ਚਾਹਲ ਨੂੰ 'ਭੰਗੀ' ਕਹਿਣ 'ਤੇ ਯੁਵਰਾਜ 'ਤੇ ਹੋਈ FIR, ਹੋ ਸਕਦੀ ਹੈ ਇਹ ਕਾਰਵਾਈ
06/04/2020 3:42:47 PM
ਸਪੋਰਟਸ ਡੈਸਕ : ਭਾਰਤੀ ਟੀਮ ਦੇ ਸਾਬਕਾ ਹਰਫਨਮੌਲਾ ਖਿਡਾਰੀ ਯੁਵਰਾਜ ਸਿੰਘ ਸੰਨਿਆਸ ਤੋਂ ਬਾਅਦ ਅਕਸਰ ਆਪਣੇ ਬਿਆਨਾਂ ਕਾਰਨ ਸੁਰਖੀਆਂ ਵਿਚ ਰਹਿੰਦੇ ਹਨ। ਉਸ ਵੱਲੋਂ ਦਿੱਤਾ ਬਿਆਨ ਅਚਾਨਕ ਹੀ ਚਰਚਾ ਦਾ ਕੇਂਦਰ ਬਣ ਜਾਂਦਾ ਹੈ। ਪਿਛਲੇ ਦਿਨੀਂ ਯੁਵਰਾਜ ਸਿੰਘ ਨੇ ਰੋਹਿਤ ਸ਼ਰਮਾ ਨਾਲ ਗੱਲ ਕਰਦਿਆਂ ਯੁਜਵੇਂਦਰ ਚਾਹਲ ਨੂੰ ਭੰਗੀ ਕਹਿ ਦਿੱਤਾ ਸੀ। ਹੁਣ ਉਸ ਦੇ ਖਿਲਾਫ਼ ਪੁਲਸ ਕੇਸ ਹੋ ਗਿਆ ਹੈ।
ਪੁਲਸ ਨੇ FIR ਕੀਤੀ ਦਰਜ
ਭਾਰਤ ਇਸ ਸਮੇਂ ਕੋਰੋਨਾ ਵਾਇਰਸ ਦੀ ਲਪੇਟ 'ਚ ਹੈ, ਜਿਸ ਕਾਰਨ ਖਿਡਾਰੀ ਆਪਣੇ ਘਰ ਵਿਚ ਬੈਠ ਕੇ ਸੋਸ਼ਲ ਮੀਡੀਆ 'ਤੇ ਐਕਟਿਵ ਨਜ਼ਰ ਆ ਰਹੇ ਹਨ। ਇਸ ਵਿਚਾਲੇ ਯੁਵਰਾਜ ਸਿੰਘ ਅਤੇ ਰੋਹਿਤ ਸ਼ਰਮਾ ਇੰਸਟਾਗ੍ਰਾਮ ਲਾਈਵ ਚੈਟ ਦੌਰਾਨ ਨਜ਼ਰ ਆਏ ਸੀ। ਜਿੱਥੇ ਕੁਲਦੀਪ ਯਾਦਵ ਅਤੇ ਯੁਜਵੇਂਦਰ ਚਾਹਲ ਨੂੰ ਦੇਖ ਕੇ ਮਜ਼ਾਕ ਵਿਚ ਹੀ ਯੁਵਰਾਜ ਸਿੰਘ ਨੇ ਉਸ ਨੂੰ ਭੰਗੀ ਕਹਿ ਦਿੱਤਾ। ਜੋ ਕੁਝ ਸਮੇਂ ਬਾਅਦ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਗਿਆ।
ਰੋਹਿਤ ਸ਼ਰਮਾ ਵੀ ਆਏ ਘੇਰੇ 'ਚ
ਉਸ ਇੰਸਟਾਗ੍ਰਾਮ ਲਾਈਵ ਚੈਟ ਦੌਰਾਨ ਯੁਵਰਾਜ ਸਿੰਘ ਨੇ ਉਸ ਸ਼ਬਦ ਦੀ ਵਰਤੋਂ ਮਜ਼ਾਕ ਵੀ ਕੀਤੀ ਸੀ। ਹਾਲਾਂਕਿ ਹੁਣ ਉਹ ਵੱਡਾ ਰੂਪ ਲੈ ਚੁੱਕੀ ਹੈ। ਇਹ ਕੇਸ ਹਿਸਾਰ ਦੇ ਹੰਸੀ ਵਿਚ ਹੋਇਆ ਹੈ। ਇਹ ਰਿਪੋਰਟ ਇਕ ਚੈਨਲ ਵੱਲੋਂ ਦੱਸੀ ਗਈ। ਦਲਿਤ ਭਾਈਚਾਰੇ ਦੇ ਲੋਕ ਇਸ ਤੋਂ ਬਹੁਤ ਨਾਰਾਜ਼ ਦਿਸ ਰਹੇ ਹਨ, ਜਿਸ ਕਾਰਨ ਹੁਣ ਸਾਬਕਾ ਭਾਰਤੀ ਖਿਡਾਰੀ ਯੁਵਰਾਜ ਮੁਸ਼ਕਿਲ 'ਚ ਨਜ਼ਰ ਆ ਰਹੇ ਹਨ। ਇਸ ਕੇਸ ਵਿਚ ਰੋਹਿਤ ਸ਼ਰਮਾ ਦਾ ਨਾਂ ਵੀ ਸ਼ਾਮਲ ਹੈ। ਉਸ ਨੇ ਕਿਹਾ ਕੁਝ ਨਹੀਂ ਪਰ ਉਹ ਇਸ ਗੱਲ 'ਤੇ ਹੱਸ ਰਹੇ ਸੀ। ਲੋਕਾਂ ਦੀ ਮੰਗ ਹੈ ਕਿ ਇਸ ਸਾਬਕਾ ਧਾਕੜ ਖਿਡਾਰੀਆਂ ਨੂੰ ਹਿਰਾਸਤ 'ਚ ਲਿਆ ਜਾਵੇ।
ਪੁਲਸ ਬਿਆਨ
ਹੰਸੀ ਦੇ ਐੱਸ. ਪੀ. ਲੋਕੇਂਦਰ ਸਿੰਘ ਨੇ ਹੁਣ ਇਹ ਜਾਂਚ ਡੀ. ਐੱਸ. ਪੀ. ਨੂੰ ਸੌਂਪ ਦਿੱਤੀ ਹੈ। ਹੁਣ ਜੇਕਰ ਯੁਵਰਾਜ ਇਸ ਮਾਮਲੇ 'ਚ ਦੋਸ਼ੀ ਪਾਏ ਜਾਂਦੇ ਹਨ ਤਾਂ ਉਸ 'ਤੇ ਕਾਰਵਾਈ ਕੀਤੀ ਜਾ ਸਕਦੀ ਹੈ। ਫਿਲਹਾਲ ਮਾਮਲਾ ਪੁਲਸ ਦੇ ਕੋਲ ਹੈ, ਜਿਸ 'ਤੇ ਉਹ ਜਾਂਚ ਕਰ ਰਹੀ ਹੈ।
