24 ਘੰਟੇ ਨੈਫਟ ਸੇਵਾ ਸ਼ੁਰੂ ਕੀਤੇ ਜਾਣ ਦੇ 8 ਘੰਟਿਆਂ ’ਚ 11.40 ਲੱਖ ਦਾ ਲੈਣ-ਦੇਣ
12/17/2019 12:16:00 AM
ਮੁੰਬਈ (ਭਾਸ਼ਾ)-ਰਿਜ਼ਰਵ ਬੈਂਕ ਨੇ 7 ਦਿਨ 24 ਘੰਟੇ ਕੰਮ ਕਰਨ ਵਾਲੀ ਨੈਸ਼ਨਲ ਇਲੈਕਟ੍ਰਾਨਿਕਸ ਫੰਡਸ ਟਰਾਂਸਫਰ (ਨੈਫਟ) ਪ੍ਰਣਾਲੀ ਅੱਜ ਚਾਲੂ ਕਰ ਦਿੱਤੀ। ਇਸ ਦੇ ਲਾਗੂ ਹੋਣ ਮਗਰੋਂ ਪਹਿਲੇ 8 ਘੰਟਿਆਂ ’ਚ ਲਗਭਗ 11.40 ਲੱਖ ਰੁਪਏ ਲੈਣ-ਦੇਣ ਦਾ ਨਿਪਟਾਰਾ ਹੋਇਆ। ਇਸ ਪ੍ਰਣਾਲੀ ਨੂੰ ਐਤਵਾਰ-ਸੋਮਵਾਰ ਦੀ ਦਰਮਿਆਨੀ ਰਾਤ 12 ਵਜੇ ਤੋਂ ਸ਼ੁਰੂ ਕੀਤੀ ਗਈ। ਕੇਂਦਰੀ ਬੈਂਕ ਦੇ ਬਿਆਨ ਅਨੁਸਾਰ ਇਸ ਨਾਲ ਕਿਸੇ ਵੀ ਸਮੇਂ ਇਲੈਕਟ੍ਰਾਨਿਕ ਰੂਪ ’ਚ ਫੰਡ ਟਰਾਂਸਫਰ ਕੀਤਾ ਜਾ ਸਕੇਗਾ।
