ਟਮਾਟਰ ਨੇ ਵਿਗਾੜਿਆ ਮੂੰਹ ਦਾ ਸੁਆਦ, ਜੁਲਾਈ 'ਚ 34 ਫ਼ੀਸਦੀ ਮਹਿੰਗੀ ਹੋਈ ਵੈੱਜ ਥਾਲੀ

ਬਿਜ਼ਨੈੱਸ ਡੈਸਕ : ਟਮਾਟਰਾਂ ਦੀਆਂ ਕੀਮਤਾਂ 'ਚ ਲੱਗੀ ਅੱਗ ਨੇ ਸੁਆਦ ਦੇ ਨਾਲ-ਨਾਲ ਰਸੋਈ ਦਾ ਬਜਟ ਪੂਰੀ ਤਰ੍ਹਾਂ ਨਾਲ ਖ਼ਰਾਬ ਕਰਕੇ ਰੱਖ ਦਿੱਤਾ ਹੈ। ਟਮਾਟਰਾਂ ਦੀ 'ਲਾਲੀ' ਕਾਰਨ ਸ਼ਾਕਾਹਾਰੀ ਥਾਲੀ ਇਕ ਮਹੀਨੇ 'ਚ 34 ਫ਼ੀਸਦੀ ਮਹਿੰਗੀ ਹੋ ਗਈ ਹੈ। ਕ੍ਰਿਸਿਲ ਦੁਆਰਾ ਸੋਮਵਾਰ ਨੂੰ ਜਾਰੀ ਕੀਤੇ ਗਏ ਫੂਡ ਪਲੇਟ ਲਾਗਤ ਦੇ ਮਾਸਿਕ ਸੰਕੇਤਕ ਦੇ ਅਨੁਸਾਰ ਭਾਰਤ ਵਿੱਚ ਇੱਕ ਸ਼ਾਕਾਹਾਰੀ ਥਾਲੀ ਦੀ ਕੀਮਤ ਜੂਨ ਦੇ ਮੁਕਾਬਲੇ ਜੁਲਾਈ ਵਿੱਚ 34 ਫ਼ੀਸਦੀ ਵੱਧ ਗਈ ਹੈ। ਇਸ ਦਾ 25 ਫ਼ੀਸਦੀ ਕਾਰਨ ਟਮਾਟਰ ਦੀ ਮਹਿੰਗਾਈ ਨੂੰ ਮੰਨਿਆ ਜਾ ਸਕਦਾ ਹੈ। ਜੂਨ 'ਚ 33 ਰੁਪਏ ਪ੍ਰਤੀ ਕਿਲੋਗ੍ਰਾਮ ਤੋਂ ਟਮਾਟਰ ਦੀ ਕੀਮਤ ਜੁਲਾਈ 'ਚ 233 ਫ਼ੀਸਦੀ ਵਧ ਕੇ 110 ਰੁਪਏ ਪ੍ਰਤੀ ਕਿਲੋ ਹੋ ਗਈ ਹੈ।

ਇਹ ਵੀ ਪੜ੍ਹੋ : ਬੇਲਗਾਮ ਮਹਿੰਗਾਈ! ਜੈਤੂਨ ਦਾ ਤੇਲ ਤੇ ਮਖਾਣਿਆਂ ਦੀਆਂ ਕੀਮਤਾਂ 'ਚ ਇਕ ਸਾਲ 'ਚ 80 ਫ਼ੀਸਦੀ ਵਾਧਾ

ਲਗਾਤਾਰ ਤੀਸਰੀ ਵਾਰ ਮਹਿੰਗੀ ਹੋਈ ਥਾਲੀ
ਇਹ ਲਗਾਤਾਰ ਤੀਜੀ ਵਾਰ ਹੈ, ਜਦੋਂ ਸ਼ਾਕਾਹਾਰੀ ਥਾਲੀ ਦੀਆਂ ਕੀਮਤਾਂ ਲਗਾਤਾਰ (ਮਾਸਿਕ ਆਧਾਰ 'ਤੇ) ਵਧੀਆਂ ਹਨ। 2023-24 ਵਿੱਚ ਇਹ ਪਹਿਲੀ ਵਾਰ ਹੈ ਕਿ ਸ਼ਾਕਾਹਾਰੀ ਥਾਲੀ ਦੀ ਕੀਮਤ ਸਾਲਾਨਾ ਆਧਾਰ 'ਤੇ (YoY) ਵਧੀ ਹੈ। ਨਾਨ ਵੈੱਜ ਥਾਲੀ ਦੀ ਕੀਮਤ ਵੀ ਵਧ ਗਈ ਹੈ। ਮਾਸਾਹਾਰੀ ਆਧਾਰ 'ਤੇ ਮਾਸਾਹਾਰੀ ਥਾਲੀ 13 ਫ਼ੀਸਦੀ ਮਹਿੰਗੀ ਹੋ ਗਈ ਹੈ।

ਇਹ ਵੀ ਪੜ੍ਹੋ : ਟਮਾਟਰ ਤੋਂ ਬਾਅਦ ਦਾਲ, ਚੌਲ, ਆਟੇ ਦੀਆਂ ਕੀਮਤਾਂ 'ਚ ਹੋਇਆ ਵਾਧਾ, ਇਕ ਸਾਲ 'ਚ 30 ਫ਼ੀਸਦੀ ਹੋਏ ਮਹਿੰਗੇ

CRISIL ਉੱਤਰੀ, ਦੱਖਣ, ਪੂਰਬੀ ਅਤੇ ਪੱਛਮੀ ਭਾਰਤ ਵਿੱਚ ਪ੍ਰਚਲਿਤ ਇਨਪੁਟ ਕੀਮਤਾਂ ਦੇ ਆਧਾਰ 'ਤੇ ਘਰ ਵਿੱਚ ਥਾਲੀ ਤਿਆਰ ਕਰਨ ਦੀ ਔਸਤ ਲਾਗਤ ਦੀ ਗਣਨਾ ਕਰਦੀ ਹੈ। ਮਹੀਨਾਵਾਰ ਤਬਦੀਲੀ ਆਮ ਆਦਮੀ ਦੇ ਖ਼ਰਚੇ 'ਤੇ ਪ੍ਰਭਾਵ ਨੂੰ ਦਰਸਾਉਂਦੀ ਹੈ। ਡੇਟਾ ਇਹ ਵੀ ਦੱਸਦਾ ਹੈ ਕਿ ਅਨਾਜ, ਦਾਲਾਂ, ਬਰਾਇਲਰ, ਸਬਜ਼ੀਆਂ, ਮਸਾਲੇ, ਖਾਣ ਵਾਲੇ ਤੇਲ ਅਤੇ ਰਸੋਈ ਗੈਸ ਸਮੇਤ ਇੱਕ ਪਲੇਟ ਦੀ ਕੀਮਤ ਬਣਦੀ ਹੈ।

ਇਹ ਵੀ ਪੜ੍ਹੋ : ਦਿੱਲੀ ਹਵਾਈ ਅੱਡੇ 'ਤੇ ਪੰਜਾਬੀਆਂ ਦਾ ਪਿਆ ਪੰਗਾ, ਏਅਰਲਾਈਨ ਸਟਾਫ਼ ਨਾਲ ਜੰਮ ਕੇ ਹੋਇਆ ਹੰਗਾਮਾ (ਵੀਡੀਓ)

ਨਾਨ ਵੈੱਜ ਥਾਲੀ ਵੀ ਹੋਈ ਮਹਿੰਗੀ
ਨਾਨ ਵੈੱਜ ਥਾਲੀ ਦੀ ਕੀਮਤ ਵਿੱਚ ਵਾਧਾ ਜ਼ਰੂਰ ਹੋਇਆ ਹੈ ਪਰ ਇਸ ਦੀ ਰਫ਼ਤਾਰ ਮੱਠੀ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਜੁਲਾਈ 'ਚ ਬਰਾਇਲਰ ਦੀ ਕੀਮਤ 'ਚ 3-5 ਫ਼ੀਸਦੀ ਤੱਕ ਦੀ ਗਿਰਾਵਟ ਆਉਣ ਦੀ ਸੰਭਾਵਨਾ ਹੈ। ਮਾਸਾਹਾਰੀ ਥਾਲੀ ਵਿੱਚ ਬਰਾਇਲਰ ਦੀ ਕੀਮਤ ਲਗਭਗ 50 ਫ਼ੀਸਦੀ ਤੱਕ ਹੁੰਦੀ ਹੈ। ਆਮ ਤੌਰ 'ਤੇ ਇੱਕ ਸ਼ਾਕਾਹਾਰੀ ਥਾਲੀ ਵਿੱਚ ਦਾਲ, ਰੋਟੀ, ਸਬਜ਼ੀਆਂ (ਗੰਢੇ, ਟਮਾਟਰ ਅਤੇ ਆਲੂ), ਦਹੀਂ ਅਤੇ ਸਲਾਦ ਸ਼ਾਮਲ ਹੁੰਦੇ ਹਨ। ਰਿਪੋਰਟ ਵਿੱਚ ਨਾਨ ਵੈੱਜ ਥਾਲੀ ਵਿੱਚ ਦਾਲ ਦੀ ਥਾਂ ਚਿਕਨ ਨੂੰ ਰੱਖਿਆ ਗਿਆ ਹੈ। ਕ੍ਰਿਸਿਲ ਨੇ ਆਪਣੇ ਮਾਸਿਕ ਸੰਕੇਤਕ ਵਿੱਚ ਕਿਹਾ, "ਗੰਢੇ ਅਤੇ ਆਲੂ ਦੀਆਂ ਕੀਮਤਾਂ ਵਿੱਚ ਮਹੀਨਾਵਾਰ ਆਧਾਰ 'ਤੇ ਕ੍ਰਮਵਾਰ 16 ਫ਼ੀਸਦੀ ਅਤੇ 9 ਫ਼ੀਸਦੀ ਦਾ ਵਾਧਾ ਹੋਇਆ ਹੈ, ਜਿਸ ਨਾਲ ਇਨਪੁਟ ਲਾਗਤਾਂ ਵਿੱਚ ਹੋਰ ਵਾਧਾ ਹੋਇਆ ਹੈ।"

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8