ਅਨਹਤ ਅਤੇ ਸ਼ੌਰਿਆ ਵਿਸ਼ਵ ਜੂਨੀਅਰ ਸਕੁਐਸ਼ ਚੈਂਪੀਅਨਸ਼ਿਪ ਦੇ ਚੌਥੇ ਗੇੜ ਵਿੱਚ ਦਾਖ਼ਲ

ਨਵੀਂ ਦਿੱਲੀ, (ਭਾਸ਼ਾ) ਭਾਰਤ ਦੀ ਅਨਹਤ ਸਿੰਘ ਅਤੇ ਸ਼ੌਰਿਆ ਬਾਵਾ ਨੇ ਹਿਊਸਟਨ ਵਿੱਚ ਚੱਲ ਰਹੀ ਵਿਸ਼ਵ ਜੂਨੀਅਰ ਸਕੁਐਸ਼ ਚੈਂਪੀਅਨਸ਼ਿਪ ਵਿੱਚ ਕ੍ਰਮਵਾਰ ਲੜਕੀਆਂ ਅਤੇ ਲੜਕਿਆਂ ਦੇ ਵਰਗ ਦੇ ਚੌਥੇ ਦੌਰ ਵਿੱਚ ਪ੍ਰਵੇਸ਼ ਕਰ ਲਿਆ ਹੈ। ਮੌਜੂਦਾ ਮਹਿਲਾ ਰਾਸ਼ਟਰੀ ਚੈਂਪੀਅਨ ਅਨਹਤ ਨੇ ਤੀਜੇ ਦੌਰ 'ਚ ਅਮਰੀਕਾ ਦੀ ਸਮੰਥਾ ਜਾਫ ਨੂੰ 11-7, 12-10, 11-6 ਨਾਲ ਹਰਾਇਆ। ਹੁਣ ਉਹ ਕੁਆਰਟਰ ਫਾਈਨਲ ਵਿੱਚ ਥਾਂ ਬਣਾਉਣ ਲਈ ਜਾਪਾਨ ਦੀ ਅਕਾਰੀ ਮਿਡੋਰੀਕਾਵਾ ਨਾਲ ਭਿੜੇਗੀ। ਜਦਕਿ ਬਾਵਾ ਨੇ ਤੀਜੇ ਦੌਰ 'ਚ ਅਮਰੀਕਾ ਦੇ ਰਸਟਿਨ ਵਿਸਰ ਨੂੰ 4-11, 11-7, 12-10, 11-6 ਨਾਲ ਹਰਾਇਆ, ਜਿਸ ਕਾਰਨ ਪ੍ਰੀ-ਕੁਆਰਟਰ ਫਾਈਨਲ 'ਚ ਉਸ ਦਾ ਸਾਹਮਣਾ ਅਰਜਨਟੀਨਾ ਦੇ ਸੇਗੁੰਡੋ ਪੋਰਟੇਬਲਜ਼ ਨਾਲ ਹੋਵੇਗਾ।