ਬਿੱਗ ਬੌਸ 14 : ਕਵਿਤਾ ਕੌਸ਼ਿਕ ''ਤੇ ਵਰ੍ਹੇ ਸਲਮਾਨ ਖ਼ਾਨ, ਗੁੱਸੇ ''ਚ ਅਦਾਕਾਰਾ ਨੇ ਲਿਆ ਇਹ ਫ਼ੈਸਲਾ
11/02/2020 10:40:36 AM
ਨਵੀਂ ਦਿੱਲੀ : ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 14' 'ਚ ਸਲਮਾਨ ਖ਼ਾਨ ਲਗਾਤਾਰ ਮੁਕਾਬਲੇਬਾਜ਼ਾਂ ਦੀ ਕਲਾਸ ਲਾ ਰਹੇ ਹਨ। ਰੂਬੀਨਾ ਦਿਲੈਕ ਨਾਲ ਲੜਾਈ ਤੋਂ ਬਾਅਦ ਇਸ ਹਫ਼ਤੇ ਸਲਮਾਨ ਖਾਨ ਨੇ ਰਾਹੁਲ ਵੈਧ ਦੀ ਕਲਾਸ ਲਾਈ ਹੈ। ਇਸ ਤੋਂ ਬਾਅਦ ਐਤਵਾਰ ਭਾਵ 1 ਨਵੰਬਰ ਨੂੰ ਪ੍ਰਸਾਰਿਤ ਸ਼ੋਅ 'ਚ ਵਾਰੀ ਆਈ ਕਵਿਤਾ ਕੌਸ਼ਿਕ। ਇਸ 'ਤੇ ਕਵਿਤਾ ਕੌਸ਼ਿਕ ਕਾਫ਼ੀ ਨਾਰਾਜ਼ ਨਜ਼ਰ ਆਈ। ਉਨ੍ਹਾਂ ਨੇ ਕੈਮਰੇ 'ਚ ਦੇਖ ਕੇ ਕਿਹਾ ਕਿ ਇਸ ਨਾਲ ਚੰਗਾ ਹੈ ਕਿ ਮੈਂ ਘਰ ਵਾਪਸ ਚਲੀ ਜਾਵਾਂ।
ਕਵਿਤਾ ਕੌਸ਼ਿਕ ਅਤੇ ਸਲਮਾਨ 'ਚ ਏਜਾਜ ਖਾਨ ਨੂੰ ਲੈ ਕੇ ਹੋਈ ਲੜਾਈ ਬਾਰੇ ਗੱਲ ਹੋ ਰਹੀ ਸੀ ਕਵਿਤਾ ਇਸ ਗੱਲ ਤੋਂ ਨਾਰਾਜ਼ ਸੀ ਕਿ ਸਾਰੇ ਮੁਕਾਬਲੇਬਾਜ਼ ਏਜਾਜ ਨਾਲ ਹੋਈ ਲੜਾਈ ਨੂੰ ਲੈ ਕੇ ਉਨ੍ਹਾਂ ਨੂੰ ਬਲੇਮ ਕਰ ਰਹੇ ਹਨ। ਕਵਿਤਾ ਨੇ ਕਿਹਾ ਕਿ ਉਹ ਸਾਲ 2002 'ਚ ਮੁੰਬਈ ਆਈ ਸੀ। ਉਦੋਂ ਤੋਂ ਲੈ ਕੇ ਹੁਣ ਤਕ ਉਹ ਸਿਰਫ਼ ਤਿੰਨ ਵਾਰ ਏਜਾਜ ਖਾਨ ਨੂੰ ਮਿਲੀ ਹੈ। ਇਸ ਤੋਂ ਜ਼ਿਆਦਾ ਤਾਂ ਸਲਮਾਨ ਖ਼ਾਨ ਨੂੰ ਮਿਲੀ ਹੈ।
ਸਲਮਾਨ ਨੇ ਕਵਿਤਾ ਨੂੰ ਕਿਹਾ ਕਿ ਜਦੋਂ ਉਨ੍ਹਾਂ ਨੇ ਏਜਾਜ ਦੇ ਬੁਰੇ ਦੌਰ 'ਚ ਸਮਰਥਨ ਕੀਤਾ ਤਾਂ ਉਨ੍ਹਾਂ ਨੇ ਚੰਗਾ ਮਹਿਸੂਸ ਕੀਤਾ। ਇਸ ਲਈ ਉਹ ਤੁਹਾਨੂੰ 'ਬਿੱਗ ਬੌਸ' ਦੇ ਘਰ 'ਚ ਦੇਖਣ ਲਈ ਉਤਸ਼ਾਹਿਤ ਸੀ। ਇਸ ਲਈ ਉਨ੍ਹਾਂ ਨੇ ਚੰਗਾ ਦੋਸਤ ਕਿਹਾ। ਇਸ 'ਚ ਗਲਤ ਕੀ ਹੈ? ਇਸ ਤੋਂ ਸਲਮਾਨ ਨੇ ਕਵਿਤਾ ਦੀ ਨੈਸ਼ਨਲ ਟੀ. ਵੀ. 'ਤੇ ਏਜਾਜ ਨਾਲ ਨਿੱਜੀ ਸਮੱਸਿਆਵਾਂ 'ਤੇ ਗੱਲ ਦੀ ਆਲੋਚਨਾ ਕੀਤੀ।
