ਯੁਵਰਾਜ ਦੇ ਕ੍ਰਿਕਟ ਤੋਂ ਸੰਨਿਆਸ ''ਤੇ ਇਨ੍ਹਾਂ ਮਹਾਨ ਕ੍ਰਿਕਟਰਾਂ ਨੇ ਦਿੱਤੀਆਂ ਇਹ ਪ੍ਰਤੀਕਿਰਿਆਵਾਂ

ਸਪੋਰਟਸ ਡੈਸਕ— ਕੌਮਾਂਤਰੀ ਕ੍ਰਿਕਟ 'ਚ 17 ਸਾਲ ਬਿਤਾਉਣ ਵਾਲੇ ਹਰਫਨਮੌਲਾ ਖਿਡਾਰੀ ਯੁਵਰਾਜ ਸਿੰਘ ਨੇ ਸੋਮਵਾਰ ਨੂੰ ਕ੍ਰਿਕਟ ਦੇ ਸਾਰੇ ਫਾਰਮੈਟਾਂ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ। ਜਿਵੇਂ ਹੀ ਯੁਵਰਾਜ ਨੇ ਪ੍ਰੈੱਸ ਕਾਨਫਰੰਸ ਕਰਕੇ ਇਹ ਫੈਸਲਾ ਸੁਣਾਇਆ ਤਾਂ ਸੋਸ਼ਲ ਮੀਡੀਆ 'ਤੇ ਸੰਦੇਸ਼ਾਂ ਦਾ ਤਾਂਤਾ ਹੀ ਲੱਗ ਗਿਆ। ਕਈ ਸਾਬਕਾ ਦਿੱਗਜ ਕ੍ਰਿਕਟਰਾਂ ਨੇ ਉਨ੍ਹਾਂ ਨੇ ਟਵਿੱਟਰ 'ਤੇ ਉਨ੍ਹਾਂ ਦੇ ਸੰਨਿਆਸ 'ਤੇ ਆਪਣੀਆਂ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ। ਜੋ ਹੇਠਾਂ ਹਨ

ਰੋਹਿਤ ਸ਼ਰਮਾ 

ਰੋਹਿਤ ਸ਼ਰਮਾ ਨੇ ਯੁਵਰਾਜ ਸਿੰਘ ਲਈ ਟਵੀਟ 'ਤੇ ਲਿਖਿਆ-, ''ਜਦੋਂ ਤੁਹਾਡੇ ਕੋਲ ਉਹ ਚੀਜ਼ ਨਹੀਂ ਰਹਿੰਦੀ, ਉਦੋਂ ਹੀ ਤੁਹਾਨੂੰ ਉਸ ਦੀ ਕਮੀ ਦਾ ਅਹਿਸਾਸ ਹੁੰਦਾ ਹੈ। ਬਹੁਤ ਸਾਰਾ ਪਿਆਰ ਮੇਰੇ ਭਰਾ। ਤੁਸੀਂ ਇਕ ਬਿਹਤਰ ਵਿਦਾਈ ਦੇ ਹੱਕਦਾਰ ਸੀ।''

ਸੌਰਵ ਗਾਂਗੁਲੀ 

ਸੌਰਵ ਗਾਂਗੁਲੀ ਨੇ ਟਵੀਟ 'ਤੇ ਲਿਖਿਆ, ''ਪਿਆਰੇ ਯੁਵੀ...ਹਰ ਚੰਗੀ ਚੀਜ਼ ਦਾ ਅੰਤ ਹੋ ਜਾਂਦਾ ਹੈ...ਅਤੇ ਇਹ ਇਕ ਵਿਲੱਖਣ ਗੱਲ ਹੈ...ਤੁਸੀਂ ਮੇਰੇ ਭਰਾ ਵਾਂਗ ਸੀ...ਸਾਰੇ ਦੇਸ਼ ਨੂੰ ਤੁਹਾਡੇ 'ਤੇ ਮਾਣ ਹੈ। ਇਕ ਸ਼ਾਨਦਾਰ ਕਰੀਅਰ ਲਈ ਵਧਾਈ... ਬਹੁਤ ਸਾਰਾ ਪਿਆਰ।''

ਵਿਰਾਟ ਕੋਹਲੀ 

ਵਿਰਾਟ ਕੋਹਲੀ ਨੇ ਟਵਿਟਰ 'ਤੇ ਲਿਖਿਆ, ''ਭਾਜੀ ਇਕ ਸ਼ਾਨਦਾਰ ਕਰੀਅਰ ਦੇ ਨਾਲ ਦੇਸ਼ ਲਈ ਖੇਡਣ ਲਈ ਵਧਾਈ। ਤੁਸੀਂ ਸਾਨੂੰ ਬਹੁਤ ਸਾਰੀਆਂ ਯਾਦਾਂ ਅਤੇ ਜਿੱਤ ਦਿੱਤੀਆਂ ਅਤੇ ਮੈਂ ਤੁਹਾਨੂੰ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿੰਦਾ ਹਾਂ। ਅਸਲ ਚੈਂਪੀਅਨ।'' 

ਸਚਿਨ ਤੇਂਦੁਲਕਰ 

ਸਚਿਨ ਨੇ ਟਵਿਟਰ 'ਤੇ ਲਿਖਿਆ, ''ਯੁਵਰਾਜ ਤੁਹਾਡਾ ਕਰੀਅਰ ਬਹੁਤ ਹੀ ਸ਼ਾਨਦਾਰ ਰਿਹਾ। ਜਦੋਂ ਵੀ ਟੀਮ ਨੂੰ ਜ਼ਰੂਰਤ ਮਹਿਸੂਸ ਹੋਈ ਤੁਸੀਂ ਚੈਂਪੀਅਨ ਵਾਂਗ ਖੇਡੇ। ਮੈਦਾਨ ਦੇ ਅੰਦਰ ਤੁਸੀਂ ਜੋ ਜ਼ਿੰਦਾਦਿਲੀ ਦਿਖਾਈ ਉਹ ਕਮਾਲ ਦੀ ਸੀ। ਤੁਹਾਡੀ ਦੂਜੀ ਪਾਰੀ ਲਈ ਸ਼ੁਭਕਾਮਨਾਵਾਂ ਅਤੇ ਤੁਸੀਂ ਕ੍ਰਿਕਟ ਲਈ ਜੋ ਕੀਤਾ ਹੈ ਉਸ ਲਈ ਧੰਨਵਾਦ।''

ਇਰਫਾਨ ਪਠਾਨ 

ਇਰਫਾਨ ਪਠਾਨ ਨੇ ਟਵਿੱਟਰ 'ਤੇ ਲਿਖਿਆ, ''ਕੰਨ ਫੜ੍ਹ ਕੇ ਰਿਟਾਇਰਮੈਂਟ ਵਾਪਸ ਕਰਵਾਉਣ ਦਾ ਦਿਲ ਕਰ ਰਿਹਾ ਹੈ। ਪਰ ਭਰਾ, ਮੈਂ ਜਾਣਦਾ ਹਾਂ ਕਿ ਤੂੰ ਇਹ ਫੈਸਲਾ ਸ਼ਾਂਤੀ ਨਾਲ ਲਿਆ ਹੈ। ਭਾਰਤੀ ਕ੍ਰਿਕਟ ਲਈ ਕਈ ਸ਼ਾਨਦਾਰ ਜਿੱਤਾਂ ਵਾਲੇ ਕਰੀਅਰ ਲਈ ਬਹੁਤ ਵਧਾਈ।''