ਰੋਹਿਤ ਨੇ ਦੱਸਿਆ- ਇਸ਼ਾਨ ਕਿਸ਼ਨ ਨੂੰ ਕਿਉਂ ਨਹੀਂ ਭੇਜਿਆ ਸੁਪਰ ਓਵਰ ਖੇਡਣ

ਦੁਬਈ- ਆਰ. ਸੀ. ਬੀ. ਵਿਰੁੱਧ ਰੋਮਾਂਚਕ ਸੁਪਰ ਓਵਰ ਗੁਆ ਕੇ ਮੁੰਬਈ ਇੰਡੀਅਨਜ਼ ਦੇ ਕਪਤਾਨ ਰੋਹਿਤ ਸ਼ਰਮਾ ਨਿਰਾਸ਼ ਦਿਖੇ। ਉਨ੍ਹਾਂ ਨੇ ਕਿਹਾ ਕਿ ਇਹ ਕ੍ਰਿਕਟ ਦਾ ਸ਼ਾਨਦਾਰ ਖੇਡ ਸੀ। ਜਦੋਂ ਅਸੀਂ ਬੱਲੇ ਨਾਲ ਸ਼ੁਰੂਆਤ ਕਰਦੇ ਸੀ ਤਾਂ ਉਦੋਂ ਅਸੀਂ ਬਿਲਕੁਲ ਵੀ ਖੇਡ 'ਚ ਨਹੀਂ ਸੀ। ਇਸ਼ਾਨ ਦੀ ਸ਼ਾਨਦਾਰ ਪਾਰੀ ਅਤੇ ਫਿਰ ਪੋਲਾਰਡ ਸਾਡੇ ਲਈ ਹਮੇਸ਼ਾ ਦੀ ਤਰ੍ਹਾਂ ਸ਼ਾਨਦਾਰ ਸੀ। ਇਹ ਸਿਰਫ  ਇੰਨਾ ਹੈ ਕਿ ਅਸੀਂ ਵਧੀਆ ਸ਼ੁਰੂਆਤ ਨਹੀਂ ਕਰ ਸਕੇ, ਮੈਨੂੰ ਲੱਗਦਾ ਹੈ ਕਿ ਸਾਡੇ ਕੋਲ ਜੋ ਬੱਲੇਬਾਜ਼ੀ ਪਾਵਰ ਹੈ ਉਸ ਨਾਲ ਅਸੀਂ 200 ਦਾ ਪਿੱਛਾ ਕਰ ਸਕਦੇ ਹਾਂ। ਅਸੀਂ ਪਹਿਲਾਂ 6-7 ਓਵਰਾਂ 'ਚ ਗਤੀ ਨਹੀਂ ਫੜੀ ਅਤੇ ਤਿੰਨ ਵਿਕਟਾਂ ਗੁਆ ਦਿੱਤੀਆਂ। ਪੋਲੀ ਦੇ ਹੋਣ ਨਾਲ ਕੁਝ ਵੀ ਹੋ ਸਕਦਾ ਹੈ, ਇਸ਼ਾਨ ਵੀ ਇਸ ਨੂੰ ਵਧੀਆ ਤਰੀਕੇ ਨਾਲ ਮਾਰ ਰਿਹਾ ਸੀ, ਇਸ ਲਈ ਸਾਨੂੰ ਵਿਸ਼ਵਾਸ ਸੀ ਕਿ ਅਸੀਂ ਉੱਥੇ ਪਹੁੰਚ ਜਾਵਾਂਗੇ।
ਇਸ ਦੌਰਾਨ ਸੁਪਰ ਓਵਰ 'ਚ 99 ਦੌੜਾਂ ਬਣਾ ਚੁੱਕੇ ਇਸ਼ਾਨ ਕਿਸ਼ਨ ਨੂੰ ਕਿਉਂ ਨਹੀਂ ਭੇਜਿਆ ਗਿਆ, ਸਵਾਲ 'ਤੇ ਬੋਲਦੇ ਹੋਏ ਰੋਹਿਤ ਨੇ ਕਿਹਾ ਕਿ ਇਹ ਮੈਚ ਨੂੰ ਪਹਿਲਾਂ ਹੀ ਆਰ. ਸੀ. ਬੀ. ਦੇ ਹੱਥਾਂ ਤੋਂ ਦੂਰ ਲੈ ਕੇ ਗਏ। ਉਹ ਥੱਕ ਗਿਆ। ਆਰਾਮਦਾਇਕ ਨਹੀਂ ਸੀ। ਅਸੀਂ ਸੋਚਿਆ ਕਿ ਅਸੀਂ ਉਸ ਨੂੰ ਭੇਜ ਸਕਦੇ ਹਾਂ ਪਰ ਉਹ ਤਾਜ਼ਾ ਮਹਿਸੂਸ ਨਹੀਂ ਕਰ ਸਕਣਗੇ। ਅਜਿਹੇ 'ਚ ਅਸੀਂ ਹਾਰਦਿਕ ਨੂੰ ਦੇਖਿਆ ਜੋਕਿ ਲੰਮੇ ਹਿੱਟ ਮਾਰਨ ਦੇ ਲਈ ਜਾਣਿਆ ਜਾਂਦਾ ਹੈ। ਰੋਹਿਤ ਬੋਲੇ- ਕਈ ਬਾਰ ਤੁਹਾਨੂੰ ਅਜਿਹੇ ਮੌਕਿਆਂ 'ਤੇ ਕਿਸਮਤ ਦੀ ਜ਼ਰੂਰਤ ਵੀ ਹੁੰਦੀ ਹੈ।