ਸ਼ਾਪਿੰਗ ਸੈਂਟਰਾਂ ''ਚੋਂ ਨਿਕਲ ਕੇ ਮੁੱਖ ਸੜਕਾਂ ''ਤੇ ਆਉਣ ਦੀ ਤਿਆਰੀ ''ਚ ਰੈਸਟੋਰੈਂਟ
05/28/2020 3:09:38 PM
ਨਵੀਂ ਦਿੱਲੀ : ਕੋਵਿਡ-19 ਦੇ ਵੱਧਦੇ ਪ੍ਰਭਾਵ ਨੂੰ ਦੇਖਦੇ ਹੋਏ ਕਈ ਬਦਲਾਅ ਦੇਖਣ ਨੂੰ ਮਿਲ ਸਕਦੇ ਹਨ। ਸਾਲ 2000 ਦੀ ਸ਼ੁਰੂਆਤ ਵਿਚ ਸ਼ਾਪਿੰਗ ਸੈਂਟਰਾਂ ਦਾ ਰੁੱਖ ਕਰਨ ਵਾਲੇ ਵੱਡੇ ਰੈਸਟੋਰੈਂਟ ਹੁਣ ਉੱਥੋਂ ਨਿਕਲਣ ਦੇ ਬਾਰੇ ਵਿਚ ਸੋਚ ਰਹੇ ਹਨ। ਉਹ ਫਿਰ ਤੋਂ ਮੁੱਖ ਸੜਕਾਂ 'ਤੇ ਆਉਣਾ (ਸ਼ਿਫਟ ਹੋਣਾ) ਚਾਹੁੰਦੇ ਹਨ। ਅਜਿਹੀ ਤਿਆਰੀ ਵਿਚ ਜੁਟੇ ਕੁੱਝ ਵੱਡੇ ਰੈਸਟੋਰੈਂਟ ਬਰਾਂਡਾਂ ਵਿਚ ਮੈਕਡਾਨਲਡ, ਸਪੈਸ਼ਿਅਲਿਟੀ ਰੈਸਟੋਰੈਂਟ, ਡੀਗਸਟਿਬਸ ਅਤੇ ਲਾਈਟ ਬਾਇਟ ਫੂਡਸ ਸ਼ਾਮਿਲ ਹਨ। ਇਨ੍ਹਾਂ ਦੀ ਇਸ ਤਰ੍ਹਾਂ ਦੀ ਯੋਜਨਾ ਦੇ ਪਿੱਛੇ ਕਈ ਕਾਰਨ ਹਨ। ਇਨ੍ਹਾਂ ਰੈਸਟੋਰੈਂਟਸ ਦਾ ਕਹਿਣਾ ਹੈ ਕਿ ਇਸ ਦੀ ਪਹਿਲੀ ਵਜ੍ਹਾ ਇਹ ਹੈ ਕਿ ਹਾਈ ਸਟਰੀਟ ਵਿਚ ਮਾਲਾਂ ਤੋਂ ਪਹਿਲਾਂ ਰੈਸਟੋਰੈਂਟ ਖੋਲ ਸਕਦੇ ਹਾਂ। ਮਾਲਾਂ ਵਿਚ ਇੰਫੈਕਸ਼ਨ ਦਾ ਖ਼ਤਰਾ ਜ਼ਿਆਦਾ ਹੁੰਦਾ ਹੈ। ਦੂਜਾ ਕਾਰਨ ਇਹ ਹੈ ਕਿ ਮਾਲ ਖੁੱਲ੍ਹ ਜਾਣ ਦੇ ਬਾਅਦ ਵੀ ਕੰਮ-ਕਾਜ ਦਾ ਸਮਾਂ ਨਿਯੰਤ੍ਰਿਤ ਹੁੰਦਾ ਹੈ। ਨਾਲ ਹੀ ਉਪਭੋਗਤਾਵਾਂ ਨੂੰ ਡਰ ਵੀ ਜ਼ਿਆਦਾ ਹੁੰਦਾ ਹੈ। ਤੀਜੀ ਅਹਿਮ ਵਜ੍ਹਾ ਇਹ ਹੈ ਕਿ ਸੜਕ ਦੇ ਸਟੋਰਾਂ ਦਾ ਕਿਰਾਇਆ ਮਾਲ ਦੇ ਮੁਕਾਬਲੇ ਕਿਤੇ ਘੱਟ ਹੁੰਦਾ ਹੈ।
ਉਤਰ ਅਤੇ ਪੂਰਬੀ ਭਾਰਤ ਵਿਚ 155 ਮੈਕਡਾਨਲਡ ਰੈਸਟੋਰੈਂਟ ਚਲਾਉਣ ਵਾਲੇ ਕਨਾਟ ਪਲਾਜ਼ਾ ਰੈਸਟੋਰੈਂਟਸ (ਸੀ.ਪੀ.ਆਰ.ਐੱਲ) ਦੇ ਚੇਅਰਮੈਨ ਸੰਜੀਵ ਅਗਰਵਾਲ ਨੇ ਈ.ਟੀ. ਨਾਲ ਗੱਲਬਾਤ ਕੀਤੀ। ਉਨ੍ਹਾਂ ਨੇ ਦੱਸਿਆ ਕਿ ਅਸੀਂ ਡਰਾਇਵ-ਥਰੂ ਸੁਵਿਧਾ ਵੀ ਸ਼ੁਰੂ ਕੀਤੀ ਹੈ। ਇਸ ਦੇ ਤਹਿਤ ਲੋਕਾਂ ਨੂੰ ਉਨ੍ਹਾਂ ਦੀ ਕਾਰ ਵਿਚ ਖਾਣਾ ਪਹੁੰਚਾਇਆ ਜਾਂਦਾ ਹੈ। ਇਸ ਨਾਲ ਉਨ੍ਹਾਂ ਨੂੰ ਆਪਣੀ ਕਾਰ 'ਚੋਂ ਉਤਰਨਾ ਨਹੀਂ ਪੈਂਦਾ ਹੈ। ਇਸ ਤਰ੍ਹਾਂ ਉਹ ਕਿਸੇ ਦੇ ਸੰਪਰਕ ਵਿਚ ਨਹੀਂ ਆਉਂਦੇ ਹਨ।
ਮੇਨਲੈਂਡ ਚਾਇਨਾ ਅਤੇ ਓਹ! ਕਲਕੱਤਾ ਨੂੰ ਚਲਾਉਣ ਵਾਲੀ ਸਪੈਸ਼ਿਅਲਿਟੀ ਰੈਸਟੋਰੈਂਟ ਦੇ ਐਮ.ਡੀ. ਅੰਜਨ ਚਟਰਜੀ ਨੇ ਕਿਹਾ ਕਿ ਹਾਈ-ਸਟਰੀਟ ਸਟੋਰ ਮਾਲ ਵਿਚ ਫੁਟਫਾਲ ਵਰਗੇ ਬਾਹਰੀ ਕਾਰਕਾਂ 'ਤੇ ਨਿਰਭਰ ਨਹੀਂ ਹਨ। ਇੱਥੇ ਕਿਰਾਇਆ ਵੀ ਘੱਟ ਹੁੰਦਾ ਹੈ। ਕਾਮਨ ਏਰੀਆ ਮੈਨਟੀਨੈਂਸ ਚਾਰਜ ਵੀ ਨਹੀਂ ਵਸੂਲਿਆ ਜਾਂਦਾ ਹੈ ਜੋ ਮਾਲ ਲੈਂਦੇ ਹਨ।
