ਸ਼੍ਰੀਲੰਕਾ ਕ੍ਰਿਕਟ ਬੋਰਡ ਨੂੰ ਪਾਕਿਸਤਾਨ ਦੌਰੇ ''ਤੇ ਜਾਣ ਦੀ ਉਮੀਦ
09/18/2019 6:08:54 PM
ਸਪੋਰਟਸ ਡੈਸਕ— ਸ਼੍ਰੀਲੰਕਾ ਕ੍ਰਿਕਟ ਬੋਰਡ ਨੂੰ ਪਾਕਿਸਤਾਨ ਦੇ ਦੌਰੇ 'ਤੇ ਜਾਣ ਦੀ ਉਮੀਦ ਹੈ ਪਰ ਉਹ ਰੱਖਿਆ ਮੰਤਰਾਲੇ ਵਲੋਂ ਆਖਰੀ ਮਨਜ਼ੂਰੀ ਮਿਲਣ ਦਾ ਇੰਤਜ਼ਾਰ ਕਰੇਗਾ। ਸ਼੍ਰੀਲੰਕਾ ਕ੍ਰਿਕਟ ਦੇ ਸਕਤਰ ਮੋਹੈ ਡੀ ਸਿਲਵਾ ਨੇ ਕਿਹਾ ਕਿ ਉਹ ਆਪਣੇ ਮੇਜਬਾਨ ਦੇ ਸੁਰੱਖਿਆ ਇੰਤਜ਼ਾਮਾਂ ਤੋਂ ਸੰਤੁਸ਼ਟ ਸਨ ਪਰ ਪਿਛਲੇ ਹਫਤੇ ਸੰਭਾਵਿਕ ਅੱਤਵਾਦੀ ਹਮਲੇ ਦੀ ਰਿਪੋਰਟ ਨੂੰ ਜਾਂਚ ਲਈ ਰੱਖਿਆ ਮੰਤਰਾਲੇ ਕੋਲ ਭੇਜਿਆ ਗਿਆ ਹੈ। ਸ਼੍ਰੀਲੰਕਾ ਕ੍ਰਿਕਟ ਟੀਮ ਮਾਰਚ 2009 'ਚ ਪਾਕਿਸਤਾਨ ਦੇ ਲਾਹੌਰ 'ਚ ਟੈਸਟ ਮੈਚ ਦੇ ਦੌਰਾਨ ਅੱਤਵਾਦੀ ਹਮਲੇ ਦਾ ਸ਼ਿਕਾਰ ਬਣੀ ਸੀ। ਅੱਤਵਾਦੀਆਂ ਦੇ ਹਮਲੇ 'ਚ ਸ਼੍ਰੀਲੰਕਾ ਦੇ 6 ਖਿਡਾਰੀ ਜਖ਼ਮੀ ਹੋ ਗਏ ਸਨ। ਪਾਕਿਸਤਾਨ ਦੇ ਛੇ ਪੁਲਸਕਰਮੀ ਅਤੇ ਦੋ ਨਾਗਰਿਕਾਂ ਦੀ ਇਸ ਹਮਲੇ 'ਚ ਮੌਤ ਹੋ ਗਈ ਸੀ।
2009 'ਚ ਹੋਏ ਇਸ ਹਮਲੇ ਤੋਂ ਬਾਅਦ ਸਾਰੀਆਂ ਅੰਤਰਰਾਸ਼ਟਰੀ ਟੀਮਾਂ ਨੇ ਪਾਕਿਸਤਾਨ ਦੇ ਦੌਰੇ 'ਤੇ ਜਾਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਸ਼੍ਰੀਲੰਕਾ ਦੇ ਪ੍ਰਧਾਨਮੰਤਰੀ ਦਫ਼ਤਰ ਨੇ ਬੋਰਡ ਨੂੰ ਚੇਤਾਵਨੀ ਦਿੱਤੀ ਸੀ ਕਿ ਉਸ ਨੂੰ ਟੀਮ ਦੇ ਖਿਡਾਰੀਆਂ 'ਤੇ ਸੰਭਾਵਿਕ ਅੱਤਵਾਦੀ ਹਮਲੇ ਦੀ ਸੁਚਨਾ ਮਿਲੀ ਸੀ। ਸ਼੍ਰੀਲੰਕਾ ਕ੍ਰਿਕਟ ਬੋਰਡ ਨੇ ਇਸ ਤੋਂ ਬਾਅਦ ਦੌਰਾ ਤਾਂ ਰੱਦ ਨਹੀਂ ਕੀਤਾ ਪਰ ਸਰਕਾਰ ਵਲੋਂ ਸੁਰੱਖਿਆ ਦੀ ਹਾਲਤ ਦਾ ੰਦੁਬਾਰਾ ਜਾਇਜ਼ਾ ਕਰਨ ਅਤੇ ਟੂਰਨਮੈਂਟ ਨੂੰ ਲੈ ਕੇ ਆਖਰੀ ਫੈਸਲਾ ਕਰਨ ਨੂੰ ਕਿਹਾ ਹੈ।
