BCCI ਨੇ CEO ਰਾਹੁਲ ਜੌਹਰੀ ਦਾ ਅਸਤੀਫਾ ਕੀਤਾ ਮਨਜ਼ੂਰ

ਨਵੀਂ ਦਿੱਲੀ- ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ. ਸੀ. ਸੀ. ਆਈ.) ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀ. ਈ. ਓ.) ਰਾਹੁਲ ਚੌਧਰੀ ਦਾ ਅਸਤੀਫਾ ਵੀਰਵਾਰ ਨੂੰ ਸਵੀਕਾਰ ਕਰ ਲਿਆ। ਉਨ੍ਹਾਂ ਨੇ ਕੁਝ ਮਹੀਨੇ ਪਹਿਲਾਂ ਆਪਣਾ ਅਸਤੀਫਾ ਬੋਰਡ ਨੂੰ ਸੌਂਪਿਆ ਸੀ। ਬੀ. ਸੀ. ਸੀ. ਆਈ. ਨੇ ਸੁਪਰੀਮ ਕੋਰਟ ਵਲੋਂ ਨਿਯੁਕਤ ਜਸਟਿਸ ਲੋਢਾ ਕਮੇਟੀ ਦੀ ਸਿਫਾਰਿਸ਼ਾਂ 'ਤੇ ਅਮਲ ਕਰਦੇ ਹੋਏ ਰਾਹੁਲ ਜੌਹਰੀ ਨੂੰ ਆਪਣਾ ਪਹਿਲਾ ਸੀ. ਈ. ਓ. (ਮੁੱਖ ਕਾਰਜਕਾਰੀ ਅਧਿਕਾਰੀ) ਨਿਯੁਕਤ ਕੀਤਾ ਸੀ। ਜੌਹਰੀ ਨੇ 1 ਜੂਨ 2016 ਨੂੰ ਆਪਣਾ ਅਹੁਦਾ ਸੰਭਾਲਿਆ ਸੀ।

Board of Control for Cricket in India (BCCI) CEO Rahul Johri's resignation accepted by BCCI. He had submitted his resignation few months back: BCCI Sources

— ANI (@ANI) July 9, 2020

ਦੱਸ ਦੇਈਏ ਕਿ ਜਸਟਿਸ ਲੋਢਾ ਕਮੇਟੀ ਨੇ ਸਿਫਾਰਿਸ਼ਾਂ ਕੀਤੀਆਂ ਸੀ ਕਿ ਕ੍ਰਿਕਟ ਤੋਂ ਹਟ ਕੇ ਮੈਨੇਜਮੈਂਟ ਨੂੰ ਦੇਖਣ ਦੇ ਲਈ ਇਕ ਸੀ. ਈ. ਓ. ਦੀ ਨਿਯੁਕਤੀ ਜ਼ਰੂਰੀ ਹੈ। ਲੋਢਾ ਕਮੇਟੀ ਨੇ ਸੀ. ਈ. ਓ. ਦੀ ਨਿਯੁਕਤੀ ਦੀ ਸਿਫਾਰਿਸ਼ ਦੇ ਨਾਲ ਹੀ ਉਨ੍ਹਾਂ ਨੂੰ ਪੰਜ ਸਾਲ ਦਾ ਇਕਰਾਰਨਾਮਾ ਦੇਣ ਦੀ ਸਿਫਾਰਿਸ਼ ਵੀ ਕੀਤੀ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਸਾਲ ਫਰਵਰੀ 'ਚ ਉਸਦੇ ਅਸਤੀਫੇ ਦੀ ਚਰਚਾ ਚੱਲੀ ਸੀ ਪਰ ਉਸ ਸਮੇਂ ਇਸਦੀ ਅਧਿਕਾਰਿਕ ਪੁਸ਼ਟੀ ਨਹੀਂ ਹੋਈ। ਅਸਤੀਫੇ ਨੂੰ ਲੈ ਨਾ ਤਾਂ ਰਾਹੁਲ ਜੌਹਰੀ ਦਾ ਕੋਈ ਬਿਆਨ ਆਇਆ ਸੀ ਤੇ ਨਾ ਹੀ ਬੋਰਡ ਦੇ ਕਿਸੇ ਅਧਿਕਾਰੀ ਨੇ ਕੋਈ ਟਿੱਪਣੀ ਕੀਤੀ ਸੀ।