ਭਾਰਤੀ ਮਹਿਲਾ ਜੋੜੀ ਲਾਨ ਬਾਲ ਦੇ ਕੁਆਰਟਰ ਫਾਈਨਲ ''ਚੋਂ ਹਾਰ ਕੇ ਬਾਹਰ

ਬਰਮਿੰਘਮ (ਏਜੰਸੀ) : ਲਵਲੀ ਚੌਬੇ ਅਤੇ ਨਯਨਮੋਨੀ ਸੇਕੀਆ ਦੀ ਭਾਰਤੀ ਮਹਿਲਾ ਜੋੜੀ ਸ਼ੁੱਕਰਵਾਰ ਨੂੰ ਇੱਥੇ ਕੁਆਰਟਰ ਫਾਈਨਲ ਵਿੱਚ ਹਾਰ ਕੇ ਰਾਸ਼ਟਰਮੰਡਲ ਖੇਡਾਂ ਵਿੱਚੋਂ ਬਾਹਰ ਹੋ ਗਈ। ਭਾਰਤੀ ਜੋੜੀ ਨੂੰ ਇੰਗਲੈਂਡ ਦੀ ਸੋਫੀ ਟੋਲਚਾਰਡ ਅਤੇ ਐਮੀ ਫਰੋਹਾ ਨੇ 18-14 ਨਾਲ ਹਰਾਇਆ। ਚੌਬੇ ਅਤੇ ਸੇਕੀਆ ਨੇ ਦੋ ਮੌਕਿਆਂ 'ਤੇ ਬੜ੍ਹਤ ਬਣਾਈ ਹੋਈ ਸੀ।

ਇਹ ਵੀ ਪੜ੍ਹੋ: ਪੈਰਾ ਐਥਲੀਟ ਭਾਵਿਨਾ ਪਟੇਲ ਟੇਬਲ ਟੈਨਿਸ ਦੇ ਫਾਈਨਲ 'ਚ, ਪੱਕਾ ਕੀਤਾ ਤਮਗਾ

ਪਹਿਲੇ ਚਾਰ ਰਾਊਂਡਾਂ ਤੋਂ ਬਾਅਦ 5-2 ਅਤੇ ਫਿਰ ਨੌਂ ਰਾਊਂਡਾਂ ਤੋਂ ਬਾਅਦ 8-6 ਨਾਲ ਬਰਾਬਰੀ ਕੀਤੀ ਪਰ ਉਨ੍ਹਾਂ ਨੇ ਇੰਗਲੈਂਡ ਦੀ ਜੋੜੀ ਨੂੰ ਵਾਪਸੀ ਦਾ ਮੌਕਾ ਦਿੱਤਾ। ਦਸਵੇਂ ਰਾਊਂਡ ਤੋਂ ਬਾਅਦ, ਇੰਗਲੈਂਡ ਨੇ ਲੀਡ ਲੈ ਲਈ ਅਤੇ ਇਸ ਨੂੰ ਅੱਗੇ ਵਧਾਉਣਾ ਜਾਰੀ ਰੱਖਿਆ ਅਤੇ ਅੰਤ ਵਿੱਚ ਜੇਤੂ ਬਣ ਕੇ ਉਭਰਿਆ। ਸੈਮੀਫਾਈਨਲ 'ਚ ਇੰਗਲੈਂਡ ਦਾ ਸਾਹਮਣਾ ਨਿਊਜ਼ੀਲੈਂਡ ਨਾਲ ਹੋਵੇਗਾ, ਜਦਕਿ ਆਖ਼ਰੀ ਚਾਰ 'ਚ ਆਸਟ੍ਰੇਲੀਆ ਦਾ ਸਾਹਮਣਾ ਮਲੇਸ਼ੀਆ ਨਾਲ ਹੋਵੇਗਾ।

ਇਹ ਵੀ ਪੜ੍ਹੋ: CWG 2022: ਬੱਤਰਾ-ਸਾਥੀਆਨ ਅਤੇ ਸ਼ਰਤ-ਸ਼੍ਰੀਜਾ ਦੀ ਜੋੜੀ ਕੁਆਰਟਰ ਫਾਈਨਲ 'ਚ