ਦੱ. ਅਫਰੀਕਾ ਟੀਮ ਨੂੰ ਲੱਗਾ ਝਟਕਾ, ਸਟਾਰ ਖਿਡਾਰੀ ਹੋਇਆ ਪਹਿਲੇ ਟੀ-20 ਮੈਚ ਤੋਂ ਬਾਹਰ
02/18/2020 8:48:07 PM
ਜਲੰਧਰ— ਦੱਖਣੀ ਅਫਰੀਕਾ ਦੇ ਟੀ-20 ਸਲਾਮੀ ਬੱਲੇਬਾਜ਼ ਟੇਮਬਾ ਬਵੁਮਾ ਨੂੰ ਸ਼ੁੱਕਰਵਾਰ ਤੋਂ ਸ਼ੁਰੂ ਹੋ ਰਹੇ ਆਸਟਰੇਲੀਆ ਵਿਰੁੱਧ ਪਹਿਲੇ ਟੀ-20 ਤੋਂ ਬਾਹਰ ਹੋ ਗਏ ਹਨ। ਬਵੁਮਾ ਇੰਗਲੈਂਡ ਵਿਰੁੱਧ ਖੇਡੇ ਗਏ ਤੀਜੇ ਟੀ-20 ਮੈਚ 'ਚ ਫੀਲਡਿੰਗ ਕਰਦੇ ਸਮੇਂ ਸੱਟ ਲੱਗ ਗਈ ਸੀ। ਦੱਖਣੀ ਅਫਰੀਕਾ ਨੇ ਇਹ ਮੈਚ 5 ਵਿਕਟਾਂ ਨਾਲ ਹਾਰਿਆ ਸੀ ਤੇ ਇੰਗਲੈਂਡ ਦੀ ਟੀਮ ਨੇ ਟੀ-20 ਸੀਰੀਜ਼ ਜਿੱਤ ਲਈ ਸੀ।
ਬਵੁਮਾ ਦੀ ਸੱਟ ਨੂੰ ਦੇਖਦੇ ਹੋਏ ਦੱਖਣੀ ਅਫਰੀਕਾ ਦੀ ਮੈਡੀਕਲ ਟੀਮ ਨੇ 10 ਦਿਨਾਂ ਦੇ ਆਰਾਮ ਦੇ ਲਈ ਆਰਾਮ ਕਰਨ ਦੀ ਸਲਾਹ ਦਿੱਤੀ ਹੈ। ਇਸ ਵਿਚਾਲੇ ਉਹ ਦੱਖਣੀ ਅਫਰੀਕਾ ਟੀਮ ਦੇ ਨਾਲ ਮੈਡੀਕਲ ਟੀਮ ਦੀ ਨਜ਼ਰ 'ਚ ਹੀ ਰਹਿਣਗੇ ਤੇ ਉਸਦੀ ਫਿੱਟਨੈੱਸ 'ਤੇ ਧਿਆਨ ਰੱਖੀ ਜਾਵੇਗੀ ਹਾਲਾਂਕਿ ਉਹ ਟੀਮ ਦੇ ਨਾਲ ਦੌਰਾ ਕਰ ਸਕਣਗੇ। ਐਤਵਾਰ ਨੂੰ ਪੋਰਟ ਐਲਿਜਾਬੇਥ 'ਚ ਹੋਣ ਵਾਲੇ ਦੂਜੇ ਟੀ-20 ਉਹ ਟੀਮ ਨਾਲ ਉਪਲੱਬਧ ਹੋ ਜਾਣਗੇ ਅਜਿਹੀ ਉਮੀਦ ਲਗਾਈ ਜਾ ਰਹੀ ਹੈ ਪਰ ਦੱਖਣੀ ਅਫਰੀਕਾ ਦੀ ਟੀਮ ਨੇ ਅਜੇ ਤਕ ਬਵੁਮਾ ਦਾ ਕੋਈ ਰਿਪਲੇਸਮੇਂਟ ਨਹੀਂ ਮੰਗਿਆ ਹੈ।
ਹਾਲ ਹੀ 'ਚ ਦੱਖਣੀ ਅਫਰੀਕਾ ਦੀ ਟੀਮ ਨੂੰ ਆਪਣੀ ਹੀ ਜ਼ਮੀਨ 'ਤੇ ਇੰਗਲੈਂਡ ਦੇ ਹੱਥੋਂ ਟੀ-20 ਸੀਰੀਜ਼ 'ਚ 1-2 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਜੇਕਰ ਬਵੁਮਾ ਫਿੱਟ ਨਹੀਂ ਹੁੰਦੇ ਤਾਂ ਇਹ ਦੱਖਣੀ ਅਫਰੀਕਾ ਦੇ ਲਈ ਵੱਡਾ ਝਟਕਾ ਸਾਬਤ ਹੋਵੇਗਾ ਕਿਉਂਕਿ ਇਸ ਸਮੇਂ ਦੱਖਣੀ ਅਫਰੀਕਾ ਟੀਮ ਦਾ ਪ੍ਰਦਰਸ਼ਨ ਕੁਝ ਖਾਸ ਨਹੀਂ ਰਿਹਾ ਹੈ।