ਸਿਰਫ 40 ਓਵਰਾਂ ਤੱਕ ਆਪਣੀ ਸਰਵੋਤਮ ਕ੍ਰਿਕਟ ਖੇਡਣ ਦੀ ਗੱਲ ਹੈ : ਪੋਂਟਿੰਗ

ਵਿਸ਼ਾਖਾਪਟਨਮ, (ਭਾਸ਼ਾ) ਦਿੱਲੀ ਕੈਪੀਟਲਜ਼ ਦੇ ਮੁੱਖ ਕੋਚ ਰਿਕੀ ਪੋਂਟਿੰਗ ਨੂੰ ਭਰੋਸਾ ਹੈ ਕਿ ਉਹ ਇੱਥੇ ਚੇਨਈ ਸੁਪਰ ਕਿੰਗਜ਼ ਖਿਲਾਫ ਹੋਣ ਵਾਲੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) ਮੈਚ ਵਿਚ ਐਤਵਾਰ ਨੂੰ ਉਹ 40 ਓਵਰਾਂ ਵਿੱਚ ਆਪਣਾ ਸਰਵੋਤਮ ਕ੍ਰਿਕਟ ਖੇਡ ਕੇ ਹਾਲਾਤ ਬਦਲਣ ਵਿੱਚ ਸਫਲ ਹੋਣਗੇ। ਦਿੱਲੀ ਕੈਪੀਟਲਜ਼ ਨੂੰ ਪੰਜਾਬ ਕਿੰਗਜ਼ ਅਤੇ ਰਾਜਸਥਾਨ ਰਾਇਲਜ਼ ਦੇ ਖਿਲਾਫ ਆਪਣੇ ਪਹਿਲੇ ਦੋ ਮੈਚਾਂ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। 

ਪੋਂਟਿੰਗ ਨੇ ਸ਼ਨੀਵਾਰ ਨੂੰ ਮੈਚ ਦੀ ਪੂਰਵ ਸੰਧਿਆ 'ਤੇ ਆਯੋਜਿਤ ਪ੍ਰੈੱਸ ਕਾਨਫਰੰਸ 'ਚ ਕਿਹਾ, ''ਅਸੀਂ ਆਪਣੀ ਖੇਡ ਨੂੰ ਲੈ ਕੇ ਕੁਝ ਗੱਲਬਾਤ ਕੀਤੀ ਸੀ ਅਤੇ ਇਸ ਗੱਲ 'ਤੇ ਸਹਿਮਤੀ ਬਣੀ ਸੀ ਕਿ ਅਸੀਂ ਕੁਝ ਚੰਗੀ ਕ੍ਰਿਕਟ ਖੇਡੀ ਅਤੇ ਕੁਝ ਖਰਾਬ ਕ੍ਰਿਕਟ। ਇਸ ਲਈ ਸਾਨੂੰ ਇੱਕ ਮੱਧ ਰਸਤਾ ਲੱਭਣਾ ਹੋਵੇਗਾ ਜਿਸ ਵਿੱਚ ਅਸੀਂ ਲਗਾਤਾਰ 40 ਓਵਰਾਂ ਤੱਕ ਚੰਗੀ ਕ੍ਰਿਕਟ ਖੇਡ ਸਕੀਏ। ਉਸ ਨੇ ਕਿਹਾ, ''ਅਸੀਂ ਪਹਿਲੇ ਦੋ ਮੈਚ ਆਸਾਨੀ ਨਾਲ ਜਿੱਤ ਸਕਦੇ ਸੀ ਪਰ ਪਹਿਲੇ ਮੈਚ 'ਚ ਇਸ਼ਾਂਤ ਸ਼ਰਮਾ ਦੀ ਸੱਟ ਨੁਕਸਾਨਦੇਹ ਸੀ ਅਤੇ ਦੂਜੇ ਮੈਚ 'ਚ ਅਸੀਂ ਗੇਂਦਬਾਜ਼ੀ ਕਰਦੇ ਹੋਏ ਬਹੁਤ ਜ਼ਿਆਦਾ ਦੌੜਾਂ ਦਿੱਤੀਆਂ। ਪੌਂਟਿੰਗ ਨੇ ਕਿਹਾ, ''ਪਰ ਸਾਨੂੰ ਭਰੋਸਾ ਹੈ ਕਿ ਅਸੀਂ ਇੱਕ ਚੰਗੀ CSK ਟੀਮ ਦੇ ਖਿਲਾਫ ਚੀਜ਼ਾਂ ਨੂੰ ਪਲਟ ਸਕਦੇ ਹਾਂ। ਪਰ ਇਹ ਸਿਰਫ 40 ਓਵਰਾਂ ਲਈ ਸਾਡੀ ਸਰਵੋਤਮ ਕ੍ਰਿਕਟ ਖੇਡਣ ਦੀ ਗੱਲ ਹੈ।''