ਟੀ-20 ਵਿਸ਼ਵ ਕੱਪ ''ਚ ਮਹਿਲਾ ਕ੍ਰਿਕਟ ਨੂੰ ਬਦਲਣ ਦੀ ਸਮਰੱਥਾ : ਲੈਨਿੰਗ
02/06/2020 7:48:21 PM
ਦੁਬਈ— ਚਾਰ ਬਾਰ ਦੀ ਚੈਂਪੀਅਨ ਆਸਟਰੇਲੀਆਈ ਦੀ ਕਪਤਾਨ ਮੈਗ ਲੈਨਿੰਗ ਦਾ ਮੰਨਣਾ ਹੈ ਕਿ ਆਗਾਮੀ ਆਈ. ਸੀ. ਸੀ. ਟੀ-20 ਵਿਸ਼ਵ ਕੱਪ 'ਚ ਦੁਨੀਆ ਭਰ 'ਚ ਮਹਿਲਾ ਕ੍ਰਿਕਟ ਦੀ ਕਿਸਮਤ ਨੂੰ ਬਦਲਣ ਦੀ ਸਮਰੱਥਾ ਹੈ। ਆਸਟਰੇਲੀਆ 21 ਫਰਵਰੀ ਤੋਂ 8 ਮਾਰਚ ਤਕ ਆਈ. ਸੀ. ਸੀ. ਮਹਿਲਾ ਟੀ-20 ਵਿਸ਼ਵ ਕੱਪ ਦੀ ਮੇਜਬਾਨੀ ਕਰੇਗਾ। ਲੈਨਿੰਗ ਨੇ ਕਿਹਾ ਕਿ ਟੂਰਨਾਮੈਂਟ ਨੂੰ ਲੈ ਕੇ ਹਾਈਪ ਤੇ ਚਰਚਾਂ ਨੂੰ ਦੇਖਦੇ ਹੋਏ ਲੱਗਦਾ ਹੈ ਕਿ ਇਸ ਟੂਰਨਾਮੈਂਟ 'ਚ ਮਹਿਲਾ ਕ੍ਰਿਕਟ 'ਚ ਜਾਨ ਫੂਕਣ ਦੀ ਸਮਰੱਥਾ ਹੈ। ਲੈਨਿੰਗ ਨੇ ਆਈ. ਸੀ. ਸੀ. 'ਚ ਆਪਣੇ ਕਾਲਸ 'ਚ ਲਿਖਿਆ ਇਹ ਟੂਰਨਾਮੈਂਟ ਦੁਨੀਆ ਭਰ 'ਚ ਮਹਿਲਾਵਾਂ ਦੇ ਖੇਡ ਲਈ ਠੀਕ ਮਾਈਨੇ 'ਚ ਟਰਨਿੰਗ ਪੁਆਇੰਟ ਹੋ ਸਕਦਾ ਹੈ।
ਇਸ ਨੂੰ ਲੈ ਕੇ ਬਹੁਤ ਗੱਲਾਂ ਹੋ ਰਹੀਆਂ ਹਨ, ਨਿਸ਼ਚਤ ਰੂਪ ਨਾਲ ਮੈਂ ਹੁਣ ਤਕ ਇੰਨੀ ਜ਼ਿਆਦਾਂ ਚਰਚਾਂ ਨਹੀਂ ਦੇਖੀ। ਇਸ ਲਈ ਉਮੀਦ ਕਰਦੇ ਹਾਂ ਕਿ ਇਹ ਸਾਰਿਆਂ ਦੇ ਲਈ ਤਿਆਰ ਹੋਣ ਦਾ ਸੰਕੇਤ ਹੈ। ਉਨ੍ਹਾਂ ਨੇ ਕਿਹਾ ਕਿ ਉਮੀਦ ਹੈ ਇਸ ਟੂਰਨਾਮੈਂਟ ਨਾਲ ਮਹਿਲਾ ਕ੍ਰਿਕਟ ਨਵੀਂ ਰਫਤਾਰ ਫੜੇਗੀ। ਟੀ-20 ਵਿਸ਼ਵ ਕੱਪ ਸਿਡਨੀ 'ਚ ਆਸਟਰੇਲੀਆ ਤੇ ਭਾਰਤ ਦੇ ਵਿਚ ਮੁਕਾਬਲੇ ਤੋਂ ਸ਼ੁਰੂ ਹੋਵੇਗਾ ਤੇ ਲੈਨਿੰਗ ਨੇ ਕਿਹਾ ਕਿ ਉਸਦੀ ਟੀਮ ਦਾ ਟੀਚਾ 8 ਮਾਰਚ ਨੂੰ ਹੋਣ ਵਾਲੇ ਫਾਈਨਲ 'ਚ ਜਗ੍ਹਾ ਬਣਾਉਣਾ ਹੈ।
