ਦੋ ਦਿਨਾਂ 'ਚ ਕੰਗਾਲ ਹੋਏ 1.5 ਲੱਖ ਕਰੋੜ ਦੇ ਮਾਲਕ ਹਵਾਂਗ, ਸ਼ੇਅਰ ਬਾਜ਼ਾਰ 'ਚ ਇਕ ਗ਼ਲਤੀ ਪਈ ਭਾਰੀ

ਨਵੀਂ ਦਿੱਲੀ - ਵਾਲ ਸਟ੍ਰੀਟ ਦੇ ਵਪਾਰੀ ਬਿਲ ਹਵਾਂਗ ਨੂੰ ਸਟਾਕ ਮਾਰਕੀਟ ਦੀ ਦੁਨੀਆ ਦੇ ਇਕੋ ਇਕ  ਅਜਿਹੇ ਵਿਅਕਤੀ ਵਜੋਂ ਗਿਣਿਆ ਜਾਂਦਾ ਹੈ ਜੋ ਰਾਤੋਂ-ਰਾਤ ਕੰਗਾਲ ਹੋ ਗਿਆ। 2000 ਕਰੋੜ ਡਾਲਰ (ਲਗਭਗ ਡੇਢ ਲੱਖ ਕਰੋੜ ਰੁਪਏ) ਦੀ ਕੁਲ ਕੀਮਤ ਦਾ ਮਾਲਕ ਹਵਾਂਗ ਸਿਰਫ ਇੱਕ ਦਿਨ ਵਿਚ ਸਾਰੀ ਜਾਇਦਾਦ ਗੁਆ ਬੈਠਾ। ਇਸ ਨੁਕਸਾਨ ਸਿਰਫ ਉਸ ਨੂੰ ਹੀ ਨਹੀਂ ਹੋਇਆ ਸਗੋਂ ਉਸ ਨੂੰ ਕਰਜ਼ਾ ਦੇਣ ਵਾਲਿਆਂ ਨੂੰ ਵੀ 50 ਹਜ਼ਾਰ ਕਰੋੜ ਰੁਪਏ ਦਾ ਘਾਟਾ ਸਹਿਣਾ ਪਿਆ ਹੈ, ਜਿਨ੍ਹਾਂ ਦੇ ਪੈਸੇ ਹਵਾਂਗ ਨੇ ਸਟਾਕ ਮਾਰਕੀਟ ਵਿਚ ਨਿਵੇਸ਼ ਕੀਤੇ ਸਨ। ਉਸ ਦੀ ਕੰਪਨੀ ਦੇ ਢਹਿਣ ਨਾਲ ਬਹੁਤ ਸਾਰੇ ਬੈਂਕਾਂ ਅਤੇ ਵਿੱਤੀ ਸੰਸਥਾਵਾਂ ਦੀ ਸਥਿਤੀ ਵੀ ਪਤਲੀ ਹੋ ਗਈ। ਸਿਰਫ ਇੰਨਾ ਹੀ ਨਹੀਂ ਜਦੋਂ ਬੈਂਕਾਂ ਨੇ ਉਸ ਗਿਰਵੀ ਰੱਖੇ ਹੋਏ ਸ਼ੇਅਰਾਂ ਨੂੰ ਵੇਚਣਾ ਸ਼ੁਰੂ ਕੀਤਾ ਤਾਂ ਇਸ ਨਾਲ ਸ਼ੇਅਰ ਬਾਜ਼ਾਰ ਦੀ ਵੀ ਹਾਲਤ ਪਤਲੀ ਹੋ ਗਈ। ਮਾਹਰ ਕਹਿੰਦੇ ਹਨ ਕਿ ਹਵਾਂਗ ਨੇ ਗਲਤ ਤਰੀਕੇ ਨਾਲ ਨਿਵੇਸ਼ ਕੀਤਾ ਸੀ, ਜਿਸ ਕਾਰਨ ਉਸ ਨੂੰ ਇੰਨਾ ਵੱਡਾ ਨੁਕਸਾਨ ਸਹਿਣ ਕਰਨਾ ਪਿਆ।

ਇਹ ਵੀ ਪੜ੍ਹੋ:  ਅਮਰੀਕਾ ਨੇ ਚੀਨ ਨੂੰ ਦਿੱਤਾ ਵੱਡਾ ਝਟਕਾ, 7 ਚੀਨੀ ਕੰਪਨੀਆਂ 'ਤੇ ਲਗਾਈ ਪਾਬੰਦੀ

ਸ਼ੇਅਰ ਬਾਜ਼ਾਰ ਵਿਚ ਹੀ ਲਗਾ ਦਿੱਤਾ ਸਾਰਾ ਪੈਸਾ

ਲੋਕ ਆਮ ਤੌਰ 'ਤੇ ਆਪਣੇ ਪੈਸੇ ਕਿਸੇ ਜਾਇਦਾਦ, ਰਿਅਲ ਅਸਟੇਟ, ਇਕੁਇਟੀ, ਸਪੋਰਟਸ ਟੀਮ ਜਾਂ ਹੋਰ ਕਈ ਥਾਵਾਂ 'ਤੇ ਵਿਚ ਲਗਾਉਂਦੇ ਹਨ, ਪਰ ਹਵਾਂਗ ਨੇ ਆਪਣੇ ਸਾਰੇ ਪੈਸੇ ਬਾਜ਼ਾਰ ਵਿਚ ਹੀ ਲਗਾ ਕੇ ਰੱਖੇ ਹੋਏ ਸਨ। ਸ਼ੇਅਰ ਦੀਆਂ ਕੀਮਤਾਂ ਡਿੱਗਣ ਕਾਰਨ ਉਨ੍ਹਾਂ ਦੀ ਸਾਰੀ ਜਾਇਦਾਦ ਡੁੱਬ ਗਈ। ਹਵਾਂਗ ਦੀ ਕੰਪਨੀ ਆਰਚਗੋਸ ਕੈਪੀਟਲ ਮੈਨੇਜਮੈਂਟ ਨੂੰ ਮਾਰਚ ਵਿਚ ਵਿੱਤੀ ਇਤਿਹਾਸ ਵਿੱਚ ਸਭ ਤੋਂ ਵੱਡੀ ਅਸਫਲਤਾਵਾਂ ਵਜੋਂ ਮੰਨਿਆ ਗਿਆ ਕਿਉਂਕਿ ਕਿਸੇ ਵੀ ਵਿਅਕਤੀ ਨੇ ਇੰਨੀ ਜਲਦੀ ਇੰਨੀ ਵੱਡੀ ਰਕਮ ਕਦੇ ਨਹੀਂ ਗੁਆਈ।

ਇਹ ਵੀ ਪੜ੍ਹੋ:  ਕਿਸਾਨਾਂ ਨੂੰ ਰਾਹਤ : ਖ਼ਾਦ ਦੀਆਂ ਕੀਮਤਾਂ ਵਧਾਉਣ ਪਿੱਛੋਂ ਹੋਏ ਹੰਗਾਮੇ ਕਾਰਨ IFFCO ਨੇ ਲਿਆ ਇਹ ਫ਼ੈਸਲਾ

ਕਿਸੇ ਸਮੇਂ ਸਨ 3000 ਕਰੋੜ ਡਾਲਰ ਵਰਥ ਦੇ ਮਾਲਕ

ਜਦੋਂ ਹਵਾਂਗ ਆਪਣੇ ਸਿਖਰ 'ਤੇ ਸੀ, ਉਸ ਸਮੇਂ ਉਸਦੀ ਦੌਲਤ ਤਕਰੀਬਨ 3000 ਕਰੋੜ ਡਾਲਰ ਅਰਥਾਤ ਲਗਭਗ 2.2 ਲੱਖ ਕਰੋੜ ਰੁਪਏ ਭਾਰਤੀ ਰੁਪਏ ਅਨੁਸਾਰ ਸੀ। ਉਹ ਛਿਆਂਗੇ ਨਾਮ ਹੇਠ ਨਿਵੇਸ਼ ਦੀਆਂ ਸਹੂਲਤਾਂ ਪ੍ਰਦਾਨ ਕਰਦੇ ਸਨ ਅਤੇ ਕੰਪਨੀ ਦੇ ਨਾਂ 'ਤੇ ਹਵਾਂਗ ਨੇ ਬੈਂਕਾਂ ਤੋਂ ਅਰਬਾਂ ਡਾਲਰ ਉਧਾਰ ਲਿਆ ਹੋਇਆ ਸੀ। ਉਸ ਦੀ ਕੰਪਨੀ ਪੈਸੇ ਉਧਾਰ ਲੈਣ 'ਤੇ ਸਟਾਕ ਮਾਰਕੀਟ ਵਿਚ ਸੱਟਾ ਲਗਾਉਂਦੀ ਸੀ। ਉਸਨੇ ਆਪਣਾ ਸਾਰਾ ਪੈਸਾ ਕੁਝ ਕੰਪਨੀਆਂ ਵਿਚ ਪਾਇਆ ਹੋਇਆ ਸੀ ਜਿਸ ਵਿਚ ਵਾਇਕਾਮ, ਸੀ.ਬੀ.ਐਸ., ਜੀ.ਐਸ.ਐਕਸ., ਟੇਕੇਡੂ ਅਤੇ ਸ਼ੋਪੀਫਾਇ ਸ਼ਾਮਲ ਸਨ।

ਇਹ ਵੀ ਪੜ੍ਹੋ: ਕੋਰੋਨਾ ਆਫ਼ਤ: 90 ਫ਼ੀਸਦ ਦੇ ਰਿਕਾਰਡ ਪੱਧਰ 'ਤੇ ਪਹੁੰਚਿਆ ਭਾਰਤ ਦਾ ਕਰਜ਼ਾ

ਇਨਸਾਈਡਰ ਟ੍ਰੇਡਿੰਗ ਦੇ ਲੱਗ ਚੁੱਕੇ ਹਨ ਦੋਸ਼

ਹਵਾਂਗ 'ਤੇ ਇਨਸਾਈਡਰ ਟ੍ਰੇਡਿੰਗ ਦਾ ਦੋਸ਼ ਲਗ  ਚੁੱਕਾ ਹੈ। ਉਸਨੇ ਸਾਲ 2008 ਵਿਚ ਟਾਈਗਰ ਏਸ਼ੀਆ ਨਾਮ ਦਾ ਇੱਕ ਹੇਜ ਫੰਡ ਸ਼ੁਰੂ ਕੀਤਾ ਸੀ। ਜਿਸਦੇ ਜ਼ਰੀਏ ਉਹ ਉਧਾਰ ਦੇ ਪੈਸੇ ਨਾਲ ਈਸ਼ਆ ਦੇ ਵੱਖ-ਵੱਖ ਦੇਸ਼ਾਂ ਦੇ ਸ਼ੇਅਰਾਂ ਵਿਚ ਸੱਟਾ ਲਗਾਉਂਦਾ ਸੀ। ਪਰ ਬਾਅਦ ਵਿਚ ਅੰਦਰੂਨੀ ਵਪਾਰ ਸ਼ੁਰੂ ਹੋਣ ਤੋਂ ਬਾਅਦ ਉਸਨੂੰ ਨਿਵੇਸ਼ਕਾਂ ਦਾ ਪੈਸਾ ਵਾਪਸ ਦੇਣਾ ਪਿਆ। ਇਸ ਦੋਸ਼ ਕਾਰਨ ਉਸ 'ਤੇ ਪੰਜ ਸਾਲ ਜਨਤਕ ਪੈਸੇ ਦਾ ਪ੍ਰਬੰਧ ਕਰਨ 'ਤੇ ਪਾਬੰਦੀ ਲਗਾਈ ਗਈ ਸੀ। ਇਸ ਦੇ ਬੰਦ ਹੋਣ ਤੋਂ ਬਾਅਦ ਹਵਾਂਗ ਨੇ ਆਰਚੇਗਸ ਦੀ ਸ਼ੁਰੂਆਤ ਕੀਤੀ, ਜਿਸਦੀ ਸਥਿਤੀ ਅੱਜ ਸਾਰਿਆਂ ਦੇ ਸਾਹਮਣੇ ਹੈ।

ਇਹ ਵੀ ਪੜ੍ਹੋ: ਹੁਣ ਸਿਰਫ 9 ਰੁਪਏ ਵਿਚ ਮਿਲੇਗਾ LPG ਗੈਸ ਸਿਲੰਡਰ, ਅੱਜ ਉਠਾਓ ਇਸ ਸ਼ਾਨਦਾਰ ਪੇਸ਼ਕਸ਼ ਦਾ ਲਾਭ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।