ਵਿਰਾਟ ਨੇ ਫਿਰ ਦਿਖਾਇਆ ਜਿਮ ’ਚ ਦਮ, ਸ਼ੇਅਰ ਕੀਤੀ ਵਰਕਆਊਟ ਦੀ ਵੀਡੀਓ

ਨਵੀਂ ਦਿੱਲੀ- ਕੋਰੋਨਾ ਮਹਾਮਾਰੀ ਦੀ ਵਜ੍ਹਾ ਨਾਲ ਲਾਕਡਾਊਨ ’ਚ ਖੁੱਲ੍ਹ ਮਿਲਣ ਤੋਂ ਬਾਅਦ ਭਾਰਤੀ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਆਪਣੇ ਰੂਟੀਨ ’ਚ ਹੌਲੀ-ਹੌਲੀ ਵਾਪਸ ਆ ਰਹੇ ਹਨ। ਉਨ੍ਹਾਂ ਨੇ ਲਗਾਤਾਰ ਦੂਜੇ ਦਿਨ ਜਿਮ ’ਚ ਵਰਕਆਊਟ ਦਾ ਵੀਡੀਓ ਸ਼ੇਅਰ ਕੀਤਾ ਹੈ। ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਦੱਸਿਆ ਕਿ ਜੇਕਰ ਹਰ ਦਿਨ ਕਰਨ ਦੇ ਲਈ ਇਕ ਕਸਰਤ ਨੂੰ ਚੁਣਨਾ ਹੋਵੇ ਤਾਂ ਕੀ ਹੋਵੇਗਾ।

If I had to make a choice of one exercise to do everyday, this would be it. Love the power snatch 💪😃 pic.twitter.com/nak3QvDKsj

— Virat Kohli (@imVkohli) July 3, 2020

ਮੌਜੂਦਾ ਦੌਰ ਦੇ ਰਨ ਮਸ਼ੀਨ ਕਹੇ ਜਾਣ ਵਾਲੇ ਵਿਰਾਟ ਕੋਹਲੀ ਨੇ ਟਵਿੱਟਰ ’ਤੇ ਲਿਖਿਆ- ਜੇਕਰ ਮੈਨੂੰ ਰੋਜ਼ਾਨਾ ਇਕ ਕਸਰਤ ਕਰਨ ਦਾ ਵਿਕਲਪ ਚੁਣਨਾ ਹੋਵੇ ਤਾਂ ਉਹ ਇਹੀ ਹੋਵੇਗਾ। ਪਾਵਰ ਸਨੈਚ ਨਾਲ ਪਿਆਰ। ਇਸ ਵੀਡੀਓ ’ਚ ਉਹ ਭਾਰੀ ਵੇਟ ਦੇ ਨਾਲ ਆਪਣੀ ਪਸੰਦੀਦੀ ਕਸਰਤ ਕਰਦੇ ਦਿਖਾਈ ਦੇ ਰਹੇ ਹਨ। ਦੱਸ ਦੇਈਏ ਕਿ ਫਿਟਨੈੱਸ ਦੇ ਮਾਮਲੇ ’ਚ ਵਿਰਾਟ ਕੋਹਲੀ ਦੀ ਦੁਨੀਆ ਦੇ ਕ੍ਰਿਕਟਰ ਸ਼ਲਾਘਾ ਕਰਦੇ ਹਨ।

Hey H @hardikpandya7 loved your fly push ups 💪😎. Here's adding a little clap to it 😉. pic.twitter.com/9h7RiigNSc

— Virat Kohli (@imVkohli) July 2, 2020

ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵਿਰਾਟ ਕੋਹਲੀ ਨੇ ਹਾਰਦਿਕ ਪੰਡਯਾ ਦੇ ਲਈ ਵੀਡੀਓ ਸ਼ੇਅਰ ਕੀਤਾ ਸੀ। ਉਸ ’ਚ ਉਹ ਫਲਾਈ ਪੁਸ਼ ਅਪ ਨੂੰ ਕਲੈਪਿੰਗ ਦੇ ਨਾਲ ਕਰਦੇ ਦਿਖ ਰਹੇ ਸਨ। ਦਰਅਸਲ, ਪੰਡਯਾ ਨੇ ਆਪਣੇ ਕ੍ਰਿਕਟਰ ਭਰਾ ਕਰੁਣਾਲ ਪੰਡਯਾ ਨੂੰ ਚੈਲੰਜ ਦਿੱਤਾ ਸੀ, ਜਿਸ ਨੂੰ ਵਿਰਾਟ ਨੇ ਵੀ ਪੂਰਾ ਕੀਤਾ।