ਸਲਾਮੀ ਬੱਲੇਬਾਜ਼ੀ ਮੇਰੀ ਖੇਡ ਦੇ ਅਨੁਸਾਰ : ਰੋਹਿਤ

ਸਪੋਰਸਟ ਡੈਸਕ— ਰੋਹਿਤ ਸ਼ਰਮਾ ਨੇ ਇੱਥੇ ਮੈਚ ਤੋਂ ਬਾਅਦ ਕਿਹਾ ਕਿ ਉਸ ਦੇ ਖੇਡਣ ਦਾ ਤਰੀਕਾ ਸਲਾਮੀ ਬੱਲੇਬਾਜ਼ ਦੇ ਅਨੁਸਾਰ ਹੈ ਤੇ ਉਹ ਇਸ ਜ਼ਿੰਮੇਵਾਰੀ ਲਈ ਮਾਨਸਿਕ ਰੂਪ ਨਾਲ ਤਿਆਰ ਸੀ। ਰੋਹਿਤ ਤੋਂ ਜਦੋਂ ਇਸ ਟੂਰਨਾਮੈਂਟ ਦੇ ਲਈ ਮਾਨਸਿਕ ਤਿਆਰੀ ਬਾਰੇ ਵਿਚ ਪੁੱਛਿਆ ਗਿਆ ਤਾਂ ਵਨ ਡੇ ਟੀਮ ਦੇ ਇਸ ਉਪ ਕਪਤਾਨ ਨੇ ਕਿਹਾ, ''ਇਸ (ਉਸ ਦੇ ਪਾਰੀ ਦੇ ਆਗਾਜ਼ ਕਰਨ ਦੇ) ਬਾਰੇ ਵਿਚ ਲੰਬੇ ਸਮੇਂ ਤੋਂ ਵਿਚਾਰ ਹੋ ਰਿਹਾ ਸੀ। ਵੈਸਟਇੰਡੀਜ਼ ਦੌਰੇ 'ਤੇ ਟੀਮ ਮੈਨੇਜਮੈਂਟ ਨੇ ਸਾਫ ਤੌਰ 'ਤੇ ਕਹਿ ਦਿੱਤਾ ਸੀ ਕਿ ਅਜਿਹਾ ਹੋਣ ਵਾਲਾ ਹੈ। ਮੈਂ ਪਿਛਲੇ ਦੋ ਸਾਲਾਂ ਤੋਂ ਇਸ ਦੇ ਲਈ ਤਿਆਰ ਸੀ। ਮੈਨੂੰ ਇਸ ਗੱਲ ਦਾ ਅਹਿਸਾਸ ਸੀ ਕਿ ਮੈਂ ਪਾਰੀ ਦਾ ਆਗਾਜ਼ ਕਰ ਸਕਦਾ ਹਾਂ ਤੇ ਮੈਂ ਇਸ ਦੇ ਲਈ ਤਿਆਰ ਸੀ।''

ਟੈਸਟ ਕ੍ਰਿਕਟ 'ਚ ਚੌਥਾ ਸੈਂਕੜਾ ਲਗਾਉਣ ਵਾਲੇ ਬੱਲੇਬਾਜ਼ ਨੇ ਕਿਹਾ, “ਸਪੱਸ਼ਟ ਹੈ ਕਿ ਇਕ ਟੈਸਟ ਮੈਚ 'ਚ ਪਾਰੀ ਦਾ ਆਗਾਜ਼ ਕਰਨਾ ਬਿਲਕੁਲ ਵੱਖ ਹੁੰਦਾ ਹੈ। ਇਸ ਦੇ ਲਈ ਤੁਹਾਨੂੰ ਨਵੀਂ ਗੇਂਦ ਦਾ ਸਾਹਮਣਾ ਕਰਨ ਲਈ ਮਾਨਸਿਕ ਤੌਰ 'ਤੇ ਜ਼ਿਆਦਾ ਤਿਆਰੀ ਕਰਨੀ ਹੁੰਦੀ ਹੈ ਅਤੇ ਖੇਡ ਨੂੰ ਅੱਗੇ ਲੈ ਜਾਣਾ ਹੁੰਦਾ ਹੈ। 'ਉਨ੍ਹਾਂ ਨੇ ਕਿਹਾ,' ਜਦੋਂ ਮੈਂ ਬੱਲੇਬਾਜ਼ੀ ਲਈ ਉਤਰਿਆਂ ਤਾਂ ਮੇਰੇ ਦਿਮਾਗ 'ਚ ਇਹ ਗੱਲਾਂ ਸਨ ਕਿ ਇਹ ਪਾਰੀ ਕਿਵੇਂ ਅੱਗੇ ਵਧਾਉਣੀ ਹੈ। ਮੈਨੂੰ ਇਸ ਬਾਰੇ ਕੋਈ ਸ਼ੱਕ ਨਹੀਂ ਸੀ।
ਰੋਹਿਤ ਨੇ ਕਿਹਾ, 'ਮੈਨੂੰ ਲਗਦਾ ਹੈ ਕਿ ਇਹ (ਪਾਰੀ ਦੀ ਸ਼ੁਰੂਆਤ) ਮੇਰੀ ਖੇਡ ਦੇ ਅਨੁਕੂਲ ਹੈ, ਪੈਡ ਪਾਓ ਅਤੇ ਬੱਲੇਬਾਜ਼ੀ ਲਈ ਮੈਦਾਨ 'ਤੇ ਉਤਰੋ। ਜਦੋਂ ਮੈਂ ਪੰਜਵੇਂ ਜਾਂ ਛੇਵੇਂ ਨੰਬਰ 'ਤੇ ਬੱਲੇਬਾਜ਼ੀ ਕਰਦਾ ਹਾਂ ਤਾਂ ਮੈਨੂੰ ਇੰਤਜ਼ਾਰ ਕਰਨਾ ਪੈਂਦਾ ਹੈ। ਮੈਂ ਇਹ ਨਹੀਂ ਕਹਾਂਗਾ ਕਿ ਉਹ ਮੇਰੀ ਖੇਡ ਦੇ ਅਨੁਕੂਲ ਨਹੀਂ ਹੈ। ਪਰ ਇੱਥੇ ਦਿਮਾਗ ਤਾਜ਼ਾ ਰਹਿੰਦਾ ਹੈ, ਸਾਨੂੰ ਪਤਾ ਹੈ ਕਿ ਨਵੀਂ ਗੇਂਦ ਦਾ ਸਾਹਮਣਾ ਕਰਨਾ ਪਵੇਗਾ। ਤੁਹਾਨੂੰ ਗੇਂਦਬਾਜ਼ਾਂ ਬਾਰੇ ਪਤਾ ਹੁੰਦਾ ਹੈ। ਫੀਲਡਰਾਂ ਬਾਰੇ ਪਤਾ ਹੁੰਦਾ ਹੈ। ਅਜਿਹੀ ਸਥਿਤੀ 'ਚ ਤੁਹਾਡੀ ਯੋਜਨਾ ਥੋੜੀ ਸੌਖੀ ਹੋ ਜਾਂਦੀ ਹੈ। ''

ਟੈਸਟ ਕ੍ਰਿਕਟ 'ਚ ਪਾਰੀ ਦਾ ਆਗਾਜ਼ ਕਰਨਾ ਚੁਣੌਤੀਪੂਰਨ ਮੰਨਿਆ ਜਾਂਦਾ ਹੈ ਅਤੇ ਜਦ ਰੋਹਿਤ ਨੂੰ ਪੁੱਛਿਆ ਗਿਆ ਕਿ ਉਹ ਇਸ ਨਾਲ ਕਿਵੇਂ ਸਹਿਮਤ ਹੁੰਦੇ ਹਨ ਤਾਂ ਉਨ੍ਹਾਂ ਨੇ ਕਿਹਾ, 'ਜਦੋਂ ਤੁਸੀਂ ਅੰਤਰਰਾਸ਼ਟਰੀ ਕ੍ਰਿਕਟ ਖੇਡਦੇ ਹੋ, ਤਾਂ ਤੁਸੀਂ ਇਕ ਮੌਕਾ ਦੀ ਭਾਲ 'ਚ ਹੁੰਦੇ ਹੋ। ਇਹ ਮੇਰੇ ਲਈ ਵਧੀਆ ਮੌਕਾ ਹੈ। ਹਾਂ ਅੱਗੇ ਕਾਫੀ ਸਾਰੀਆਂ ਚੁਣੌਤੀਆਂ ਹੋਣਗੀਆਂ ਪਰ ਮੈਰਾ ਧਿਆਨ ਉਸ 'ਤੇ ਨਹੀਂ ਹੈ। ਮੈਨੂੰ ਵਰਤਮਾਨ ਵਿਚ ਰਹਿਣਾ ਪਸੰਦ ਹੈ।