ਦੂਜਾ ਵਿਆਹ ਕਰਨਾ ਚਾਹੁੰਦੇ ਨੇ ਸ਼ਿਖਰ ਧਵਨ, ਜਾਣੋ ਕੌਣ ਬਣੇਗੀ ਦੁਲਹਨ!

ਸਪੋਰਟਸ ਡੈਸਕ-ਪਿਛਲੇ ਦਿਨੀਂ ਭਾਰਤੀ ਕ੍ਰਿਕਟਰ ਸ਼ਿਖਰ ਧਵਨ ਨੇਪਾਲ ਪ੍ਰੀਮੀਅਰ ਲੀਗ 'ਚ ਨਜ਼ਰ ਆਏ ਸਨ। ਇਸ ਕ੍ਰਿਕਟਰ ਨੇ ਇੰਟਰਨੈਸ਼ਨਲ ਕ੍ਰਿਕਟ ਨੂੰ ਅਲਵਿਦਾ ਕਹਿ ਦਿੱਤਾ ਸੀ। ਇਸ ਤੋਂ ਇਲਾਵਾ ਆਈ.ਪੀ.ਐੱਲ ਮੈਚਾਂ 'ਚ ਨਹੀਂ ਖੇਡਣਗੇ। ਗੱਬਰ ਦੇ ਨਾਮ ਨਾਲ ਮਸ਼ਹੂਰ ਇਹ ਭਾਰਤੀ ਕ੍ਰਿਕਟਰ ਮੈਦਾਨ 'ਤੇ ਚੌਕੇ-ਛੱਕੇ ਮਾਰਨ ਦੇ ਨਾਲ-ਨਾਲ ਸੋਸ਼ਲ ਮੀਡੀਆ 'ਤੇ ਆਪਣੀਆਂ ਮਜ਼ਾਕੀਆ ਵੀਡੀਓਜ਼ ਲਈ ਜਾਣਿਆ ਜਾਂਦਾ ਹੈ। ਧਵਨ ਸੋਸ਼ਲ ਮੀਡੀਆ 'ਤੇ ਬਹੁਤ ਸਰਗਰਮ ਹੈ ਅਤੇ ਟ੍ਰੈਂਡਿੰਗ ਰੀਲਾਂ ਨੂੰ ਦੁਬਾਰਾ ਬਣਾ ਕੇ ਆਪਣੇ ਪ੍ਰਸ਼ੰਸਕਾਂ ਦਾ ਮਨੋਰੰਜਨ ਕਰਨ ਵਿੱਚ ਕਦੇ ਵੀ ਪਿੱਛੇ ਨਹੀਂ ਹੱਟਦੇ ਹਨ।

ਇਹ ਵੀ ਪੜ੍ਹੋ-ਹੈਂ! ਡਾਕਟਰ ਨੂੰ ਮਰੀਜ਼ ਤੋਂ ਹੀ ਹੋ ਗਿਆ ਕੈਂਸਰ, ਜਾਣੋਂ ਕਿਵੇਂ ਹੋਈ ਇਹ ਅਣਹੋਣੀ
ਹਾਲ ਹੀ 'ਚ ਸ਼ਿਖਰ ਧਵਨ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਪਿਤਾ ਨਾਲ ਇਕ ਮਜ਼ਾਕੀਆ ਰੀਲ ਸਾਂਝੀ ਕੀਤੀ ਹੈ। ਜਿਸ 'ਚ ਉਹ ਆਪਣੇ ਪਿਤਾ ਨਾਲ ਦੂਜੀ ਵਾਰ ਵਿਆਹ ਕਰਨ ਦੀ ਇੱਛਾ ਜ਼ਾਹਰ ਕਰਦੇ ਨਜ਼ਰ ਆ ਰਹੇ ਹਨ। ਵੀਡੀਓ 'ਚ ਪਿਤਾ ਵੱਲੋਂ ਦਿੱਤਾ ਗਿਆ ਜਵਾਬ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।
ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ਿਖਰ ਧਵਨ ਨੇ ਪੋਸਟ ਕੀਤਾ, 'ਮੈਨੂੰ ਦੱਸੋ ਕਿ ਮੈਂ ਇੰਨਾ ਬੁਰਾ ਲੱਗ ਰਿਹਾ ਹਾਂ?' ਕੈਪਸ਼ਨ ਦੇ ਨਾਲ ਇੱਕ ਵੀਡੀਓ ਰੀਲ ਸਾਂਝੀ ਕੀਤੀ ਗਈ ਹੈ। ਰੀਲ 'ਚ ਧਵਨ ਆਪਣੇ ਪਿਤਾ ਨੂੰ ਕਹਿ ਰਹੇ ਹਨ- 'ਪਾਪਾ, ਮੈਂ ਦੂਜੀ ਵਾਰ ਵਿਆਹ ਕਰਨਾ ਚਾਹੁੰਦਾ ਹਾਂ'। ਉਨ੍ਹਾਂ ਦੇ ਪਿਤਾ ਇਸ 'ਤੇ ਕਹਿੰਦੇ ਹਨ, 'ਉਏ ਮੈਂ ਤਾਂ ਤੇਰਾ ਪਹਿਲਾ ਵਿਆਹ ਵੀ ਮੂੰਹ 'ਤੇ ਹੈਲਮੇਟ ਪਾ ਕੇ ਕਰਵਾਇਆ ਸੀ।' ਪਿਤਾ ਦਾ ਅਜਿਹਾ ਜਵਾਬ ਸੁਣ ਕੇ ਧਵਨ ਉਦਾਸ ਹੋ ਕੇ ਸੋਫੇ 'ਤੇ ਬੈਠ ਗਏ। ਪਿਓ-ਪੁੱਤ ਦਾ ਇਹ ਮਜ਼ਾਕੀਆ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਜਿਸ 'ਤੇ ਉਨ੍ਹਾਂ ਦੇ ਪ੍ਰਸ਼ੰਸਕ ਮਜ਼ਾਕੀਆ ਟਿੱਪਣੀਆਂ ਕਰ ਰਹੇ ਹਨ।

ਇਹ ਵੀ ਪੜ੍ਹੋ-ਲਗਾਤਾਰ ਹੋਣ ਵਾਲੇ ਸਿਰ ਦਰਦ ਨੂੰ ਨਾ ਕਰੋ ਨਜ਼ਰਅੰਦਾਜ਼, ਹੋ ਸਕਦੈ ਬ੍ਰੇਨ ਟਿਊਮਰ
ਕਿਸ ਨਾਲ ਕਰਨਗੇ ਦੂਜਾ ਵਿਆਹ?
ਤੁਹਾਨੂੰ ਦੱਸ ਦਈਏ ਕਿ ਵਿਆਹ ਦੇ 8 ਸਾਲ ਬਾਅਦ ਸ਼ਿਖਰ ਧਵਨ ਨੇ ਆਪਣੀ ਪਹਿਲੀ ਪਤਨੀ ਆਇਸ਼ਾ ਮੁਖਰਜੀ ਤੋਂ ਤਲਾਕ ਲੈ ਲਿਆ ਹੈ। ਧਵਨ ਦੀ ਪਹਿਲੀ ਪਤਨੀ ਤੋਂ ਇੱਕ ਬੇਟਾ ਜ਼ੋਰਾਵਰ ਧਵਨ ਵੀ ਹੈ। ਇਸ ਫਨੀ ਵੀਡੀਓ ਰਾਹੀਂ ਸ਼ਿਖਰ ਧਵਨ ਨੇ ਦੂਜੀ ਵਾਰ ਵਿਆਹ ਕਰਨ ਦੀ ਇੱਛਾ ਜ਼ਾਹਰ ਕੀਤੀ ਹੈ। ਹਾਲਾਂਕਿ ਅਜੇ ਤੱਕ ਇਸ ਗੱਲ ਦੀ ਕੋਈ ਜਾਣਕਾਰੀ ਨਹੀਂ ਹੈ ਕਿ ਉਨ੍ਹਾਂ ਦੀ ਦੂਜੀ ਦੁਲਹਨ ਕੌਣ ਹੋਵੇਗੀ ਅਤੇ ਉਹ ਦੂਜੀ ਵਾਰ ਕਿਸ ਨਾਲ ਵਿਆਹ ਕਰਨ ਜਾ ਰਹੇ ਹਨ।

ਇਹ ਵੀ ਪੜ੍ਹੋ-ਤੇਜ਼ੀ ਨਾਲ ਵਧਾਉਣਾ ਚਾਹੁੰਦੇ ਹੋ ਵਾਲ ਤਾਂ ਸਰਦੀਆਂ 'ਚ ਜ਼ਰੂਰ ਖਾਓ ਇਹ ਸੁੱਕੇ ਮੇਵੇ
ਕਿਹੋ ਜਿਹਾ ਰਿਹੈ ਸ਼ਿਖਰ ਦਾ ਅੰਤਰਰਾਸ਼ਟਰੀ ਕਰੀਅਰ
ਸ਼ਿਖਰ ਧਵਨ ਦਾ ਅੰਤਰਰਾਸ਼ਟਰੀ ਕਰੀਅਰ ਕਾਫੀ ਸ਼ਾਨਦਾਰ ਰਿਹਾ ਹੈ। ਧਵਨ ਨੇ ਆਪਣੇ ਡੈਬਿਊ ਟੈਸਟ ਮੈਚ 'ਚ ਹੀ ਸੈਂਕੜਾ ਲਗਾਇਆ ਸੀ। ਇਸ ਗਤੀਸ਼ੀਲ ਬੱਲੇਬਾਜ਼ ਨੇ 34 ਟੈਸਟ, 167 ਵਨਡੇ ਅਤੇ 68 ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕੀਤੀ ਹੈ। ਉਨ੍ਹਾਂ ਨੇ ਟੈਸਟ 'ਚ 2315 ਦੌੜਾਂ, ਵਨਡੇ 'ਚ 6793 ਦੌੜਾਂ ਅਤੇ ਟੀ-20 'ਚ 1759 ਦੌੜਾਂ ਬਣਾਈਆਂ ਹਨ। ਉਨ੍ਹਾਂ ਦਾ ਆਈ.ਪੀ.ਐੱਲ. ਕਰੀਅਰ ਵੀ ਬਹੁਤ ਪ੍ਰਭਾਵਸ਼ਾਲੀ ਰਿਹਾ ਹੈ ਅਤੇ ਉਨ੍ਹਾਂ ਨੇ 222 ਮੈਚਾਂ ਵਿੱਚ 6769 ਦੌੜਾਂ ਬਣਾਈਆਂ ਹਨ।

ਇਹ ਵੀ ਪੜ੍ਹੋ-ਜੇਕਰ ਤੁਸੀਂ ਵੀ ਰਾਤ ਨੂੰ ਬ੍ਰਾਅ ਪਹਿਣ ਕੇ ਸੌਂਦੇ ਹੋ ਤਾਂ ਸਾਵਧਾਨ ! ਪੜ੍ਹੋ ਕੀ ਹੋ ਸਕਦੈ ਨੇ ਨੁਕਸਾਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।