BCCI ਜਲਦ ਹੀ ਟੀਮ ਇੰਡੀਆ ''ਚ ਸ਼ਾਮਲ ਕਰ ਸਕਦੀ ਹੈ ਨਵਾਂ ਮੈਂਬਰ

ਨਵੀਂ ਦਿੱਲੀ— ਏਸ਼ੀਆ ਕੱਪ ਜਿੱਤਣ ਤੋਂ ਬਾਅਦ ਟੀਮ ਇੰਡੀਆ ਜੋਸ਼ ਨਾਲ ਭਰਪੂਰ ਹੈ। ਵਨ ਡੇ 'ਚ ਜਿੱਤ ਤੋਂ ਬਾਅਦ ਬੀ.ਸੀ.ਸੀ.ਆਈ ਦਾ ਧਿਆਨ ਟੈਸਟ ਕ੍ਰਿਕਟ 'ਚ ਟੀਮ ਇੰਡੀਆ ਨੂੰ ਮਜ਼ਬੂਤ ਬਣਾਉਣ 'ਤੇ ਹੈ। ਇੰਗਲੈਂਡ ਖਿਲਾਫ 1-4 ਨਾਲ ਸੀਰੀਜ਼ ਹਾਰਨ ਦੌਰਾਨ ਜਿਸ ਤਰ੍ਹਾਂ ਨਾਲ ਅਸ਼ਵਿਨ ਸਾਊਥੈਂਪਟਨ ਟੈਸਟ 'ਚ ਪੂਰੀ ਤਰ੍ਹਾਂ ਨਾਲ ਅਸਫਲ ਰਹੇ, ਉਸ ਨੂੰ ਦੇਖਦੇ ਹੋਏ ਬੀ.ਸੀ.ਸੀ.ਆਈ ਕੋਚਿੰਗ ਸਟਾਫ ਨੂੰ ਵਧਾਉਣ ਦੀ ਸੋਚ ਰਿਹਾ ਹੈ। ਸੰਭਵ ਹੈ ਕਿ ਬੀ.ਸੀ.ਸੀ.ਆਈ ਕੋਚ ਸਟਾਫ 'ਚ ਇਕ ਸਪਿਨ ਗੇਂਦਬਾਜ਼ੀ ਕੋਚ ਸ਼ਾਮਲ ਕਰਨ। ਤੁਹਾਨੂੰ ਦੱਸ ਦਈਏ ਕਿ ਅਸ਼ਵਿਨ ਨੇ ਇੰਗਲੈਂਡ ਦੌਰੇ 'ਚ ਐਜਬੈਸਟਨ 'ਚ ਖੇਡੇ ਗਏ ਟੈਸਟ ਮੈਚ ਦੇ ਪਹਿਲੇ ਦਿਨ 4 ਵਿਕਟ ਲੈਂਦੇ ਹੋਏ ਸ਼ੁਰੂਆਤ ਕੀਤੀ ਸੀ, ਪਰ ਜਿਵੇਂ ਹੀ ਸੀਰੀਜ਼ ਅੱਗੇ ਵਧੀ ਉਹ ਫਿੱਕੇ ਹੁੰਦੇ ਗਏ ਅਤੇ ਬਾਅਦ 'ਚ ਜ਼ਖਮੀ ਹੋ ਕੇ ਟੀਮ ਤੋਂ ਬਾਹਰ ਹੋ ਗਏ। ਅਜਿਹੇ 'ਚ ਵਿਦੇਸ਼ੀ ਪਿਚਾਂ 'ਚ ਭਾਰਤੀ ਸਪਿਨਰਾਂ ਦੀਆਂ ਸਮੱਸਿਆਵਾਂ ਦਾ ਨਿਰਾਕਰਨ ਕੱਢਣ ਲਈ ਬੀ.ਸੀ.ਸੀ.ਆਈ ਵਿਚਾਰ ਕਰ ਰਹੀ ਹੈ।

ਇਕ ਖਬਰ ਮੁਤਾਬਕ ਏਸ਼ੀਆ ਕੱਪ ਤੋਂ ਪਹਿਲਾਂ ਰਵੀ ਸ਼ਾਸਤਰੀ ਦੀ ਸੀ.ਓ.ਏ. ਨਾਲ ਮੁਲਾਕਾਤ ਦੌਰਾਨ ਕੋਚਿੰਗ ਸਟਾਫ ਨੂੰ ਵਧਾਉਣ ਦੀ ਗੱਲ ਹੋਈ ਸੀ। ਟੀਮ ਦੇ ਕੋਚਿੰਗ ਸਟਾਫ 'ਚ ਅਜੇ ਹੈੱਡ ਕੋਚ ਰਵੀ ਸ਼ਾਸਤਰੀ ਨਾਲ ਬੈਟਿੰਗ ਕੋਚ ਸੰਜੇ ਬੰਗੜ, ਗੇਂਦਬਾਜ਼ੀ ਕੋਚ ਭਾਰਤ ਅਰੁਣ ਅਤੇ ਫੀਲਡਿੰਗ ਕੋਚ ਆਰ.ਸ਼੍ਰੀਧਰ ਹਨ। ਜੇਕਰ ਸਪਿਨ ਗੇਂਦਬਾਜ਼ੀ ਦੀ ਨਿਯੁਕਤੀ ਹੁੰਦੀ ਹੈ, ਤਾਂ ਇਸ ਨਾਲ ਸਟਾਫ ਨੂੰ ਹੀ ਮਜ਼ਬੂਤੀ ਨਹੀਂ ਮਿਲੇਗੀ, ਬਲਕਿ ਸਪਿਨ ਗੇਂਦਬਾਜ਼ੀ ਦੀ ਕੁਵਾਲਿਟੀ ਵੀ ਸੁਧਰੇਗੀ। ਅਜੇ ਭਾਰਤ ਦੇ ਸਾਬਕਾ ਟਾਪ ਸਪਿਨਰ ਸੁਨੀਲ ਬੰਗਲਾਦੇਸ਼ ਟੀਮ ਨੂੰ ਸਪਿਨ ਗੇਂਦਬਾਜ਼ੀ ਦੇ ਟਿਪਸ ਦੇ ਰਹੀ ਹੈ। ਅਜਿਹੇ 'ਚ ਭਾਰਤੀ ਟੀਮ 'ਚ ਕਿਸੇ ਨਿਯੁਕਤ ਕੀਤਾ ਜਾਂਦਾ ਹੈ ਇਹ ਦੇਖਣਾ ਦਿਲਚਸਪ ਹੋਵੇਗਾ। ਭਾਰਤ ਨੂੰ ਵੈਸਟ ਇੰਡੀਜ਼ ਸੀਰੀਜ਼ ਤੋਂ ਬਾਅਦ ਆਸਟ੍ਰੇਲੀਆ ਦਾ ਦੌਰਾ ਕਰਨਾ ਹੈ। ਅਜਿਹੇ 'ਚ ਸੰਭਵ ਹੈ ਕਿ ਟੀਮ ਇੰਡੀਆ ਇਸੇ ਦੌਰੇ 'ਚ ਸਪਿਨ ਕੋਚ ਨਿਯੁਕਤ ਕਰੋ। ਇਸ ਦੌਰੇ 'ਚ ਟੀਮ ਇੰਡੀਆ ਨੂੰ ਤਿੰਨ ਟੀ-20, ਚਾਰ ਟੈਸਟ ਅਤੇ ਤਿੰਨ ਵਨ ਡੇ ਖੇਡਣੇ ਹਨ।