ਤਜਰਬੇ ਦੀ ਕਮੀ ਕਾਰਨ ਸੀਰੀਆ ਤੋਂ ਹਾਰ ਗਿਆ ਭਾਰਤ : ਕਾਂਸਟੇਨਟਾਈਨ

ਦੋਹਾ— ਭਾਰਤੀ ਫੁੱਟਬਾਲ ਰਾਸ਼ਟਰੀ ਟੀਮ ਦੇ ਮੁੱਖ ਕੋਚ ਸਟੀਫਨ ਕਾਂਸਟੇਨਟਾਈਨ ਨੇ ਕਿਹਾ ਕਿ ਤਜਰਬੇ ਦੀ ਕਮੀ ਕਾਰਨ ਭਾਰਤ ਦੀ ਅੰਡਰ-23 ਟੀਮ ਸੀਰੀਆ ਖਿਲਾਫ ਆਪਣਾ ਮੈਚ ਗੁਆ ਬੈਠੀ ਅਤੇ ਹੁਣ ਉਸ ਨੂੰ ਉਮੀਦ ਹੈ ਕਿ ਖਿਡਾਰੀ ਕੱਲ ਇੱਥੇ ਏ. ਐੱਫ. ਸੀ. ਅੰਡਰ-23 ਚੈਂਪੀਅਨਸ਼ਿਪ ਦੇ ਕੁਆਲੀਫਾਇਰ ਦੇ ਅਗਲੇ ਮੈਚ 'ਚ ਕਤਰ ਖਿਲਾਫ ਟੀਮ ਇਸ ਕੋਸ਼ਿਸ਼ ਦਾ ਫਾਇਦਾ ਚੁੱਕੇਗੀ।
ਉਨ੍ਹਾਂ ਨੇ ਕਿਹਾ ਕਿ ਖਿਡਾਰੀਆਂ ਨੇ ਆਪਣਾ ਸਰਵਸ਼੍ਰੇਸ਼ਠ ਪ੍ਰਦਰਸ਼ਨ ਕੀਤਾ ਪਰ ਤਜਰਬੇ ਦੀ ਕਮੀ ਕਾਰਨ ਅਸੀਂ ਮੈਚ ਗੁਆ ਬੈਠੇ। ਕਾਂਸਟੇਨਟਾਈਨ ਨੇ ਕਿਹਾ ਕਿ ਕੁੱਝ ਖਿਡਾਰੀਆਂ ਲਈ ਇਹ ਭਲਾ ਹੀ ਚੰਗਾ ਖੇਡ ਰਿਹਾ ਹੋਵੇ ਪਰ ਮੈਨੂੰ ਲੱਗਦਾ ਹੈ ਕਿ ਇਹ ਪੂਰੀ ਟੀਮ ਦੀ ਖੇਡ ਹੁੰਦੀ ਹੈ, ਜਿਸ 'ਚ ਹਰ ਕਿਸੇ ਨੂੰ ਚੰਗਾ ਪ੍ਰਦਰਸ਼ਨ ਕਰਨ ਦੀ ਲੋੜ ਹੁੰਦੀ ਹੈ।
ਉਨ੍ਹਾਂ ਕਿਹਾ ਕਿ ਅੱਜ ਟੀਮ ਨੇ ਵਧੀਆ ਪ੍ਰਦਰਸ਼ਨ ਕੀਤਾ ਅਤੇ ਅਸੀਂ ਅਗਲੇ ਮੈਚ 'ਚ ਵੀ ਇਸ ਨੂੰ ਜਾਰੀ ਰੱਖਾਂਗੇ। ਭਾਰਤ ਨੂੰ ਸ਼ੁਰੂਆਤੀ ਮੈਚ 'ਚ ਸੀਰੀਆ ਤੋਂ 0-2 ਨਾਲ ਹਾਰ ਦਾ ਮੁੰਹ ਦਾ ਦੇਖਣਾ ਪਿਆ ਅਤੇ ਹੁਣ ਟੀਮ ਕੱਲ ਮੇਜ਼ਬਾਨ ਕਤਰ ਨਾਲ ਭਿੜੇਗੀ, ਜਿਸ ਨੇ ਪਹਿਲੇ ਮੈਚ 'ਚ ਤੁਰਕਮੇਨਿਸਤਾਨ ਨੂੰ 2-0 ਨਾਲ ਹਰਾ ਦਿੱਤਾ।