ਸਾਬਕਾ ਭਾਰਤੀ ਕ੍ਰਿਕਟਰ ਦਾ ਸਹੁਰਾ ਤੇ ਸਾਲਾ ਗ੍ਰਿਫਤਾਰ ! ਜਾਣੋ ਕੀ ਹੈ ਪੂਰਾ ਮਾਮਲਾ

ਨੈਸ਼ਨਲ ਡੈਸਕ : ਭਾਰਤੀ ਟੀਮ ਦੇ ਸਾਬਕਾ ਕ੍ਰਿਕਟਰ ਤੇ ਤ੍ਰਿਣਮੂਲ ਕਾਂਗਰਸ (TMC) ਦੇ ਮੌਜੂਦਾ ਸੰਸਦ ਮੈਂਬਰ ਯੂਸੁਫ ਪਠਾਨ ਦੇ ਪਰਿਵਾਰ ਨਾਲ ਜੁੜੀ ਇੱਕ ਵੱਡੀ ਖਬਰ ਸਾਹਮਣੇ ਆਈ ਹੈ। ਮੁੰਬਈ ਪੁਲਸ ਨੇ ਇੱਕ ਵਿਅਕਤੀ ਨਾਲ ਕੁੱਟਮਾਰ ਕਰਨ ਦੇ ਦੋਸ਼ ਵਿੱਚ ਯੂਸੁਫ ਪਠਾਨ ਦੇ ਸਹੁਰੇ ਖਾਲਿਦ ਖਾਨ, ਉਨ੍ਹਾਂ ਦੇ ਬੇਟੇ ਉਮਰਸ਼ਾਦ ਤੇ ਇੱਕ ਹੋਰ ਰਿਸ਼ਤੇਦਾਰ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।

ਕੀ ਹੈ ਪੂਰਾ ਮਾਮਲਾ?
ਜਾਣਕਾਰੀ ਮੁਤਾਬਕ ਇਹ ਸਾਰਾ ਵਿਵਾਦ ਮੁੰਬਈ ਦੇ ਭਾਏਖਲਾ ਇਲਾਕੇ ਵਿੱਚ ਇੱਕ ਮਾਮੂਲੀ ਗੱਲ ਤੋਂ ਸ਼ੁਰੂ ਹੋਇਆ। ਸ਼ਨੀਵਾਰ (18 ਅਪ੍ਰੈਲ) ਦੀ ਰਾਤ ਨੂੰ ਜਦੋਂ ਯੂਸੁਫ ਖਾਨ ਨਾਮ ਦਾ ਇੱਕ ਸਥਾਨਕ ਵਿਅਕਤੀ ਆਪਣੀ ਕਾਰ ਵਿੱਚ ਘਰ ਜਾ ਰਿਹਾ ਸੀ, ਤਾਂ ਸੜਕ 'ਤੇ ਜਮ੍ਹਾ ਪਾਣੀ ਉਸ ਦੀ ਗੱਡੀ ਨਾਲ ਉਛਲ ਕੇ ਸ਼ੋਏਬ ਖਾਨ ਨਾਮ ਦੇ ਵਿਅਕਤੀ 'ਤੇ ਪੈ ਗਿਆ। ਯੂਸੁਫ ਖਾਨ ਨੇ ਤੁਰੰਤ ਗੱਡੀ ਤੋਂ ਉਤਰ ਕੇ ਮੁਆਫੀ ਵੀ ਮੰਗੀ, ਪਰ ਸ਼ੋਏਬ ਨੇ ਬਹਿਸ ਸ਼ੁਰੂ ਕਰ ਦਿੱਤੀ ਅਤੇ ਗੁੱਸੇ ਵਿੱਚ ਆ ਕੇ ਬਾਂਸ ਦੀ ਸੋਟੀ ਨਾਲ ਕਾਰ ਦਾ ਸ਼ੀਸ਼ਾ ਤੋੜ ਦਿੱਤਾ ਅਤੇ ਯੂਸੁਫ ਖਾਨ ਨਾਲ ਕੁੱਟਮਾਰ ਕੀਤੀ।

ਬੇਸਬਾਲ ਬੈਟਾਂ ਅਤੇ ਸੋਟੀਆਂ ਨਾਲ ਕੀਤਾ ਹਮਲਾ 
ਜਦੋਂ ਪੀੜਤ ਯੂਸੁਫ ਖਾਨ ਇਸ ਘਟਨਾ ਦੀ ਸ਼ਿਕਾਇਤ ਦਰਜ ਕਰਵਾਉਣ ਲਈ ਪੁਲਸ ਸਟੇਸ਼ਨ ਜਾ ਰਿਹਾ ਸੀ, ਤਾਂ ਰਸਤੇ ਵਿੱਚ ਖਾਲਿਦ ਖਾਨ (ਯੂਸੁਫ ਪਠਾਨ ਦੇ ਸਹੁਰੇ), ਉਨ੍ਹਾਂ ਦੇ ਪੁੱਤਰ ਉਮਰਸ਼ਾਦ ਅਤੇ ਹੋਰਾਂ ਨੇ ਉਸ ਨੂੰ ਘੇਰ ਲਿਆ। ਦੋਸ਼ ਹੈ ਕਿ ਇਨ੍ਹਾਂ ਲੋਕਾਂ ਨੇ ਬਾਂਸ ਦੀਆਂ ਸੋਟੀਆਂ ਅਤੇ ਬੇਸਬਾਲ ਬੈਟਾਂ ਨਾਲ ਯੂਸੁਫ ਖਾਨ ਅਤੇ ਉਸ ਦੇ ਰਿਸ਼ਤੇਦਾਰਾਂ 'ਤੇ ਹਮਲਾ ਕਰ ਦਿੱਤਾ। ਇਸ ਹਮਲੇ ਵਿੱਚ ਯੂਸੁਫ ਖਾਨ ਦਾ ਸਾਲਾ ਸਲਮਾਨ ਗੰਭੀਰ ਜ਼ਖਮੀ ਹੋ ਗਿਆ ਅਤੇ ਉਸ ਦਾ ਹੱਥ ਫਰੈਕਚਰ ਹੋ ਗਿਆ, ਜਦਕਿ ਉਸ ਦੇ ਚਾਚਾ ਜ਼ਾਕੀ ਅਹਿਮਦ ਨੂੰ ਵੀ ਗੰਭੀਰ ਸੱਟਾਂ ਲੱਗੀਆਂ ਹਨ।

ਪੁਲਸ ਦੀ ਕਾਰਵਾਈ
 ਭਾਏਖਲਾ ਪੁਲਸ ਨੇ ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਤੁਰੰਤ ਕਾਰਵਾਈ ਕੀਤੀ ਅਤੇ ਖਾਲਿਦ ਖਾਨ, ਉਮਰਸ਼ਾਦ ਅਤੇ ਇੱਕ ਹੋਰ ਰਿਸ਼ਤੇਦਾਰ ਨੂੰ ਗ੍ਰਿਫਤਾਰ ਕਰ ਲਿਆ। ਇਨ੍ਹਾਂ ਮੁਲਜ਼ਮਾਂ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ, ਜਿੱਥੋਂ ਉਨ੍ਹਾਂ ਨੂੰ 2 ਮਈ ਤੱਕ ਨਿਆਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ। ਪੁਲਸ ਵੱਲੋਂ ਇਸ ਮਾਮਲੇ ਦੇ ਚੌਥੇ ਫਰਾਰ ਮੁਲਜ਼ਮ ਸ਼ਾਹਬਾਜ਼ ਪਠਾਨ ਦੀ ਸਰਗਰਮੀ ਨਾਲ ਭਾਲ ਕੀਤੀ ਜਾ ਰਹੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e