ਏਜ਼ਾਜ਼ ਬਣਿਆ ਪਾਕਿਸਤਾਨ ਅੰਡਰ-19 ਟੀਮ ਦਾ ਮੁੱਖ ਕੋਚ
08/26/2019 9:47:01 PM
ਇਸਲਾਮਾਬਾਦ— ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਸਾਬਕਾ ਕ੍ਰਿਕਟਰ ਏਜ਼ਾਜ਼ ਅਹਿਮਦ ਨੂੰ ਸੋਮਵਾਰ ਪਾਕਿਸਤਾਨ ਅੰਡਰ-19 ਟੀਮ ਦਾ ਮੁੱਖ ਕੋਚ ਬਣਾਉਣ ਦਾ ਐਲਾਨ ਕੀਤਾ ਹੈ। ਏਜ਼ਾਜ਼ ਦਾ ਕਾਰਜਕਾਲ 3 ਸਾਲਾਂ ਦਾ ਹੋਵੇਗਾ ਤੇ ਉਹ ਅੰਡਰ-19 ਟੀਮ ਤੋਂ ਇਲਾਵਾ ਪਾਕਿਸਤਾਨ ਦੀ ਅੰਡਰ-16 ਤੇ ਏ-ਟੀਮ ਨਾਲ ਵੀ ਕੰਮ ਕਰੇਗਾ। ਏਜ਼ਾਜ਼ 5 ਤੋਂ 14 ਸਤੰਬਰ ਵਿਚਾਲੇ ਕੋਲੰਬੋ ਵਿਚ ਹੋਣ ਵਾਲੇ ਏ. ਸੀ. ਸੀ. ਅੰਡਰ-19 ਏਸ਼ੀਆ ਕੱਪ ਤੋਂ ਬਾਅਦ ਟੀਮ ਨਾਲ ਜੁੜੇਗਾ। ਸਾਬਕਾ ਖਿਡਾਰੀ ਏਜ਼ਾਜ਼ ਨੇ ਪਾਕਿਸਤਾਨ ਦੇ ਲਈ 60 ਟੈਸਟ ਤੇ 250 ਵਨ ਡੇ ਅੰਤਰਰਾਸ਼ਟਰੀ ਮੈਚ ਖੇਡੇ ਹਨ। ਏਜ਼ਾਜ਼ ਇਸ ਤੋਂ ਪਹਿਲਾਂ ਪਾਕਿਸਤਾਨ ਏ ਟੀਮ ਦੇ ਕੋਚ ਵੀ ਰਹਿ ਚੁੱਕੇ ਹਨ। ਇਸ ਤੋਂ ਇਲਾਵਾ ਉਹ 2010 ’ਚ ਹੋਏ ਆਈ. ਸੀ. ਸੀ. ਟੀ-20 ਵਿਸ਼ਵਕੱਪ ਦੇ ਦੌਰਾਨ ਪਾਕਿਸਤਾਨ ਟੀਮ ਦੇ ਸਹਾਇਕ ਕੋਚ ਵੀ ਰਹਿ ਚੁੱਕੇ ਹਨ। ਏਜ਼ਾਜ਼ ਨੇ ਕਿਹਾ ਕਿ ਮੈਂ ਪਾਕਿਸਤਾਨ ਬੋਰਡ ਨੂੰ ਮੈਨੂੰ ਮਹੱਤਵਪੂਰਨ ਜ਼ਿਮੇਵਾਰੀ ਦੇਣ ਦੇ ਲਈ ਧੰਨਵਾਦ ਕਰਦਾ ਹਾਂ।
