀ ਲੜਾਈ ਤੋਂ ਬਾਅਦ ਇਸ ਮਸ਼ਹੂਰ ਅਦਾਕਾਰਾ ਦਾ ਦੇਹਾਂਤ, ਫਿਲਮ ਇੰਡਸਟਰੀ ਪਸਰਿਆ ਸੋਗ

ਵੈੱਬ ਡੈਸਕ : ਦੱਖਣੀ ਕੋਰੀਆ ਦੇ ਸਿਨੇਮਾ ਜਗਤ ਤੋਂ ਇੱਕ ਦੁਖਦਾਈ ਖ਼ਬਰ ਆਈ ਹੈ। ਮਸ਼ਹੂਰ ਅਦਾਕਾਰਾ ਲੀ ਜੂ ਸਿਲ, ਜਿਸਨੇ ਹਾਲ ਹੀ 'ਚ 'ਸਕੁਇਡ ਗੇਮ 2' ਵਿੱਚ ਵਾਈ ਹਾ ਜੂਨ ਦੇ ਹਵਾਂਗ ਜੂਨ ਹੋ ਦੀ ਮਾਂ, ਪਾਰਕ ਮਾਲ ਸੂਨ ਦੀ ਭੂਮਿਕਾ ਨਿਭਾਈ ਸੀ, ਦਾ ਦੇਹਾਂਤ ਹੋ ਗਿਆ ਹੈ। ਉਹ 80 ਸਾਲਾਂ ਦੀ ਸੀ ਅਤੇ ਪੇਟ ਦੇ ਕੈਂਸਰ ਤੋਂ ਪੀੜਤ ਸੀ। ਉਨ੍ਹਾਂ ਦੇ ਦੇਹਾਂਤ ਕਾਰਨ ਦੱਖਣੀ ਕੋਰੀਆਈ ਸਿਨੇਮਾ ਪ੍ਰਸ਼ੰਸਕਾਂ ਦੇ ਨਾਲ-ਨਾਲ ਭਾਰਤੀ ਪ੍ਰਸ਼ੰਸਕਾਂ ਵਿਚ ਵੀ ਸੋਗ ਪਸਰ ਗਿਆ ਹੈ।

ਲੀ ਜੂ ਸਿਲ ਦੀ ਅਦਾਕਾਰੀ
ਲੀ ਜੂ ਸਿਲ ਆਪਣੀ ਸ਼ਾਨਦਾਰ ਅਦਾਕਾਰੀ ਦੇ ਨਾਲ-ਨਾਲ ਆਪਣੀ ਸ਼ਾਨਦਾਰ ਆਵਾਜ਼ ਲਈ ਵੀ ਜਾਣੀ ਜਾਂਦੀ ਸੀ। ਉਸਦੀ ਅਦਾਕਾਰੀ ਦਾ ਜਾਦੂ ਦਰਸ਼ਕਾਂ ਦੇ ਦਿਲਾਂ ਵਿੱਚ ਕਈ ਸਾਲਾਂ ਤੱਕ ਰਹੇਗਾ। ਹਾਲ ਹੀ ਵਿੱਚ, ਉਹ ਨੈੱਟਫਲਿਕਸ ਦੀ ਹਿੱਟ ਸਰਵਾਈਵਲ ਥ੍ਰਿਲਰ ਸੀਰੀਜ਼ 'ਸਕੁਇਡ ਗੇਮ 2' ਵਿੱਚ ਦੇਖਿਆ ਗਿਆ ਸੀ, ਜਿੱਥੇ ਉਸਨੇ ਪਾਰਕ ਮਲ ਸੂਨ ਦੀ ਯਾਦਗਾਰ ਭੂਮਿਕਾ ਨਿਭਾਈ ਸੀ।

ਕੈਂਸਰ ਨਾਲ ਲੰਬੀ ਲੜਾਈ ਤੋਂ ਬਾਅਦ ਹੋਈ ਮੌਤ
ਲੀ ਜੂ ਸਿਲ ਦੀ ਬਿਮਾਰੀ ਬਾਰੇ, ਉਸਦੀ ਏਜੰਸੀ ਨੇ ਦੱਸਿਆ ਕਿ ਉਹ ਪਹਿਲਾਂ ਛਾਤੀ ਦੇ ਕੈਂਸਰ ਤੋਂ ਪੀੜਤ ਸੀ, ਪਰ ਉਸਨੇ ਇਸ ਬਿਮਾਰੀ ਨੂੰ ਹਰਾ ਦਿੱਤਾ। ਇਸ ਤੋਂ ਬਾਅਦ, ਕੁਝ ਮਹੀਨੇ ਪਹਿਲਾਂ ਉਸਨੂੰ ਪੇਟ ਦੇ ਕੈਂਸਰ ਦਾ ਪਤਾ ਲੱਗਿਆ, ਅਤੇ ਉਦੋਂ ਤੋਂ, ਉਸਦੀ ਸਿਹਤ ਵਿਗੜਨ ਲੱਗੀ। ਡਾਕਟਰਾਂ ਨੇ ਉਸਨੂੰ ਦੱਸਿਆ ਕਿ ਉਸਦੇ ਕੋਲ ਬਹੁਤਾ ਸਮਾਂ ਨਹੀਂ ਬਚਿਆ ਹੈ, ਪਰ ਲੀ ਜੂ ਸਿਲ ਨੇ ਫਿਰ ਵੀ ਉਮੀਦ ਨਹੀਂ ਛੱਡੀ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ 3 ਫਰਵਰੀ ਨੂੰ ਸ਼ਿਨਚੋਨ ਸੀਵਰੈਂਸ ਹਸਪਤਾਲ ਵਿਖੇ ਕੀਤਾ ਜਾਵੇਗਾ।

ਹਸਪਤਾਲ 'ਚ ਮੌਤ ਦੀ ਪੁਸ਼ਟੀ
ਅੱਜ ਸਵੇਰੇ ਲਗਭਗ 10:20 ਵਜੇ KST 'ਤੇ, ਲੀ ਜੂ ਸਿਲ ਦਾ ਆਪਣੀ ਦੂਜੀ ਧੀ ਦੇ ਘਰ ਦੇਹਾਂਤ ਹੋਇਆ। ਉਸਨੂੰ ਐਮਰਜੈਂਸੀ ਵਿੱਚ ਸਿਓਲ ਦੀ ਕੈਥੋਲਿਕ ਯੂਨੀਵਰਸਿਟੀ ਦੇ ਉਈਜੇਓਂਗਬੂ ਸੇਂਟ ਮੈਰੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ, ਪਰ ਉਸਨੂੰ ਬਚਾਇਆ ਨਹੀਂ ਜਾ ਸਕਿਆ। ਇਸ ਮਹਾਨ ਅਦਾਕਾਰਾ ਦੇ ਦੇਹਾਂਤ ਨਾਲ ਫਿਲਮ ਇੰਡਸਟਰੀ ਵਿੱਚ ਇੱਕ ਡੂੰਘਾ ਖਲਾਅ ਪੈ ਗਿਆ ਹੈ ਅਤੇ ਉਸਦੇ ਪ੍ਰਸ਼ੰਸਕ ਹਮੇਸ਼ਾ ਉਸਦੀ ਕਮੀ ਮਹਿਸੂਸ ਕਰਨਗੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8