ਦੀਕਸ਼ਾ ਨੂੰ ਆਖਰੀ ਦੌਰ ਦੇ ਦੂਜੇ ਦਿਨ ਤਿੰਨ ਸ਼ਾਟ ਦੀ ਬੜ੍ਹਤ
11/14/2019 6:32:14 PM
ਸਪੋਰਟਸ ਡੈਸਕ— ਦੀਕਸ਼ਾ ਡਾਗਰ ਨੇ ਆਖਰੀ ਤਿੰਨ ਹੋਲ 'ਚ ਦੋ ਬਰਡੀ ਬਣਾਈ ਜਿਸ ਦੇ ਨਾਲ ਉਹ ਹੀਰੋ ਮਹਿਲਾ ਪ੍ਰੋ ਗੋਲਫ ਟੂਰ ਦੇ15ਵੇਂ ਅਤੇ ਆਖਰੀ ਦੌਰ ਦੇ ਦੂਜੇ ਦਿਨ ਵੀਰਵਾਰ ਨੂੰ ਇੱਥੇ ਬੜ੍ਹਤ ਬਣਾਉਣ 'ਚ ਕਾਮਯਾਬ ਰਹੀ। ਪੇਸ਼ੇਵਰ ਦੇ ਰੂਪ 'ਚ ਘਰੇਲੂ ਟੂਰ 'ਚ ਪਹਿਲੀ ਜਿੱਤ ਦੀ ਭਾਲ 'ਚ ਲੱਗੀ ਡਾਗਰ ਹੁਣ ਸਿੰਗਲਜ਼ ਬੜ੍ਹ੍ਹਤ 'ਤੇ ਹੈ। ਉਨ੍ਹਾਂ ਨੇ ਲਗਾਤਾਰ ਦੂਜੇ ਦਿਨ ਇਕ ਅੰਡਰ 71 ਦਾ ਕਾਰਡ ਖੇਡਿਆ ਅਤੇ ਉਨ੍ਹਾਂ ਦਾ ਕੁਲ ਸਕੋਰ ਦੋ ਅੰਡਰ 142 ਹੋ ਗਿਆ ਹੈ। ਇਸ ਤੋਂ ਉਨ੍ਹਾਂ ਨੇ ਕੱਲ੍ਹ ਤੱਕ ਟਾਪ 'ਤੇ ਚੱਲ ਰਹੀ ਰਿਦਿਮਾ ਦਿਲਵਾਰੀ (74) 'ਤੇ ਤਿੰਨ ਸ਼ਾਟ ਦੀ ਬੜ੍ਹਤ ਬਣਾ ਲਈ ਹੈ। ਰਿਦਿਮਾ ਦਾ ਸਕੋਰ 36 ਹੋਲ ਤੋਂ ਬਾਅਦ ਇਕ ਓਵਰ 145 ਹੈ। ਵਾਣੀ ਕਪੂਰ (72) ਦਾ ਕੁਲ ਸਕੋਰ ਦੋ ਓਵਰ 146 ਹੈ ਅਤੇ ਉਹ ਤੀਜੇ ਸਥਾਨ 'ਤੇ ਹੈ।
