ਅਨੀਸ਼ ਭਾਨਵਾਲਾ ਨੇ ਜੂਨੀਅਰ ਵਰਲਡ ਕੱਪ ''ਚ ਜਿੱਤਿਆ ਸੋਨ ਤਮਗਾ
07/18/2019 12:53:40 PM
ਸਪੋਰਸਟ ਡੈਸਕ— ਅਨੀਸ਼ ਭਾਨਵਾਲਾ ਨੇ ਬੁੱਧਵਾਰ ਨੂੰ 25 ਮੀਟਰ ਰੈਪਿਟ ਫਾਇਰ ਪਿਸਟਲ 'ਚ ਸੋਨਾ ਤਮਗਾ ਜਿੱਤਿਆ ਜਿਸ ਦੇ ਨਾਲ ਭਾਰਤ ਨੇ ਜਰਮਨੀ ਦੇ ਸੁਹਲ 'ਚ ਚੱਲ ਰਹੇ ਆਈ. ਐੱਸ. ਐੱਸ. ਐੱਫ ਜੂਨੀਅਰ ਵਰਲਡ ਕੱਪ 'ਚ ਆਪਣਾ ਦਬਦਬਾ ਬਰਕਰਾਰ ਰੱਖਿਆ। ਭਾਨਵਾਲਾ ਨੇ ਕਵਾਲੀਫਿਕੇਸ਼ਨ 'ਚ 584 ਅੰਕ ਬਣਾਏ ਤੇ ਫਾਈਨਲ 'ਚ ਉਹ 29 ਅੰਕ ਬਣਾ ਕੇ ਟਾਪ 'ਤੇ ਰਹੇ। ਫਾਈਨਲ 'ਚ ਭਾਰਤ ਦੇ ਦੋ ਹੋਰ ਨਿਸ਼ਾਨੇਬਾਜ਼ ਵੀ ਪੁੱਜੇ ਸਨ। ਆਦਰਸ਼ ਸਿੰਘ 17 ਦਾ ਸਕੋਰ ਬਣਾ ਕੇ ਚੌਥੇ ਸਥਾਨ 'ਤੇ ਰਹੇ ਜਦ ਕਿ ਅਗਨੇਆ ਕੌਸ਼ਿਕ ਨੇ ਨੌਂ ਅੰਕ ਲੈ ਕੇ ਛੇਵਾਂ ਸਥਾਨ ਹਾਸਲ ਕੀਤਾ।
ਰੂਸ ਦੇ ਇਗੋਰ ਇਸਮਾਕੋਵ ਨੇ 23 ਅੰਕਾਂ ਨਾਲ ਚਾਂਦੀ ਦਾ ਤਮਗਾ ਜਦ ਕਿ ਜਰਮਨੀ ਦੇ ਫਲੋਰਿਅਨ ਪੀਟਰ ਨੇ 19 ਅੰਕ ਦੇ ਨਾਲ ਕਾਂਸੇ ਦਾ ਤਮਗਾ ਜਿੱਤਿਆ। ਭਾਰਤ ਟੂਰਨਾਮੈਂਟ 'ਚ ਹੁੱਣ ਤੱਕ ਅੱਠ ਸੋਨ ਤਮਗੇ, ਸੱਤ ਚਾਂਦੀ ਤੇ ਤਿੰਨ ਕਾਂਸੇ ਦੇ ਤਮਗੇ ਜਿੱਤ ਚੁੱਕਿਆ ਹੈ।
