ਅਲਕਾਰਾਜ਼ ਨੇ ਸਿਨਰ ਦੀ ਜੇਤੂ ਮੁਹਿੰਮ ਨੂੰ ਰੋਕ ਕੇ ਫਾਈਨਲ ਵਿੱਚ ਬਣਾਈ ਜਗ੍ਹਾ

ਇੰਡੀਅਨ ਵੇਲਜ਼ (ਕੈਲੀਫੋਰਨੀਆ)- ਕਾਰਲੋਸ ਅਲਕਾਰਾਜ਼ ਨੇ ਪਹਿਲਾ ਸੈੱਟ ਗੁਆਉਣ ਤੋਂ ਬਾਅਦ ਸ਼ਾਨਦਾਰ ਵਾਪਸੀ ਕਰਦੇ ਹੋਏ ਪਿਛਲੇ 19 ਮੈਚਾਂ ਤੋਂ ਚੱਲ ਰਹੀ ਯਾਨਿਕ ਸਿਨਰ ਦੀ ਜੇਤੂ ਮੁਹਿੰਮ ਨੂੰ ਰੋਕਿਆ ਅਤੇ ਬੀਐਨਪੀ ਪਰਿਬਾਸ ਓਪਨ ਟੈਨਿਸ ਟੂਰਨਾਮੈਂਟ ਦੇ ਫਾਈਨਲ ਵਿੱਚ ਪਹੁੰਚ ਗਿਆ। ਮੀਂਹ ਪ੍ਰਭਾਵਿਤ ਇਸ ਮੈਚ ਵਿੱਚ ਅਲਕਾਰਜ਼ ਨੇ ਸਿਨਰ ਨੂੰ 1-6, 6-3, 6-2 ਨਾਲ ਹਰਾਇਆ। ਇੰਡੀਅਨ ਵੇਲਜ਼ ਵਿੱਚ ਅਲਕਾਰਜ਼ ਦੀ ਇਹ ਲਗਾਤਾਰ 11ਵੀਂ ਜਿੱਤ ਸੀ, ਜਿਸ ਨਾਲ ਉਸ ਨੂੰ ਵਿਸ਼ਵ ਰੈਂਕਿੰਗ ਵਿੱਚ ਦੂਜਾ ਸਥਾਨ ਹਾਸਲ ਕਰਨ ਵਿੱਚ ਮਦਦ ਮਿਲੀ। 

ਅਲਕਾਰਜ਼ ਦਾ ਸਾਹਮਣਾ ਫਾਈਨਲ ਵਿੱਚ ਰੂਸ ਦੇ ਡੇਨੀਲ ਮੇਦਵੇਦੇਵ ਨਾਲ ਹੋਵੇਗਾ। ਮੇਦਵੇਦੇਵ ਨੇ ਦੂਜੇ ਸੈਮੀਫਾਈਨਲ 'ਚ ਪਹਿਲਾ ਸੈੱਟ ਗੁਆਉਣ ਤੋਂ ਬਾਅਦ ਵੀ ਚੰਗੀ ਵਾਪਸੀ ਕੀਤੀ ਅਤੇ ਟਾਮੀ ਪਾਲ ਨੂੰ 1-6, 7-6, 6-2 ਨਾਲ ਹਰਾਇਆ। ਅਲਕਾਰਜ਼ ਦੇ ਖਿਲਾਫ ਪਹਿਲੇ ਸੈੱਟ 'ਚ ਜਦੋਂ ਸਿਨਰ 2-1 ਨਾਲ ਅੱਗੇ ਸੀ ਤਾਂ ਮੀਂਹ ਕਾਰਨ ਖੇਡ ਨੂੰ ਰੋਕਣਾ ਪਿਆ। ਇਸ ਤੋਂ ਬਾਅਦ ਤਿੰਨ ਘੰਟੇ ਤੋਂ ਵੱਧ ਖੇਡ ਨਹੀਂ ਚੱਲ ਸਕੀ। ਇਸ ਦੌਰਾਨ ਮਹਿਲਾ ਡਬਲਜ਼ ਫਾਈਨਲ ਵਿੱਚ ਸਿਖਰਲਾ ਦਰਜਾ ਪ੍ਰਾਪਤ ਤਾਇਵਾਨ ਦੀ ਹਸੀਹ ਸੂ-ਵੇਈ ਅਤੇ ਬੈਲਜੀਅਮ ਦੀ ਏਲੀਸੇ ਮਰਟੇਨਜ਼ ਨੇ ਤੀਜਾ ਦਰਜਾ ਪ੍ਰਾਪਤ ਆਸਟਰੇਲੀਆ ਦੀ ਸਟਾਰਮ ਹੰਟਰ ਅਤੇ ਚੈੱਕ ਗਣਰਾਜ ਦੀ ਕੈਟੇਰੀਨਾ ਸਿਨੀਆਕੋਵਾ ਨੂੰ 6-3, 6-4 ਨਾਲ ਹਰਾ ਕੇ ਖ਼ਿਤਾਬ ਜਿੱਤਿਆ।