ਜੋਕੋਵਿਚ ਨੂੰ ਵੱਡਾ ਝਟਕਾ, ਜਲਾਵਤਨ ਬਰਕਰਾਰ ਰਹਿਣ ਕਾਰਨ ਨਹੀਂ ਖੇਡ ਸਕਣਗੇ ਆਸਟਰੇਲੀਅਨ ਓਪਨ
Sunday, Jan 16, 2022 - 02:10 PM (IST)
ਸਪੋਰਟਸ ਡੈਸਕ- ਨੋਵਾਕ ਜੋਕੋਵਿਚ ਦੀ ਆਸਟਰੇਲੀਆਈ ਓਪਨ 'ਚ ਖੇਡਣ ਦੀ ਉਮੀਦ ਐਤਵਾਰ ਨੂੰ ਉਦੋਂ ਖ਼ਤਮ ਹੋ ਗਈ ਜਦੋਂ ਇਕ ਅਦਾਲਤ ਨੇ ਜਲਾਵਤਨੀ ਦੇ ਹੁਕਮ ਦੇ ਖ਼ਿਲਾਫ਼ ਦਾਇਰ ਕੀਤੀ ਗਈ ਵਿਸ਼ਵ ਦੇ ਨੰਬਰ ਇਕ ਟੈਨਿਸ ਖਿਡਾਰੀ ਦੀ ਅਪੀਲ ਖ਼ਾਰਜ ਕਰ ਦਿੱਤੀ।
ਫੈਡਰਲ ਕੋਰਟ ਦੇ ਤਿੰਨ ਜੱਜਾਂ ਨੇ ਸਰਬੀਆ ਦੇ 34 ਸਾਲਾ ਖਿਡਾਰੀ ਦੇ ਵੀਜ਼ਾ ਨੂੰ ਜਨਹਿੱਤ ਦੇ ਆਧਾਰ 'ਤੇ ਰੱਦ ਕਰਨ ਦੇ ਇਮੀਗ੍ਰੇਸ਼ਨ ਮੰਤਰੀ ਦੇ ਸ਼ੁੱਕਰਵਾਰ ਨੂੰ ਲਏ ਗਏ ਫ਼ੈਸਲੇ ਨੂੰ ਬਰਕਰਾਰ ਰੱਖਿਆ। ਜੋਕੋਵਿਚ ਨੇ ਕੋਵਿਡ-19 ਲਈ ਟੀਕਾਕਰਨ ਨਹੀਂ ਕਰਵਾਇਆ ਹੈ ਤੇ ਇਸ ਫ਼ੈਸਲੇ ਦਾ ਮਤਲਬ ਹੈ ਕਿ ਜਦੋਂ ਤਕ ਉਨ੍ਹਾਂ ਨੂੰ ਜਲਾਵਤਨ ਨਹੀਂ ਕੀਤਾ ਜਾਂਦਾ, ਉਦੋਂ ਤਕ ਉਹ ਮੈਲਬੋਰਨ 'ਚ ਨਜ਼ਰਬੰਦ ਰਹਿਣਗੇ। ਆਮ ਤੌਰ 'ਤੇ ਜਲਾਵਤਨੀ ਦੇ ਹੁਕਮ ਦਾ ਮਤਲਬ ਵਿਅਕਤੀ ਤਿੰਨ ਸਾਲ ਤਕ ਵਾਪਸ ਆਸਟਰੇਲੀਆ ਨਹੀਂ ਪਰਤ ਸਕਦਾ ਹੈ।
ਮੰਤਰੀ ਨੇ ਇਸ ਆਧਾਰ 'ਤੇ ਵੀਜ਼ਾ ਰੱਦ ਕਰ ਦਿੱਤਾ ਕਿ ਆਸਟਰੇਲੀਆ 'ਚ ਜੋਕੋਵਿਚ ਦੀ ਮੌਜੂਦਗੀ ਆਸਟਰੇਲੀਆਈ ਜਨਤਾ ਦੀ ਸਿਹਤ ਤੇ 'ਚੰਗੇ ਹੁਕਮ' ਲਈ ਜੋਖ਼ਮ ਭਰਿਆ ਹੋ ਸਕਦਾ ਹੈ ਤੇ ਇਸ ਨਾਲ ਆਸਟਰੇਲੀਆ 'ਚ ਹੋਰ ਲੋਕਾਂ ਵਲੋਂ ਟੀਕਾਕਰਨ ਦੀਆਂ ਕੋਸ਼ਿਸ਼ਾਂ 'ਤੇ ਉਲਟ ਅਸਰ ਪੈ ਸਕਦਾ ਹੈ। ਜੋਕੋਵਿਚ ਦਾ ਵੀਜ਼ਾ ਪਹਿਲਾਂ 6 ਜਨਵਰੀ ਨੂੰ ਮੈਲਬੋਰਨ ਪਹੁੰਚਣ 'ਤੇ ਰੱਦ ਕਰ ਦਿੱਤਾ ਗਿਆ ਸੀ। ਸਰਹੱਦੀ ਅਧਿਕਾਰੀ ਨੇ ਇਸ ਆਧਾਰ 'ਤੇ ਜੋਕੋਵਿਚ ਦਾ ਵੀਜ਼ਾ ਰੱਦ ਕਰ ਦਿੱਤਾ ਸੀ ਕਿ ਉਨ੍ਹਾਂ ਨੂੰ ਟੀਕਾਕਰਨ ਦੇ ਬਿਨਾ ਆਉਣ ਵਾਲੇ ਯਾਤਰੀਆਂ ਲਈ ਆਸਟਰੇਲੀਆ ਦੇ ਨਿਯਮਾਂ ਮੁਤਾਬਕ ਚਿਕਿਤਸਾ ਛੋਟ ਨਹੀਂ ਮਿਲੀ ਹੈ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
