ਦਿਲਜੀਤ ਦੇ ਨਵੇਂ ਗਾਣੇ ’ਤੇ ਧਨਾਸ਼੍ਰੀ ਨੇ ਅਦਾਕਾਰਾ ਸਰਗੁਨ ਨਾਲ ਕੀਤਾ ਡਾਂਸ, ਦੀਵਾਨੇ ਹੋਏ ਲੋਕ
09/07/2020 5:41:19 PM
ਸਪੋਰਟਸ ਡੈਸਕ– ਭਾਰਤੀ ਸਪਿਨਰ ਯੁਜਵੇਂਦਰ ਚਾਹਲ ਦੀ ਹੋਣ ਵਾਲੀ ਪਤਨੀ ਧਨਾਸ਼੍ਰੀ ਵਰਮਾ ਸੋਸ਼ਲ ਮੀਡੀਆ ’ਤੇ ਕਾਫੀ ਐਕਟਿਵ ਹੈ। ਹਾਲ ਹੀ ’ਚ ਉਨ੍ਹਾਂ ਨੇ ਅਦਾਕਾਰਾ, ਮਾਡਲ ਅਤੇ ਟੀਵੀ ਹੋਸਟ ਸਰਗੁਨ ਮਹਿਤਾ ਨਾਲ ਇਕ ਡਾਂਸ ਵੀਡੀਓ ਸਾਂਝੀ ਕੀਤੀ ਹੈ ਜਿਸ ਵਿਚ ਉਹ ਦਿਲਜੀਤ ਦੁਸਾਂਝ ਦੇ ਗਾਣੇ ’ਤੇ ਡਾਂਸ ਕਰਦੀ ਨਜ਼ਰ ਆਈ ਹੈ। ਇਸ ਵੀਡੀਓ ਨੂੰ ਲੋਕ ਕਾਫੀ ਪਸੰਦ ਕਰ ਰਹ ਹਨ।
ਧਨਾਸ਼੍ਰੀ ਨੇ ਸੋਸ਼ਲ ਮੀਡੀਆ ਵੈੱਬਸਾਈਟ ’ਤੇ ਦਿਲਜੀਤ ਦੇ ਨਵੇਂ ਜੱਟ ਦਾ ਪਿਆਰ ਗਾਣੇ ’ਤੇ ਡਾਂਸ ਵੀਡੀਓ ਸਾਂਝੀ ਕਰਦੇ ਹੋਏ ਲਿਖਿਆ- ਚਲੋ ਡਾਂਸ ਕਰੀਏ ਸਰਗੁਨ ਮਹਿਤਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਦਿਲਜੀਤ ਨੂੰ ਟੈਗ ਕਰਦੇ ਹੋਏ ਲਿਖਿਆ- ਹੈ ਨਾਂ ਪੰਜਾਬੀ ਐਨਰਜੀ। ਧਨਾਸ਼੍ਰੀ ਨੇ ਅੱਗੇ ਲਿਖਿਆ, ਜਦੋਂ ਤੁਸੀਂ ਅਲੱਗ ਰਹਿੰਦੇ ਹੋਏ ਕਲੈਬੋਰੇਟ ਕਰਦੇ ਹੋ ਤਾਂ ਇਹ ਬੇਹੱਦ ਚੁਣੌਤੀਪੂਰਨ ਹੁੰਦਾ ਹੈ। ਡਾਂਸ ਨੂੰ ਆਨਲਾਈਨ ਸਿੱਖਣ ਅਤੇ ਉਸ ਨੂੰ ਸ਼ੂਟ ਕਰਨ ਦੀ ਪੂਰੀ ਪ੍ਰਕਿਰਿਆ ਆਸਾਨ ਨਹੀਂ ਹੈ। ਅਸੀਂ ਕਰ ਦਿਖਾਇਆ। ਉਨ੍ਹਾਂ ਨੇ ਸਰਗੁਨ ਦੀ ਤਾਰੀਫ਼ ਕਰਦੇ ਹੋਏ ਕਿਹਾ ਕਿ ਮੈਨੂੰ ਉਸ ’ਤੇ ਬਹੁਤ ਗਰਵ ਹੈ, ਜਿਨਵਾਂ ਨੇ ਖ਼ੂਬਸੂਰਤੀ ਨਾਲ ਡਾਂਸ ਕੀਤਾ।
ਧਨਾਸ਼੍ਰੀ ਅਤੇ ਸਰਗੁਨ ਦੀ ਇਸ ਡਾਂਸ ਵੀਡੀਓ ਨੂੰ ਲੋਕ ਖੂਬ ਪਸੰਦ ਕਰ ਰਹੇ ਹਨ ਅਤੇ ਇਸ ਨੂੰ 1.87 ਲੱਖਵਾਰ ਵੇਖਿਆ ਜਾ ਚੁੱਕਾ ਹੈ। ਕਈ ਲੋਕਾਂ ਨੇ ਇਸ ’ਤੇ ਕੁਮੈਂਟ ਕਰਦੇ ਹੋਏ ਪ੍ਰਤੀਕਿਰਿਆ ਦਿੰਦੇ ਹੋਏ ਲਵ ਇਮੋਜੀ ਸ਼ੇਅਰ ਕੀਤੇ ਹਨ। ਜ਼ਿਕਰਯੋਗ ਹੈ ਕਿ ਚਾਹਲ ਅਤੇ ਧਨਾਸ਼੍ਰੀ ਦਾ ਪਿਛਲੇ ਮਹੀਨੇ ਰੋਕਾ ਹੋਇਆ ਸੀ। ਧਨਾਸ਼੍ਰੀ ਡਾਕਟਰ ਹੋਣ ਦੇ ਨਾਲ ਹੀ ਕੋਰੀਓਗ੍ਰਾਫਰ ਅਤੇ ਯੂਟਿਊਬਰ ਵੀ ਹੈ।
