'ਬਿੱਗ ਬੌਸ' ਫੇਮ ਅਦਾਕਾਰ ਨੇ ਚੋਰੀ-ਛਿਪੇ ਕਰਵਾ ਲਿਆ ਵਿਆਹ ! ਲਾੜਾ ਬਣ ਸਾਂਝੀ ਕੀਤੀ ਤਸਵੀਰ

ਮੁੰਬਈ : ਰਿਐਲਿਟੀ ਸ਼ੋਅ 'ਬਿੱਗ ਬਾਸ 16' ਰਾਹੀਂ ਹਰ ਘਰ ਵਿੱਚ ਆਪਣੀ ਪਛਾਣ ਬਣਾਉਣ ਵਾਲੇ ਸ਼ਿਵ ਠਾਕਰੇ ਇੱਕ ਵਾਰ ਫਿਰ ਵੱਡੀ ਚਰਚਾ ਦਾ ਵਿਸ਼ਾ ਬਣ ਗਏ ਹਨ। ਸੋਮਵਾਰ ਨੂੰ ਸ਼ਿਵ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਵਿਆਹ ਦੀਆਂ ਅਜਿਹੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ ਨੇ ਇੰਟਰਨੈੱਟ 'ਤੇ ਹਲਚਲ ਮਚਾ ਦਿੱਤੀ ਹੈ।
ਲਾੜੀ ਦਾ ਚਿਹਰਾ ਛੁਪਾ ਕੇ ਦਿੱਤਾ 'ਸਰਪ੍ਰਾਈਜ਼'
ਸ਼ਿਵ ਠਾਕਰੇ ਨੇ ਇੰਸਟਾਗ੍ਰਾਮ 'ਤੇ ਆਪਣੀਆਂ ਤਸਵੀਰਾਂ ਸਾਂਝੀਆਂ ਕਰਕੇ ਪ੍ਰਸ਼ੰਸਕਾਂ ਨੂੰ ਅਚਾਨਕ ਹੈਰਾਨ ਕਰ ਦਿੱਤਾ। ਇਨ੍ਹਾਂ ਤਸਵੀਰਾਂ ਵਿੱਚ ਸ਼ਿਵ ਲਾੜਾ ਬਣੇ ਹੋਏ ਨਜ਼ਰ ਆ ਰਹੇ ਹਨ, ਪਰ ਉਨ੍ਹਾਂ ਦੀ ਲਾੜੀ ਦਾ ਚਿਹਰਾ ਨਜ਼ਰ ਨਹੀਂ ਆ ਰਿਹਾ। ਅਦਾਕਾਰ ਵੱਲੋਂ ਅਚਾਨਕ ਲਏ ਗਏ ਇਸ ਫੈਸਲੇ ਨੇ ਹਰ ਕਿਸੇ ਨੂੰ ਸੋਚਾਂ ਵਿੱਚ ਪਾ ਦਿੱਤਾ ਹੈ ਕਿ ਕੀ ਉਨ੍ਹਾਂ ਨੇ ਸੱਚਮੁੱਚ ਚੋਰੀ-ਚੋਰੀ ਵਿਆਹ ਕਰਵਾ ਲਿਆ ਹੈ।

ਭਾਰਤੀ ਸਿੰਘ ਨੇ ਪੁੱਛਿਆ- 'ਇਹ ਕਦੋਂ ਹੋਇਆ?'
ਸ਼ਿਵ ਦੀ ਇਸ ਪੋਸਟ 'ਤੇ ਟੈਲੀਵਿਜ਼ਨ ਜਗਤ ਦੇ ਕਈ ਸਿਤਾਰਿਆਂ ਨੇ ਪ੍ਰਤੀਕਿਰਿਆ ਦਿੱਤੀ ਹੈ। ਮਸ਼ਹੂਰ ਕਾਮੇਡੀਅਨ ਭਾਰਤੀ ਸਿੰਘ ਨੇ ਹੈਰਾਨ ਹੁੰਦਿਆਂ ਕੁਮੈਂਟ ਕੀਤਾ, "ਇਹ ਕਦੋਂ ਹੋਇਆ? ਵਧਾਈ ਹੋਵੇ"। ਇਸ ਤੋਂ ਇਲਾਵਾ ਅਦਾਕਾਰਾ ਰਿਧੀਮਾ ਤਿਵਾਰੀ ਨੇ ਵੀ ਜੋੜੇ ਨੂੰ ਮੁਬਾਰਕਬਾਦ ਦਿੱਤੀ ਹੈ। ਅਜਿਹਾ ਲੱਗਦਾ ਹੈ ਕਿ ਟੀਵੀ ਇੰਡਸਟਰੀ ਦੇ ਬਹੁਤੇ ਲੋਕਾਂ ਨੂੰ ਵੀ ਸ਼ਿਵ ਦੇ ਇਸ 'ਗੁਪਤ ਵਿਆਹ' ਬਾਰੇ ਕੋਈ ਜਾਣਕਾਰੀ ਨਹੀਂ ਸੀ।

ਪ੍ਰਸ਼ੰਸਕਾਂ ਨੂੰ 'ਸ਼ੂਟਿੰਗ' ਜਾਂ 'ਮਜ਼ਾਕ' ਦਾ ਸ਼ੱਕ
ਜਿੱਥੇ ਇੱਕ ਪਾਸੇ ਵਧਾਈਆਂ ਦਾ ਹੜ੍ਹ ਆਇਆ ਹੋਇਆ ਹੈ, ਉੱਥੇ ਹੀ ਕਈ ਪ੍ਰਸ਼ੰਸਕਾਂ ਨੂੰ ਲੱਗਦਾ ਹੈ ਕਿ ਸ਼ਿਵ ਉਨ੍ਹਾਂ ਨਾਲ ਮਜ਼ਾਕ ਕਰ ਰਹੇ ਹਨ। ਸੋਸ਼ਲ ਮੀਡੀਆ ਯੂਜ਼ਰਸ ਦਾ ਮੰਨਣਾ ਹੈ ਕਿ ਇਹ ਕਿਸੇ ਪ੍ਰੋਜੈਕਟ ਜਾਂ ਐਡ ਫਿਲਮ ਦੀ ਸ਼ੂਟਿੰਗ ਦੀਆਂ ਤਸਵੀਰਾਂ ਹੋ ਸਕਦੀਆਂ ਹਨ। ਇੱਕ ਯੂਜ਼ਰ ਨੇ ਮਜ਼ਾਕੀਆ ਲਹਿਜ਼ੇ ਵਿੱਚ ਲਿਖਿਆ, "ਅਜੇ ਅਪ੍ਰੈਲ ਆਉਣ ਵਿੱਚ ਸਮਾਂ ਹੈ, ਤੁਸੀਂ ਹੁਣੇ ਤੋਂ 'ਅਪ੍ਰੈਲ ਫੂਲ' ਬਣਾ ਰਹੇ ਹੋ"।
ਰੀਐਲਿਟੀ ਸ਼ੋਅਜ਼ ਦੇ ਬਾਦਸ਼ਾਹ ਹਨ ਸ਼ਿਵ
ਸ਼ਿਵ ਠਾਕਰੇ ਇੱਕ ਜਾਣੇ-ਪਛਾਣੇ ਰਿਐਲਿਟੀ ਟੀਵੀ ਸਟਾਰ ਹਨ। ਉਹ 'ਬਿੱਗ ਬੌਸ ਮਰਾਠੀ ਸੀਜ਼ਨ 2' ਦੇ ਜੇਤੂ ਰਹਿ ਚੁੱਕੇ ਹਨ ਅਤੇ ਇਸ ਤੋਂ ਇਲਾਵਾ 'ਰੋਡੀਜ਼ ਰਾਈਜ਼ਿੰਗ', 'ਖਤਰੋਂ ਕੇ ਖਿਲਾੜੀ 13' ਅਤੇ 'ਜਲਕ ਦਿਖਲਾ ਜਾ 11' ਵਰਗੇ ਵੱਡੇ ਸ਼ੋਅਜ਼ ਵਿੱਚ ਆਪਣਾ ਦਮ ਦਿਖਾ ਚੁੱਕੇ ਹਨ।