ਸੋਨਾ 300 ਰੁਪਏ ਮਹਿੰਗਾ, ਚਾਂਦੀ 150 ਰੁਪਏ ਚਮਕੀ

ਨਵੀਂ ਦਿੱਲੀ—ਜਰਮਨੀ ਅਤੇ ਏਸ਼ੀਆ ਦੇ ਕਮਜ਼ੋਰ ਆਰਥਿਕ ਅੰਕੜਿਆਂ ਨਾਲ ਨਿਵੇਸ਼ਕਾਂ ਦਾ ਭਰੋਸਾ ਖਤਰੇ ਭਰੇ ਨਿਵੇਸ਼ ਤੋਂ ਡਗਮਗਾਇਆ ਅਤੇ ਉਨ੍ਹਾਂ ਦੀ ਦਿਲਚਸਪੀ ਸੁਰੱਖਿਅਤ ਨਿਵੇਸ਼ 'ਚ ਜ਼ਿਆਦਾ ਹੋ ਗਈ ਜਿਸ ਨਾਲ ਸੰਸਾਰਕ ਅਤੇ ਘਰੇਲੂ ਪੱਧਰ 'ਤੇ ਦੋਵਾਂ ਕੀਮਤੀ ਧਾਤੂਆਂ ਦੇ ਭਾਅ ਬੀਤੇ ਹਫਤੇ ਵਧ ਗਏ। ਦਿੱਲੀ ਸਰਾਫਾ ਬਾਜ਼ਾਰ 'ਚ ਇਸ ਤੋਂ ਪਿਛਲੇ ਹਫਤੇ ਦੀ ਗਿਰਾਵਟ ਨਾਲ ਉਭਰਦਾ ਹੋਇਆ ਸੋਨਾ ਬੀਤੇ ਹਫਤੇ 300 ਰੁਪਏ ਦੀ ਹਫਤਾਵਾਰ ਤੇਜ਼ੀ 'ਚ 32,970 ਰੁਪਏ ਪ੍ਰਤੀ ਦਸ ਗ੍ਰਾਮ 'ਤੇ ਪਹੁੰਚ ਗਿਆ। ਉਦਯੋਗਿਕ ਮੰਗ ਆਉਣ ਨਾਲ ਚਾਂਦੀ 150 ਰੁਪਏ ਦੀ ਛਲਾਂਗ ਲਗਾ ਕੇ 38,750 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਪਹੁੰਚ ਗਿਆ। ਬਾਜ਼ਾਰ ਵਿਸ਼ਲੇਸ਼ਕਾਂ ਮੁਤਾਬਕ ਸੰਸਾਰਕ ਆਰਥਿਕ ਵਿਕਾਸ ਦੀ ਰਫਤਾਰ ਕਮਜ਼ੋਰ ਪੈਣ ਨਾਲ ਖਦਸ਼ਾ ਨੇ ਇਕ ਵਾਰ ਫਿਰ ਪੀਲੀ ਧਾਤੂ ਦੀ ਚਮਕ ਤੇਜ਼ ਕਰ ਦਿੱਤੀ। ਹਾਲਾਂਕਿ ਦੁਨੀਆ ਦੀਆਂ ਹੋਰ ਮੁੱਖ ਮੁਦਰਾਵਾਂ ਦੇ ਬਾਸਕੇਟ 'ਚ ਡਾਲਰ ਦੀ ਮਜ਼ਬੂਤੀ ਦੇ ਕਾਰਨ ਇਸ ਦਾ ਵਾਧਾ ਸੀਮਿਤ ਰਹੀ। ਲੰਡਨ ਅਤੇ ਨਿਊਯਾਰਕ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਉਥੋਂ ਸੋਨਾ ਹਾਜ਼ਿਰ ਪਿਛਲੇ ਹਫਤੇ 10.35 ਡਾਲਰ ਦੀ ਹਫਤਾਵਾਰੀ ਤੇਜ਼ੀ ਨਾਲ 1,285.95 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਿਆ। ਜੂਨ ਦਾ ਅਮਰੀਕੀ ਸੋਨਾ ਵਾਇਦਾ ਵੀ 10.50 ਡਾਲਰ ਦੀ ਵਾਧੇ 'ਚ ਹਫਤਾਵਾਰ 'ਤੇ 1,288.40 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਿਆ। ਸੋਨੇ ਦੀ ਤਰ੍ਹਾਂ ਕੌਮਾਂਤਰੀ ਬਾਜ਼ਾਰ 'ਚ ਚਾਂਦੀ ਵੀ 0.05 ਡਾਲਰ ਚੜ੍ਹ ਕੇ 15.04 ਡਾਲਰ ਪ੍ਰਤੀ ਔਂਸ 'ਤੇ ਬੰਦ ਹੋਇਆ।