ਨੋਵਾਕ ਜੋਕੋਵਿਚ ਰਿਕਾਰਡ 8ਵੀਂ ਵਾਰ ਸਾਲ ਦੇ ਅੰਤ ਤੱਕ ਰਹੇ ਨੰਬਰ ਵਨ

ਲੰਡਨ: ਨੋਵਾਕ ਜੋਕੋਵਿਚ ਨੇ ਸੋਮਵਾਰ ਨੂੰ ਅੱਠਵੀਂ ਵਾਰ ਏ. ਟੀ. ਪੀ. ਟੈਨਿਸ ਰੈਂਕਿੰਗ ਵਿੱਚ ਨੰਬਰ ਇੱਕ ਖਿਡਾਰੀ ਵਜੋਂ ਸਾਲ ਦੇ ਅੰਤ ਵਿੱਚ ਆਪਣੇ ਰਿਕਾਰਡ ਵਿੱਚ ਸੁਧਾਰ ਕੀਤਾ। ਜੋਕੋਵਿਚ ਨੇ ਸਾਲ ਦੇ ਚਾਰ ਗ੍ਰੈਂਡ ਸਲੈਮ ਖ਼ਿਤਾਬਾਂ ਵਿੱਚੋਂ ਤਿੰਨ, ਜਨਵਰੀ ਵਿੱਚ ਆਸਟ੍ਰੇਲੀਅਨ ਓਪਨ, ਜੂਨ ਵਿੱਚ ਫਰੈਂਚ ਓਪਨ ਅਤੇ ਸਤੰਬਰ ਵਿੱਚ ਯੂ. ਐਸ. ਓਪਨ ਜਿੱਤੇ ਸਨ। ਉਸ ਨੇ ਪੁਰਸ਼ ਸਿੰਗਲਜ਼ ਵਿੱਚ ਰਿਕਾਰਡ 24 ਗ੍ਰੈਂਡ ਸਲੈਮ ਜਿੱਤੇ ਹਨ। ਉਹ 2023 ਵਿੱਚ ਵਿੰਬਲਡਨ ਵਿੱਚ ਉਪ ਜੇਤੂ ਵੀ ਸੀ।

ਇਹ ਵੀ ਪੜ੍ਹੋ : ਜਨਮ ਦਿਨ 'ਤੇ ਵਿਸ਼ੇਸ਼ : ਜਾਣੋ ਸੰਘਰਸ਼ ਤੋਂ ਸਫ਼ਲਤਾ ਤੱਕ ਦੀ ਕਹਾਣੀ, ਇੰਝ ਬਣੇ ਸ਼ਿਖਰ ਧਵਨ ਤੋਂ 'ਗੱਬਰ'

ਜੋਕੋਵਿਚ ਨੇ 2023 ਵਿੱਚ 56 ਜਿੱਤਾਂ ਦਰਜ ਕੀਤੀਆਂ ਜਦਕਿ ਉਸ ਨੂੰ ਸੱਤ ਵਾਰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਉਸ ਨੇ ਇਸ ਦੌਰਾਨ ਸੱਤ ਖ਼ਿਤਾਬ ਜਿੱਤੇ, ਜਿਸ ਵਿੱਚ ਪਿਛਲੇ ਮਹੀਨੇ ਏਟੀਪੀ ਫਾਈਨਲਜ਼ ਖ਼ਿਤਾਬ ਵੀ ਸ਼ਾਮਲ ਹੈ। ਸਰਬੀਆ ਦੇ 36 ਸਾਲਾ ਜੋਕੋਵਿਚ ਨੇ ਕਾਰਲੋਸ ਅਲਕਾਰਾਜ਼ ਨੂੰ ਹਰਾ ਕੇ ਚੋਟੀ ਦੀ ਰੈਂਕਿੰਗ ਹਾਸਲ ਕੀਤੀ। ਇਹ ਅਲਕਾਰਾਜ਼ ਹੀ ਸੀ ਜਿਸ ਨੇ ਜੁਲਾਈ ਵਿੱਚ ਵਿੰਬਲਡਨ ਫਾਈਨਲ ਵਿੱਚ ਜੋਕੋਵਿਚ ਨੂੰ ਪੰਜ ਸੈੱਟਾਂ ਵਿੱਚ ਹਰਾਇਆ ਸੀ।

ਇਹ ਵੀ ਪੜ੍ਹੋ : ਪਰਿਵਾਰ ਨਾਲ ਛੁੱਟੀਆਂ ਮਨਾ ਕੇ ਪਰਤੇ ਰੋਹਿਤ ਸ਼ਰਮਾ, ਏਅਰਪੋਰਟ 'ਤੇ ਧੀ ਨੂੰ ਗੋਦੀ ਲਏ ਆਏ ਨਜ਼ਰ

ਅਲਕਾਰਾਜ਼ ਨੇ 2023 ਵਿੱਚ ਦੂਜੇ ਦਰਜੇ ਦੇ ਖਿਡਾਰੀ ਦੇ ਰੂਪ ਵਿੱਚ ਸਮਾਪਤ ਕੀਤਾ। ਪਿਛਲੇ ਮਹੀਨੇ ਡਬਲਯੂ. ਟੀ. ਏ. ਫਾਈਨਲਜ਼ ਦਾ ਖਿਤਾਬ ਜਿੱਤਣ ਵਾਲੀ ਇਗਾ ਸਵਿਤੇਕ ਡਬਲਯੂ. ਟੀ. ਏ. ਰੈਂਕਿੰਗ ਵਿੱਚ ਨੰਬਰ ਇੱਕ ਮਹਿਲਾ ਖਿਡਾਰਨ ਬਣੀ ਰਹੀ। ਉਨ੍ਹਾਂ ਤੋਂ ਬਾਅਦ ਆਰੀਨਾ ਸਬਲੇਨਕਾ, ਕੋਕੋ ਗੌਫ, ਏਲੇਨਾ ਰਾਇਬਾਕੀਨਾ ਅਤੇ ਜੈਸਿਕਾ ਪੇਗੁਲਾ ਦਾ ਨੰਬਰ ਆਉਂਦਾ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8