T20 WC ਲਈ ਇੰਗਲੈਂਡ ਨੇ ਕੀਤਾ ਟੀਮ ਦਾ ਐਲਾਨ, ਇਸ ਧਾਕੜ ਕ੍ਰਿਕਟਰ ਨੂੰ ਬਣਾਇਆ ਕਪਤਾਨ
04/30/2024 3:30:28 PM
ਸਪੋਰਟਸ ਡੈਸਕ : ਇੰਗਲੈਂਡ ਕ੍ਰਿਕਟ ਬੋਰਡ ਨੇ T20 ਵਿਸ਼ਵ ਕੱਪ 2024 ਲਈ ਮੁੱਢਲੀ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ ਬੋਰਡ ਨੇ ਇਨ੍ਹਾਂ ਖਿਡਾਰੀਆਂ ਨੂੰ ਪਾਕਿਸਤਾਨ ਦੇ ਖਿਲਾਫ ਹੋਣ ਵਾਲੀ T20 ਸੀਰੀਜ਼ ਲਈ ਵੀ ਚੁਣਿਆ ਹੈ। ਟੀ-20 ਵਿਸ਼ਵ ਕੱਪ ਦਾ ਆਯੋਜਨ 1 ਜੂਨ ਤੋਂ ਹੋਵੇਗਾ। ਜੋਸ ਬਟਲਰ ਨੂੰ ਇੰਗਲੈਂਡ ਦੀ ਕਪਤਾਨੀ ਮਿਲੀ ਹੈ। ਬਟਲਰ ਫਿਲਹਾਲ IPL 2024 'ਚ ਰਾਜਸਥਾਨ ਰਾਇਲਸ ਲਈ ਖੇਡ ਰਿਹਾ ਹੈ। ਉਹ ਫਾਰਮ 'ਚ ਹੈ ਅਤੇ ਧਮਾਕੇਦਾਰ ਬੱਲੇਬਾਜ਼ੀ ਵੀ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ : ਦੱਖਣੀ ਅਫਰੀਕਾ ਨੇ ਟੀ-20 ਵਿਸ਼ਵ ਕੱਪ ਟੀਮ ਦਾ ਕੀਤਾ ਐਲਾਨ, ਦੋ ਅਨਕੈਪਡ ਖਿਡਾਰੀਆਂ ਨੂੰ ਮਿਲੀ ਜਗ੍ਹਾ
ਇੰਗਲੈਂਡ ਨੇ ਟੀਮ ਦੀ ਕਪਤਾਨੀ ਬਟਲਰ ਨੂੰ ਸੌਂਪ ਦਿੱਤੀ ਹੈ। ਉਹ ਖਤਰਨਾਕ ਫਾਰਮ 'ਚ ਹੈ। ਬਟਲਰ ਨੇ IPL 2024 ਦੇ 8 ਮੈਚਾਂ 'ਚ 319 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ 2 ਸੈਂਕੜੇ ਲਗਾਏ ਹਨ। ਬਟਲਰ ਦੇ ਨਾਲ ਮੋਈਨ ਅਲੀ ਅਤੇ ਜੋਫਰਾ ਆਰਚਰ ਨੂੰ ਵੀ ਜਗ੍ਹਾ ਮਿਲੀ ਹੈ। ਆਰਚਰ ਲੰਬੇ ਸਮੇਂ ਤੋਂ ਇੰਗਲੈਂਡ ਟੀਮ ਤੋਂ ਬਾਹਰ ਸਨ। ਉਹ ਸੱਟ ਕਾਰਨ ਮੈਦਾਨ ਤੋਂ ਦੂਰ ਸੀ। ਪਰ ਹੁਣ ਉਨ੍ਹਾਂ ਨੇ ਵਾਪਸੀ ਕੀਤੀ ਹੈ।
ਇੰਗਲੈਂਡ ਨੇ ਵਿਸਫੋਟਕ ਬੱਲੇਬਾਜ਼ ਫਿਲਿਪ ਸਾਲਟ ਨੂੰ ਵੀ ਟੀਮ ਵਿੱਚ ਸ਼ਾਮਲ ਕੀਤਾ ਹੈ। ਵਿਲ ਜੈਕਸ ਅਤੇ ਜੌਨੀ ਬੇਅਰਸਟੋ ਵੀ ਟੀ-20 ਵਿਸ਼ਵ ਕੱਪ 2024 'ਚ ਖੇਡਦੇ ਨਜ਼ਰ ਆਉਣਗੇ।ਬੋਰਡ ਨੇ ਹੈਰੀ ਬਰੂਕ ਅਤੇ ਲਿਆਮ ਲਿਵਿੰਗਸਟੋਨ 'ਤੇ ਵੀ ਭਰੋਸਾ ਜਤਾਇਆ ਹੈ। ਇੰਗਲੈਂਡ ਦਾ ਗੇਂਦਬਾਜ਼ੀ ਹਮਲਾ ਵੀ ਕਾਫੀ ਮਜ਼ਬੂਤ ਨਜ਼ਰ ਆ ਰਿਹਾ ਹੈ। ਮਾਰਕ ਵੁੱਡ, ਰੀਸ ਟੋਪਲੇ ਅਤੇ ਆਦਿਲ ਰਾਸ਼ਿਦ ਟੀਮ ਦਾ ਹਿੱਸਾ ਹਨ।
ਇਹ ਵੀ ਪੜ੍ਹੋ : ਨਿਊਜ਼ੀਲੈਂਡ ਨੇ ਕੀਤਾ T20 WC ਲਈ ਟੀਮ ਦਾ ਐਲਾਨ, ਜਾਣੋ ਕਿਸ ਨੂੰ ਮਿਲਿਆ ਮੌਕਾ
ਸਾਲਟ ਦੀ ਗੱਲ ਕਰੀਏ ਤਾਂ ਉਹ ਆਈਪੀਐਲ ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਦਾ ਹਿੱਸਾ ਹੈ। ਉਸ ਨੇ ਇਸ ਸਾਲ 2024 ਦੇ 9 ਮੈਚਾਂ ਵਿੱਚ 392 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਉਸ ਨੇ 4 ਅਰਧ ਸੈਂਕੜੇ ਬਣਾਏ ਹਨ। ਸਾਲਟ ਦਾ ਇਸ ਸੀਜ਼ਨ ਦਾ ਸਰਵੋਤਮ ਸਕੋਰ ਨਾਬਾਦ 89 ਰਿਹਾ ਹੈ। ਵਿਲ ਜੈਕਸ ਨੇ ਵੀ ਚੰਗਾ ਪ੍ਰਦਰਸ਼ਨ ਕੀਤਾ ਹੈ।
ਟੀ-20 ਵਿਸ਼ਵ ਕੱਪ 2024 ਲਈ ਇੰਗਲੈਂਡ ਦੀ ਟੀਮ - ਜੋਸ ਬਟਲਰ (ਕਪਤਾਨ), ਮੋਈਨ ਅਲੀ (ਉਪ-ਕਪਤਾਨ), ਫਿਲ ਸਾਲਟ, ਵਿਲ ਜੈਕ, ਜੌਨੀ ਬੇਅਰਸਟੋ, ਹੈਰੀ ਬਰੂਕ, ਲਿਆਮ ਲਿਵਿੰਗਸਟੋਨ, ਸੈਮ ਕੁਰੇਨ, ਜੋਫਰਾ ਆਰਚਰ, ਕ੍ਰਿਸ ਜੌਰਡਨ, ਮਾਰਕ ਵੁੱਡ, ਰੀਸ ਟੋਪਲੇ, ਆਦਿਲ ਰਸ਼ੀਦ, ਟੌਮ ਹਾਰਟਲੇ, ਬੇਨ ਡਕੇਟ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
