ਪੰਜਾਬ ਦੇ ਇਹ Twinsbrother ਸੋਸ਼ਲ ਮੀਡੀਆ 'ਤੇ ਮਚਾ ਰਹੇ ਨੇ ਧਮਾਲ, ਸਾਰਿਆਂ ਦੇ ਦਿਲਾਂ 'ਚ ਬਣਾਈ ਜਗ੍ਹਾ
06/14/2022 1:51:16 PM
ਬਾਲੀਵੁੱਡ ਡੈਸਕ: ਭਾਰਤ ਵਰਗੇ ਵਿਸ਼ਾਲ ਦੇਸ਼ ’ਚ ਪ੍ਰਤਿਭਾ ਹਰ ਰਾਜ ’ਚ ਮੌਜੂਦ ਹੈ, ਖ਼ਾਸ ਕਰਕੇ ਪੰਜਾਬ ’ਚ। ਸੂਬੇ ਦੇ ਬਹੁਤ ਸਾਰੇ ਕਾਮੇਡੀਅਨ, ਅਦਾਕਾਰ, ਗਾਇਕ ਅਤੇ ਮਾਡਲਾਂ ਨੇ ਆਪਣੀ ਪ੍ਰਤਿਭਾ ਨਾਲ ਲੋਕਾਂ ਦਾ ਦਿਲ ਜਿੱਤਿਆ ਹੈ, ਅਜਿਹੇ ਹੀ ਇਕ ਕਾਮੇਡੀਅਨ ਜੁੜਵਾ ਭਰਾ ਹਨ, ਜਿਨ੍ਹਾਂ ਨੇ ਆਪਣੇ ਹੁਨਰ ਨਾਲ ਸਾਰਿਆਂ ਦੇ ਦਿਲਾਂ ’ਚ ਜਗ੍ਹਾ ਬਣਾਈ ਹੈ।
ਇਹ ਵੀ ਪੜ੍ਹੋ : ਕ੍ਰਿਤੀ ਸੈਨਨ ਨੇ ਭੁੱਖੇ-ਪਿਆਸੇ ਕੁੱਤਿਆਂ ਨੂੰ ਦਿੱਤਾ ਭੋਜਨ-ਪਾਣੀ, ਪ੍ਰਸ਼ੰਸਕਾਂ ਨੇ ਕੀਤੀ ਅਦਾਕਾਰਾ ਦੀ ਖ਼ੂਬ ਤਾਰੀਫ਼
ਅੰਮ੍ਰਿਤਸਰ ਦੇ ਜੁੜਵਾ ਭਰਾ ਪ੍ਰਸਿੱਧ ਪੰਜਾਬੀ ਕਾਮੇਡੀਅਨ ਹਨ। 2019 ’ਚ, ਟਵਿੰਸਬ੍ਰਦਰ ਨੇ ਟਿਕਟੋਕ, ਇੰਸਟਾਗ੍ਰਾਮ ਵਰਗੀਆਂ ਐਪਸ ਨਾਲ ਆਪਣੇ ਛੋਟੇ ਵੀਡੀਓ ਬਣਾਏ ਅਤੇ ਦਰਸ਼ਕਾਂ ਦੁਆਰਾ ਸ਼ਾਨਦਾਰ ਹੁੰਗਾਰਾ ਪ੍ਰਾਪਤ ਕੀਤਾ।
ਸਫ਼ਲਤਾ ਬਾਰੇ ਕਲਾਕਾਰ ਨੇ ਸਾਂਝਾ ਕੀਤਾ ਕਿ ‘ਜਦੋਂ ਅਸੀਂ ਆਪਣਾ ਪਹਿਲਾ ਵੀਡੀਓ ਅਪਲੋਡ ਕੀਤਾ ਤਾਂ ਸਾਨੂੰ ਉਮੀਦ ਨਹੀਂ ਸੀ ਕਿ ਇਹ ਇੰਨੀ ਵੱਡੀ ਹਿੱਟ ਹੋਵੇਗੀ, ਪਰ ਦਰਸ਼ਕ ਛੋਟੀਆਂ ਕਾਮੇਡੀ ਪੰਜਾਬੀ ਵੀਡੀਓਜ਼ ਨੂੰ ਪਸੰਦ ਕਰਦੇ ਹਨ। ਜਦੋਂ ਅਸੀਂ ਸੁਣਿਆ ਕਿ ਸਾਡੇ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਏ ਹਨ, ਅਸੀਂ ਬਹੁਤ ਖੁਸ਼ ਹਾਂ। ਇਸ ਨੇ ਸਾਨੂੰ ਵਿਸ਼ਵਾਸ ਦਿਵਾਇਆ ਕਿ ਅਸੀਂ ਆਪਣੇ ਕਰੀਅਰ ਦੇ ਸਹੀ ਰਸਤੇ 'ਤੇ ਹਾਂ।’
ਇਹ ਵੀ ਪੜ੍ਹੋ : ਗਰਭਵਤੀ ਵਿੰਨੀ ਅਰੋੜਾ ਨੂੰ ਪਰਿਵਾਰ ਦੇ ਰਿਹਾ ਢੇਰ ਸਾਰਾ ਪਿਆਰ, ਬੁਰੀ ਨਜ਼ਰ ਤੋਂ ਬਚਾਉਣ ਲਈ ਭੈਣ ਨੇ ਕੀਤਾ ਇਹ ਕੰਮ
ਜਿਵੇਂ-ਜਿਵੇਂ ਕਾਮੇਡੀਅਨ ਟਵਿੰਸਬ੍ਰਦਰ ਦੀ ਸਫ਼ਲਤਾ ਇਕ ਪੰਜਾਬੀ ਕਲਾਕਾਰ ਵਜੋਂ ਵਧਣ ਲੱਗੀ, ਸੋਸ਼ਲ ਮੀਡੀਆ 'ਤੇ ਵੀ ਉਨ੍ਹਾਂ ਦੀ ਪ੍ਰਸਿੱਧੀ ਵਧਦੀ ਦਿਖਾਈ ਦਿੱਤੀ। ਉਹ ਇਕ ਮਸ਼ਹੂਰ ਸੋਸ਼ਲ ਮੀਡੀਆ ਪ੍ਰਭਾਵਕ ਵੀ ਹਨ ਜਿਨ੍ਹਾਂ ਨੂੰ ਹਜ਼ਾਰਾਂ ਲੋਕ ਫ਼ੋਲੋ ਕਰਦੇ ਹਨ। ਉਨ੍ਹਾਂ ਦਾ ਇੰਸਟਾਗ੍ਰਾਮ ਪੇਜ ‘ਟਵਿੰਸਬ੍ਰਦਰ 2222’ ਹੈ।
