ਸਾਨੀਆ ਮਿਰਜ਼ਾ ਅਤੇ ਸ਼ੋਏਬ ਮਲਿਕ ਦੇ ਘਰ ਆਇਆ ਨੰਨ੍ਹਾ ਮਹਿਮਾਨ, ਇਸ ਤਰ੍ਹਾਂ ਜ਼ਾਹਰ ਕੀਤੀ ਖੁਸ਼ੀ

ਨਵੀਂ ਦਿੱਲੀ— ਪਾਕਿਸਤਾਨ ਦੇ ਸਾਬਕਾ ਕਪਤਾਨ ਸ਼ੋਏਬ ਮਲਿਕ ਨੇ ਮੰਗਲਵਾਰ ਦੀ ਸਵੇਰ ਦੱਸਿਆ ਕਿ ਉਨ੍ਹਾਂ ਦੀ ਪਤਨੀ ਅਤੇ ਭਾਰਤ ਦੀ ਟੈਨਿਸ ਸਟਾਰ ਸਾਨੀਆ ਮਿਰਜ਼ਾ ਨੇ ਬੇਟੇ ਨੂੰ ਜਨਮ ਦਿੱਤਾ ਹੈ। ਮਲਿਕ ਨੇ ਇਸ ਦੀ ਜਾਣਕਾਰੀ 30 ਅਕਤੂਬਰ ਨੂੰ ਟਵੀਟ ਕਰਕੇ ਦਿੱਤੀ। ਨਾਲ ਹੀ ਉਸ ਨੇ ਲਿਖਿਆ ਕਿ ਮਾਂ ਅਤੇ ਬੱਚਾ ਦੋਵੇਂ ਸਿਹਤਮੰਦ ਹਨ। ਉਨ੍ਹਾਂ ਲਿਖਿਆ ਕਿ ਇਹ ਜਾਣਕਾਰੀ ਦਿੰਦੇ ਹੋਏ ਖੁਸ਼ੀ ਹੋ ਰਹੀ ਹੈ। ਮੇਰੀ ਪਤਨੀ ਨੇ ਬੇਟੇ ਨੂੰ ਜਨਮ ਦਿੱਤਾ ਹੈ। #Alhumdulilah ਸ਼ੁਭਕਾਮਨਾਵਾਂ ਅਤੇ ਦੁਆ ਲਈ ਧੰਨਵਾਦ। ਅਸੀਂ ਤੁਹਾਡੇ ਧੰਨਵਾਦੀ ਹਾਂ। #BabyMirzaMalik ।

Excited to announce: Its a boy, and my girl is doing great and keeping strong as usual #Alhumdulilah. Thank you for the wishes and Duas, we are humbled 🙏🏼 #BabyMirzaMalik 👼🏼

— Shoaib Malik 🇵🇰 (@realshoaibmalik) October 30, 2018

ਇਸ ਤੋਂ ਪਹਿਲਾਂ ਸੋਸ਼ਲ ਮੀਡੀਆ 'ਤੇ ਅਫਵਾਹ ਫੈਲੀ ਸੀ ਕਿ ਇਸ ਕਪਲ ਨੇ ਬੇਬੀ ਬੁਆਏ ਨੂੰ ਜਨਮ ਦਿੱਤਾ ਹੈ ਪਰ ਉਦੋਂ ਸ਼ੋਏਬ ਨੇ ਇਸ ਖਬਰ ਨੂੰ ਖਾਰਜ ਕਰ ਦਿੱਤਾ ਸੀ। ਹਾਲਾਂਕਿ ਹੁਣ ਸ਼ੋਏਬ ਨੇ ਹੀ ਇਸ ਦਾ ਐਲਾਨ ਕੀਤਾ ਹੈ ਕਿ ਸਾਨੀਆ ਨੇ ਬੇਬੀ ਬੁਆਏ ਨੂੰ ਜਨਮ ਦਿੱਤਾ ਹੈ। ਮਲਿਕ ਨੇ ਪਹਿਲਾਂ ਟਵੀਟ ਕੀਤਾ ਸੀ ਕਿ ਜਦੋਂ ਬੱਚਾ ਜਨਮ ਲਵੇਗਾ ਉਦੋਂ ਉਹ ਖੁਦ ਇਸ ਦੀ ਜਾਣਕਾਰੀ ਦੇਣਗੇ। ਤੁਸੀਂ ਦੁਆ ਕਰਦੇ ਰਹੋ (ਜੋ ਤੁਸੀਂ ਇੰਟਰਨੈਟ 'ਤੇ ਪੜਦੇ ਹੋ, ਇਸ 'ਤੇ ਵਿਸ਼ਵਾਸ਼ ਨਾ ਕਰੋ)।

We will do a proper announcement when the kid decides to arrive, please keep us in your Duas (and don’t believe everything you see/read on the internet please!) 🙏🏼

— Shoaib Malik 🇵🇰 (@realshoaibmalik) October 14, 2018

ਸਾਨੀਆ ਨੇ ਪਹਿਲਾਂ ਹੀ ਖੁਲਾਸਾ ਕੀਤਾ ਸੀ ਕਿ ਬੇਬੀ ਦੇ ਨਾਂ 'ਚ ਮਾਤਾ ਅਤੇ ਪਿਤਾ ਦੋਹਾਂ ਦਾ ਨਾਂ ਹੋਵੇਗਾ। ਜਦਕਿ ਰਵਾਇਤ ਰਹੀ ਹੈ ਕਿ ਬੱਚੇ ਦੇ ਨਾਂ 'ਚ ਪਿਤਾ ਦਾ ਸਰਨੇਮ ਹੁੰਦਾ ਹੈ। ਸਾਨੀਆ ਨੇ ਇਸ ਮਾਮਲੇ 'ਚ ਕਿਹਾ ਸੀ ਕਿ ਮੈਂ ਅੱਜ ਤੁਹਾਨੂੰ ਸੀਕ੍ਰੇਟ ਦੱਸਾਂਗੀ। ਮੇਰੇ ਪਤੀ ਅਤੇ ਮੈਂ ਫੈਸਲਾ ਕੀਤਾ ਹੈ ਕਿ ਜਦੋਂ ਵੀ ਸਾਡੇ ਕੋਲ ਬੱਚਾ ਆਵੇਗਾ, ਬੱਚੇ ਦਾ ਸਰਨੇਮ ਮਿਰਜ਼ਾ ਮਲਿਕ ਹੋਵੇਗਾ। ਸਾਨੀਆ ਨੇ ਵਿਆਹ ਦੇ ਬਾਅਦ ਆਪਣਾ ਸਰਨੇਮ ਨਹੀਂ ਬਦਲਿਆ।