'ਜੈ ਸੰਤੋਸ਼ੀ ਮਾਂ' ਦੇ ਨਿਰਮਾਤਾ ਦਾਦਾ ਸਤਰਾਮ ਰੋਹੜਾ ਦਾ ਹੋਇਆ ਦਿਹਾਂਤ
Saturday, Jul 20, 2024 - 09:30 AM (IST)
ਮੁੰਬਈ- 1975 'ਚ ਰਿਲੀਜ਼ ਹੋਈ ਸੁਪਰਹਿੱਟ ਅਤੇ ਰਿਕਾਰਡ ਤੋੜ ਫਿਲਮ 'ਜੈ ਸੰਤੋਸ਼ੀ ਮਾਂ' ਦੇ ਨਿਰਮਾਤਾ ਦਾਦਾ ਸਤਰਾਮ ਰੋਹੜਾ ਨਹੀਂ ਰਹੇ। 18 ਜੁਲਾਈ ਨੂੰ 85 ਸਾਲ ਦੀ ਉਮਰ 'ਚ ਉਨ੍ਹਾਂ ਦੀ ਮੌਤ ਹੋ ਗਈ ਸੀ। ਦਾਦਾ ਸਤਰਾਮ ਰੋਹੜਾ ਸਿੰਧੀ ਭਾਈਚਾਰੇ 'ਚ ਇੱਕ ਵੱਡਾ ਨਾਮ ਸੀ। ਰੇਡੀਓ ਸਿੰਧੀ ਨੇ ਇੰਸਟਾਗ੍ਰਾਮ 'ਤੇ ਸਤਰਾਮ ਰੋਹੜਾ ਦੇ ਦਿਹਾਂਤ ਦੀ ਜਾਣਕਾਰੀ ਦਿੱਤੀ। ਦਾਦਾ ਸਤਰਾਮ ਰੋਹੜਾ ਵੀ ਗਾਇਕ ਸਨ। ਉਨ੍ਹਾਂ ਨੇ ਕਈ ਹਿੱਟ ਫਿਲਮਾਂ ਦਾ ਨਿਰਮਾਣ ਕੀਤਾ ਸੀ, ਜਿਸ 'ਚ 'ਜੈ ਸੰਤੋਸ਼ੀ ਮਾਂ' ਅਤੇ 'ਹਾਲ ਤਾ ਭਾਜੀ ਹਾਲੂੰ' ਵਰਗੇ ਨਾਮ ਸ਼ਾਮਲ ਹਨ।
ਇਹ ਖ਼ਬਰ ਵੀ ਪੜ੍ਹੋ -ਪ੍ਰਿਯੰਕਾ ਚੋਪੜਾ ਨੇ ਸੈੱਟ 'ਤੇ ਮਨਾਇਆ ਆਪਣਾ ਜਨਮਦਿਨ, ਤਸਵੀਰਾਂ ਸ਼ੇਅਰ ਕਰਕੇ ਲਿਖੀ ਪੋਸਟ
ਰੇਡੀਓ ਸਿੰਧੀ ਦੁਆਰਾ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਗਈ ਪੋਸਟ 'ਚ ਲਿਖਿਆ ਹੈ, 'ਸਾਨੂੰ ਇਹ ਦੱਸਦੇ ਹੋਏ ਬਹੁਤ ਦੁੱਖ ਹੋ ਰਿਹਾ ਹੈ ਕਿ ਮਸ਼ਹੂਰ ਗਾਇਕ ਅਤੇ ਫ਼ਿਲਮ ਨਿਰਮਾਤਾ ਦਾਦਾ ਸਤਰਾਮ ਰੋਹੜਾ ਦਾ 18 ਜੁਲਾਈ, 2024 ਨੂੰ ਦਿਹਾਂਤ ਹੋ ਗਿਆ ਸੀ। ਉਨ੍ਹਾਂ ਦੀ ਮਹਾਨ ਆਤਮਾ ਨੂੰ ਸ਼ਾਂਤੀ ਮਿਲੇ ਅਤੇ ਇਸ ਔਖੀ ਘੜੀ 'ਚ ਉਨ੍ਹਾਂ ਦੇ ਪਰਿਵਾਰ ਨੂੰ ਬਲ ਬਖਸ਼ੇ। ਦਾਦਾ ਸਤਰਾਮ ਰੋਹੜਾ ਨੇ ਦਾਦਾ ਰਾਮ ਪੰਜਵਾਨੀ, ਭਾਗਵੰਤੀ ਨਾਵਾਨੀ, ਕਮਲਾ ਕੇਸਵਾਨੀ ਅਤੇ ਹੋਰ ਕਈ ਮਸ਼ਹੂਰ ਗਾਇਕਾਂ ਨਾਲ ਕਈ ਸੁਪਰਹਿੱਟ ਗੀਤ ਦਿੱਤੇ।ਪੋਸਟ 'ਚ ਅੱਗੇ ਲਿਖਿਆ ਹੈ, 'ਉਨ੍ਹਾਂ ਨੇ ਬਲਾਕਬਸਟਰ ਸਿੰਧੀ ਫ਼ਿਲਮ 'ਹਾਲ ਤਾ ਭਾਜੀ ਹਾਲੂੰ' ਅਤੇ ਹਿੰਦੀ ਫਿਲਮ 'ਜੈ ਸੰਤੋਸ਼ੀ ਮਾਂ' ਦਾ ਨਿਰਮਾਣ ਕੀਤਾ। ਉਹ ਹੀ ਅਜਿਹਾ ਵਿਅਕਤੀ ਹੈ ਜੋ ਮਹਾਨ ਗਾਇਕਾ ਲਤਾ ਮੰਗੇਸ਼ਕਰ ਨੂੰ ਸਿੰਧੀ ਗੀਤ ਗਾਉਣ ਲਈ ਮਨਾ ਸਕਦਾ ਸੀ। ਦਾਦਾ ਸਤਰਾਮ ਰੋਹੜਾ ਦਾ ਦਿਹਾਂਤ ਸਿੰਧੀ ਭਾਈਚਾਰੇ ਲਈ ਬਹੁਤ ਵੱਡਾ ਘਾਟਾ ਹੈ ਅਤੇ ਕੋਈ ਵੀ ਉਨ੍ਹਾਂ ਦੇ ਖਲਾਅ ਨੂੰ ਭਰ ਨਹੀਂ ਸਕਦਾ।
16 ਜੂਨ 1939 ਨੂੰ ਸਿੰਧੀ ਪਰਿਵਾਰ 'ਚ ਜਨਮੇ ਦਾਦਾ ਸਤਰਾਮ ਰੋਹੜਾ ਨੇ ਸਾਲ 1966 'ਚ ਫ਼ਿਲਮ ‘ਸ਼ੇਰਾ ਡਾਕੂ’ਰਾਹੀਂ ਨਿਰਮਾਣ ਦੀ ਦੁਨੀਆ 'ਚ ਪ੍ਰਵੇਸ਼ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ 'ਰੌਕੀ ਮੇਰਾ ਨਾਮ', 'ਘਰ ਕੀ ਲਾਜ', 'ਨਵਾਬ ਸਾਹਿਬ' ਅਤੇ 'ਜੈ ਕਾਲੀ' ਵਰਗੀਆਂ ਫਿਲਮਾਂ ਦਾ ਨਿਰਮਾਣ ਕੀਤਾ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਬਣੀ ਫਿਲਮ 'ਜੈ ਸੰਤੋਸ਼ੀ ਮਾਂ' ਨੇ 'ਸ਼ੋਲੇ' ਨੂੰ ਸਖ਼ਤ ਮੁਕਾਬਲਾ ਦਿੱਤਾ। ਜਦੋਂ ਇਹ ਫ਼ਿਲਮ 1975 'ਚ ਰਿਲੀਜ਼ ਹੋਈ ਤਾਂ ਇਸ ਨੇ ਅਜਿਹਾ ਕਰਿਸ਼ਮਾ ਦਿਖਾਇਆ ਅਤੇ ਰਿਕਾਰਡ ਬਣਾਏ, ਜੋ ਅੱਜ ਤੱਕ ਕੋਈ ਹੋਰ ਫ਼ਿਲਮ ਨਹੀਂ ਬਣਾ ਸਕੀ। ਲੋਕ ਥੀਏਟਰ 'ਚ ਫਿਲਮਾਂ ਦੇਖ ਕੇ ਪੈਸੇ ਅਤੇ ਫੁੱਲਾਂ ਦੀ ਵਰਖਾ ਕਰਦੇ ਸਨ। ਅਨੀਤਾ ਗੁਹਾ ਨੇ ਫ਼ਿਲਮ 'ਚ ਮਾਂ ਸੰਤੋਸ਼ੀ ਦਾ ਕਿਰਦਾਰ ਨਿਭਾਇਆ ਸੀ ਅਤੇ ਲੋਕ ਉਸ ਦੀ ਅਸਲ ਜ਼ਿੰਦਗੀ 'ਚ ਵੀ ਪੂਜਾ ਕਰਨ ਲੱਗ ਪਏ ਸਨ।
