ਜ਼ਿੰਬਾਬਵੇ ਖਿਲਾਫ ਬੰਗਲਾਦੇਸ਼ ਟੈਸਟ ਟੀਮ ਦਾ ਹੋਇਆ ਐਲਾਨ, ਜਾਣੋ ਕਿਸ ਨੂੰ ਮਿਲਿਆ ਮੌਕਾ

ਸਪੋਰਟਸ ਡੈਸਕ— ਬੰਗਲਾਦੇਸ਼ ਨੇ ਅਗਲੇ ਸ਼ਨੀਵਾਰ ਤੋਂ ਜ਼ਿੰਬਾਬਵੇ ਖਿਲਾਫ ਸ਼ੁਰੂ ਹੋ ਰਹੇ ਇਕਲੌਤੇ ਟੈਸਟ 'ਚ ਬੱਲੇਬਾਜ਼ ਮਹਿਮੁਦੁੱਲ੍ਹਾ ਨੂੰ ਬਾਹਰ ਕਰ ਤੇਜ਼ ਗੇਂਦਬਾਜ਼ ਮੁਸਤਫਿਜ਼ੂਰ ਰਹਿਮਾਨ ਨੂੰ ਟੀਮ 'ਚ ਸ਼ਾਮਿਲ ਕੀਤਾ ਹੈ। ਢਾਕਾ ਮੈਚ ਲਈ ਵਿਕਟਕੀਪਰ ਬੱਲੇਬਾਜ਼ ਮੁਸ਼ਫਿਕੁਰ ਰਹੀਮ ਦੀ ਵੀ ਟੀਮ 'ਚ ਵਾਪਸੀ ਹੋਈ ਹੈ ਜਿਨ੍ਹਾਂ ਨੇ ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਸੁਰੱਖਿਆ ਕਾਰਨਾਂ ਕਰਕੇ ਪਾਕਿਸਤਾਨ ਦੇ ਦੌਰੇ ਤੋਂ ਹੱਟਣ ਦਾ ਫੈਸਲਾ ਕੀਤਾ ਸੀ।

ਬੰਗਲਾਦੇਸ਼ ਨੂੰ ਰਾਵਲਪਿੰਡੀ 'ਚ ਪਾਕਿਸਤਾਨ ਤੋਂ ਪਾਰੀ ਅਤੇ 44 ਦੌੜਾਂ ਦੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ ਅਤੇ ਐਤਵਾਰ ਨੂੰ ਚੁੱਣੀ ਗਈ 16 ਮੈਂਮਬਰੀ ਟੀਮ 'ਚ ਚਾਰ ਬਦਲਾਅ ਹੋਏ ਹਨ। ਸਪਿਨਰ ਮੇਂਹਦੀ ਹਸਨ ਅਤੇ ਤੇਜ਼ ਗੇਂਦਬਾਜ਼ ਤਾਸਕਿਨ ਅਹਿਮਦ ਸੱਟਾਂ ਤੋਂ ਉਭਰ ਕੇ ਵਾਪਸੀ ਕਰ ਚੁੱਕੇ ਹਾਂ ਜਦ ਕਿ ਬੱਲੇਬਾਜ਼ ਸੌਮਿਆ ਸਰਕਾਰ, ਤੇਜ਼ ਗੇਂਦਬਾਜ਼ ਰੂਬੇਲ ਹੁਸੈਨ ਅਤੇ ਅਲ ਅਮੀਨ ਹੁਸੈਨ ਨੂੰ ਬਾਹਰ ਰੱਖਿਆ ਗਿਆ ਹੈ। ਬੰਗਲਾਦੇਸ਼ ਕ੍ਰਿਕਟ ਬੋਰਡ ਦੇ ਬਿਆਨ 'ਚ ਚੋਣ ਪੈਨਲ ਦੇ ਚੇਅਰਮੈਨ ਮਿੰਹਾਜੁਲ ਏਬੇਦਿਨ ਨੇ ਕਿਹਾ, 'ਬਦਕਿਸਮਤੀ ਭਰਿਆ ਹੈ ਕਿ ਕੁਝ ਖਿਡਾਰੀਆਂ ਨੂੰ ਬਾਹਰ ਕਰਨਾ ਪਿਆ ਪਰ ਸਾਡੀ ਅਗੇਤ ਸੰਤੁਲਨ ਸੁਨਿਸ਼ਚਿਤ ਕਰਨ ਕੀਤੀ ਹੈ। ਸਾਨੂੰ ਲੱਗਾ ਕਿ ਮਹਿਮੂਦੁੱਲਾਹ ਨੂੰ ਲਾਲ ਗੇਂਦ ਦੇ ਕ੍ਰਿਕਟ 'ਚ ਬ੍ਰੇਕ ਦੀ ਜ਼ਰੂਰਤ ਹੈ।

 ਟੀਮ ਇਸ ਤਰ੍ਹਾਂ ਹੈ :
ਮੋਮਿਨੁਲ ਹੱਕ (ਕਪਤਾਨ), ਤਮੀਮ ਇਕਬਾਲ, ਸੈਫ ਹੁਸੈਨ, ਨਜਮੁਲ ਹੁਸੈਨ, ਮੁਸ਼ਫਿਕੁਰ ਰਹੀਮ, ਮੁਹੰਮਦ ਮਿਥੁਨ, ਲਿਟਨ ਦਾਸ, ਤਾਇਜੁਲ ਇਸਲਾਮ, ਅਬੂ ਜਾਇਦ, ਨਈਮ ਹਸਨ,  ਇਬਾਦਤ ਹੁਸੈਨ, ਤਾਸਕਿਨ ਅਹਿਮਦ, ਮੇਂਹਦੀ ਹਸਨ, ਮੁਸਤਫਿਜ਼ੂਰ ਰਹਿਮਾਨ, ਹਸਨ ਮਹਿਮੂਦ ਅਤੇ ਯਾਸਿਰ ਅਲੀ।

Bangladesh squad for only Test against Zimbabwe.#BCB #BANvZIM#RiseOfTheTigers pic.twitter.com/aUnRP2niLP

— Bangladesh Cricket (@BCBtigers) February 16, 2020