ਗੰਭੀਰ ਦੀ ਹਮਾਇਤ ''ਚ ਉੱਤਰੇ ਕ੍ਰਿਕਟਰ ਭੱਜੀ ਤੇ ਲਕਸ਼ਮਣ

ਨਵੀਂ ਦਿੱਲੀ— ਕ੍ਰਿਕਟ ਦੀ ਪਿੱਚ ਤੋਂ ਰਾਜਨੀਤੀ ਦੇ ਮੈਦਾਨ 'ਤੇ ਆਏ ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਖਿਡਾਰੀ ਗੌਤਮ ਗੰਭੀਰ 'ਤੇ ਆਪਣੇ ਵਿਰੋਧੀ ਉਮੀਦਵਾਰ ਆਮ ਆਦਮੀ ਪਾਰੀ (ਆਪ) ਦੀ ਆਤਿਸ਼ੀ ਮਾਰਲੇਨਾ ਦੇ ਵਿਰੁੱਧ ਇਤਰਾਜ਼ਯੋਗ ਪਰਚਾ ਵੰਡਣ ਦੇ ਦੋਸ਼ਾਂ ਦੇ ਵਿਚ ਭਾਰਤੀ ਕ੍ਰਿਕਟਰ ਹਰਭਜਨ ਸਿੰਘ ਤੇ ਵੀ. ਵੀ. ਐੱਸ. ਲਕਸ਼ਮਣ ਉਸਦੇ ਸਮਰਥਨ 'ਚ ਉਤਰੇ ਹਨ। ਭਾਜਪਾ ਉਮੀਦਵਾਰ ਗੌਤਮ ਗੰਭੀਰ ਨੇ ਹੁਣ ਨਵੀਂ ਚੁਣੌਤੀ ਸਾਹਮਣੇ ਰੱਖ ਦਿੱਤੀ ਹੈ।
ਹਰਭਜਨ ਸਿੰਘ ਨੇ ਟਵੀਟ ਕੀਤਾ ਕਿ ਮੈਂ ਗੌਤਮ ਗੰਭੀਰ ਨਾਲ ਜੁੜੇ ਇਕ ਮਾਮਲੇ ਨੂੰ ਸੁਣ ਕੇ ਹੈਰਾਨ ਹਾਂ। ਮੈਂ ਉਸ ਨੂੰ ਬਹੁਤ ਚੰਗੀ ਤਰ੍ਹਾਂ ਜਾਣਦਾ ਹਾਂ। ਉਹ ਕਦੀ ਕਿਸੇ ਔਰਤ ਖਿਲਾਫ ਗਲਤ ਨਹੀਂ ਬੋਲ ਸਕਦਾ ਹੈ।

I am shocked to note yesterday’s events involving @GautamGambhir. I know him well and he can never talk ill for any woman. Whether he wins or loses is another matter but the man is above all this

— Harbhajan Turbanator (@harbhajan_singh) May 10, 2019

ਉਥੇ ਹੀ ਵੀ. ਵੀ ਐੱਸ. ਲਕਸ਼ਮਣ ਨੇ ਟਵੀਟ ਕੀਤਾ ਕਿ ਅਜਿਹੀਆਂ ਗੱਲਾਂ ਬਾਰੇ ਸੁਣ ਕੇ ਹੈਰਾਨ ਹਾਂ। ਮੈਂ ਉਨ੍ਹਾਂ ਦੇ ਚਰਿੱਤਰ ਅਤੇ ਔਰਤਾਂ ਪ੍ਰਤੀ ਉਨ੍ਹਾਂ ਦੇ ਮਨ 'ਚ ਸਨਮਾਨ ਦੀ ਗਾਰੰਟੀ ਲੈ ਸਕਦਾ ਹਾਂ।

Shocked to hear about yesterday's developments. Having known @GautamGambhir for nearly 2 decades, I can vouch for his integrity, character and the respect he has for women.

— VVS Laxman (@VVSLaxman281) May 10, 2019