Team India ਲਈ 'ਖ਼ਤਰੇ ਦੀ ਘੰਟੀ'! ਟੀ-20 ਵਿਸ਼ਵ ਕੱਪ 'ਚ 17 ਸਾਲ ਬਾਅਦ 'ਗਰੁੱਪ ਆਫ ਡੈੱਥ' 'ਚ ਫਸਿਆ ਭਾਰਤ

ਸਪੋਰਟਸ ਡੈਸਕ : ਟੀ-20 ਵਿਸ਼ਵ ਕੱਪ 2026 ਦੇ ਸੁਪਰ-8 ਪੜਾਅ ਦੀਆਂ ਤਿਆਰੀਆਂ ਮੁਕੰਮਲ ਹੋ ਚੁੱਕੀਆਂ ਹਨ ਪਰ ਭਾਰਤੀ ਟੀਮ ਲਈ ਇਹ ਪੜਾਅ ਕਿਸੇ ਵੱਡੇ ਖ਼ਤਰੇ ਤੋਂ ਘੱਟ ਨਹੀਂ ਜਾਪ ਰਿਹਾ। ਦਰਅਸਲ, 17 ਸਾਲ ਪੁਰਾਣੇ ਇੱਕ ਅਜਿਹੇ ਸੰਜੋਗ ਨੇ ਦਸਤਕ ਦਿੱਤੀ ਹੈ, ਜਿਸ ਨੇ ਭਾਰਤੀ ਪ੍ਰਸ਼ੰਸਕਾਂ ਦੀਆਂ ਧੜਕਣਾਂ ਵਧਾ ਦਿੱਤੀਆਂ ਹਨ। ਸੁਪਰ-8 ਦੇ ਗਰੁੱਪ-1 ਵਿੱਚ ਭਾਰਤ ਦਾ ਸਾਹਮਣਾ ਦੱਖਣੀ ਅਫਰੀਕਾ, ਵੈਸਟਇੰਡੀਜ਼ ਅਤੇ ਜ਼ਿੰਬਾਬਵੇ ਵਰਗੀਆਂ ਮਜ਼ਬੂਤ ਟੀਮਾਂ ਨਾਲ ਹੋਣ ਜਾ ਰਿਹਾ ਹੈ।

ਕੀ ਹੈ 17 ਸਾਲ ਪੁਰਾਣਾ ਉਹ 'ਮਨਹੂਸ' ਸੰਜੋਗ? 
 ਟੀ-20 ਵਿਸ਼ਵ ਕੱਪ ਦੇ ਇਤਿਹਾਸ ਵਿੱਚ ਇਹ ਦੂਜੀ ਵਾਰ ਹੋ ਰਿਹਾ ਹੈ, ਜਦੋਂ ਭਾਰਤ, ਦੱਖਣੀ ਅਫਰੀਕਾ ਅਤੇ ਵੈਸਟਇੰਡੀਜ਼ ਦੀਆਂ ਟੀਮਾਂ ਸੁਪਰ-8 ਦੇ ਇੱਕੋ ਗਰੁੱਪ ਵਿੱਚ ਇਕੱਠੀਆਂ ਹੋਈਆਂ ਹਨ। ਇਸ ਤੋਂ ਪਹਿਲਾਂ ਸਾਲ 2009 ਵਿੱਚ ਅਜਿਹੀ ਸਥਿਤੀ ਬਣੀ ਸੀ, ਜਦੋਂ ਭਾਰਤ ਦੇ ਨਾਲ ਇਸ ਗਰੁੱਪ ਵਿੱਚ ਇੰਗਲੈਂਡ ਦੀ ਟੀਮ ਵੀ ਮੌਜੂਦ ਸੀ। ਉਸ ਸਮੇਂ ਭਾਰਤੀ ਟੀਮ ਨੂੰ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ ਅਤੇ ਟੀਮ ਆਪਣੇ ਤਿੰਨੇ ਮੈਚ ਹਾਰ ਕੇ ਟੂਰਨਾਮੈਂਟ ਤੋਂ ਬਾਹਰ ਹੋ ਗਈ ਸੀ। ਵੈਸਟਇੰਡੀਜ਼ ਨੇ ਭਾਰਤ ਨੂੰ 7 ਵਿਕਟਾਂ ਨਾਲ, ਦੱਖਣੀ ਅਫਰੀਕਾ ਨੇ 12 ਦੌੜਾਂ ਨਾਲ ਅਤੇ ਇੰਗਲੈਂਡ ਨੇ 3 ਦੌੜਾਂ ਨਾਲ ਹਰਾਇਆ ਸੀ।

ਜ਼ਿੰਬਾਬਵੇ ਬਣ ਸਕਦੈ ਭਾਰਤ ਲਈ ਵੱਡਾ ਖ਼ਤਰਾ 
ਇਸ ਵਾਰ ਇਸ ਗਰੁੱਪ ਵਿੱਚ ਜ਼ਿੰਬਾਬਵੇ ਦੀ ਮੌਜੂਦਗੀ ਨੇ ਇਸ ਨੂੰ 'ਗਰੁੱਪ ਆਫ ਡੈੱਥ' ਬਣਾ ਦਿੱਤਾ ਹੈ। ਜ਼ਿੰਬਾਬਵੇ ਦੀ ਟੀਮ ਗਰੁੱਪ ਸਟੇਜ ਵਿੱਚ ਆਸਟ੍ਰੇਲੀਆ ਤੇ ਸ਼੍ਰੀਲੰਕਾ ਵਰਗੀਆਂ ਦਿੱਗਜ ਟੀਮਾਂ ਨੂੰ ਹਰਾ ਕੇ ਅਜੇਤੂ ਰਹੀ ਹੈ। ਸਿਕੰਦਰ ਰਜ਼ਾ ਦੀ ਕਪਤਾਨੀ ਹੇਠ ਇਹ ਟੀਮ ਕਿਸੇ ਵੀ ਵੱਡੀ ਟੀਮ ਦਾ ਖੇਡ ਵਿਗਾੜਨ ਦੀ ਸਮਰੱਥਾ ਰੱਖਦੀ ਹੈ।

ਭਾਰਤ ਦੇ ਮੁਕਾਬਲਿਆਂ ਦਾ ਸ਼ਡਿਊਲ ਇਸ ਤਰ੍ਹਾਂ
 • 22 ਫਰਵਰੀ: ਭਾਰਤ ਬਨਾਮ ਦੱਖਣੀ ਅਫਰੀਕਾ (ਅਹਿਮਦਾਬਾਦ)
• 26 ਫਰਵਰੀ: ਭਾਰਤ ਬਨਾਮ ਜ਼ਿੰਬਾਬਵੇ (ਚੇਨਈ)
• 1 ਮਾਰਚ: ਭਾਰਤ ਬਨਾਮ ਵੈਸਟਇੰਡੀਜ਼ (ਕੋਲਕਾਤਾ) 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e