ਨੀਲਮਣੀ ਸਮਾਧੀਆ ਦੀ ਦੋ-ਟੂਕ: ''ਗਊ ਮਾਤਾ ਦਾ ਅਪਮਾਨ ਕਰਨ ਵਾਲੇ ''ਤੇ ਲੱਗੇ ਧਾਰਾ 295-A''

ਬਰਨਾਲਾ (ਵਿਵੇਕ ਸਿੰਧਵਾਨੀ, ਰਵੀ) : ਪੰਜਾਬ ਦੇ ਬਰਨਾਲਾ ਵਿੱਚ ਉਸ ਸਮੇਂ ਮਾਹੌਲ ਗਰਮਾ ਗਿਆ, ਜਦੋਂ ਇੱਕ ਰੋਸ ਪ੍ਰਦਰਸ਼ਨ ਦੌਰਾਨ ਹਿੰਦੂ ਆਸਥਾ ਦੇ ਕੇਂਦਰ 'ਗਊ ਮਾਤਾ' ਬਾਰੇ ਕੀਤੀ ਗਈ ਇੱਕ ਬੇਹੱਦ ਭੱਦੀ ਟਿੱਪਣੀ ਨੇ ਫਿਰਕੂ ਤਣਾਅ ਪੈਦਾ ਕਰ ਦਿੱਤਾ। ਵਿਸ਼ਵ ਹਿੰਦੂ ਪ੍ਰੀਸ਼ਦ ਅਤੇ ਬਜਰੰਗ ਦਲ ਦੇ ਸੂਬਾਈ ਆਗੂ ਨੀਲਮਣੀ ਸਮਾਧੀਆ ਨੇ ਪੁਲਸ ਪ੍ਰਸ਼ਾਸਨ ਦੀ ਢਿੱਲੀ ਕਾਰਵਾਈ 'ਤੇ ਸਖ਼ਤ ਇਤਰਾਜ਼ ਜਤਾਉਂਦੇ ਹੋਏ ਸਪੱਸ਼ਟ ਚੇਤਾਵਨੀ ਦਿੱਤੀ ਹੈ ਕਿ ਉਹ ਧਾਰਮਿਕ ਅਪਮਾਨ ਨੂੰ ਕਿਸੇ ਵੀ ਕੀਮਤ 'ਤੇ ਬਰਦਾਸ਼ਤ ਨਹੀਂ ਕਰਨਗੇ।

ਇਹ ਵੀ ਪੜ੍ਹੋ - ਹੁਣ ₹5,000 ਦੀ ਥਾਂ ਮਿਲੇਗੀ ₹10,000 ਪੈਨਸ਼ਨ! ਮੋਦੀ ਸਰਕਾਰ ਦਾ ਵੱਡਾ ਤੋਹਫ਼ਾ

ਘਟਨਾ ਦਾ ਵੇਰਵਾ: ਸ਼ਰੇਆਮ ਦਿੱਤੀ ਗਊ ਮਾਸ ਖਾਣ ਦੀ ਸਲਾਹ
ਮਾਮਲਾ ਬਰਨਾਲਾ ਦੇ ਇੱਕ ਪ੍ਰਮੁੱਖ ਸ਼ੋਰੂਮ ਦੇ ਬਾਹਰ ਦਾ ਹੈ, ਜਿੱਥੇ ਹਿੰਦੂ ਜਥੇਬੰਦੀਆਂ ਸ਼ਾਂਤਮਈ ਢੰਗ ਨਾਲ ਆਪਣਾ ਵਿਰੋਧ ਦਰਜ ਕਰਵਾ ਰਹੀਆਂ ਸਨ। ਇਸੇ ਦੌਰਾਨ ਇੱਕ ਵਿਅਕਤੀ ਨੇ ਵਿਚਾਲੇ ਆ ਕੇ ਨਾ ਸਿਰਫ਼ ਵਿਘਨ ਪਾਇਆ, ਸਗੋਂ ਉੱਥੇ ਮੌਜੂਦ ਵਰਕਰਾਂ ਅਤੇ ਮੀਡੀਆ ਦੇ ਸਾਹਮਣੇ ਬੇਹੱਦ ਇਤਰਾਜ਼ਯੋਗ ਸ਼ਬਦ ਕਹੇ। ਨੀਲਮਣੀ ਸਮਾਧੀਆ ਅਨੁਸਾਰ, ਉਸ ਵਿਅਕਤੀ ਨੇ ਨਸ਼ੇ ਦੀ ਹਾਲਤ ਵਿੱਚ ਉਕਸਾਉਂਦੇ ਹੋਏ ਕਿਹਾ ਕਿ "ਗਊ ਮਾਸ ਖਾਇਆ ਕਰੋ, ਇਹ ਬਹੁਤ ਸਵਾਦ ਹੁੰਦਾ ਹੈ।" ਇਹ ਸੁਣਦਿਆਂ ਹੀ ਪ੍ਰਦਰਸ਼ਨਕਾਰੀ ਭੜਕ ਗਏ। ਵਰਕਰਾਂ ਨੇ ਮੌਕੇ 'ਤੇ ਉਸ ਵਿਅਕਤੀ ਨੂੰ ਦਬੋਚ ਲਿਆ। ਸਮਾਧੀਆ ਦਾ ਦੋਸ਼ ਹੈ ਕਿ ਇਹ ਸਭ ਪੁਲਸ ਦੀ ਮੌਜੂਦਗੀ ਵਿੱਚ ਹੋਇਆ, ਫਿਰ ਵੀ ਪ੍ਰਸ਼ਾਸਨ ਠੋਸ ਕਾਰਵਾਈ ਕਰਨ ਤੋਂ ਕਤਰਾ ਰਿਹਾ ਹੈ।

ਇਹ ਵੀ ਪੜ੍ਹੋ - ਪੰਜਾਬ ਭਰ 'ਚ ਅੱਜ ਹੋਵੇਗਾ BLACKOUT! ਮੁੜ ਤੋਂ ਵੱਜਣਗੇ ਖ਼ਤਰੇ ਦੇ ਘੁੱਗੂ

ਪੁਲਸ ਦੀ ਕਾਰਵਾਈ 'ਤੇ ਉਠਾਏ ਗੰਭੀਰ ਸਵਾਲ
ਹਿੰਦੂ ਆਗੂਆਂ ਦਾ ਗੁੱਸਾ ਇਸ ਗੱਲ 'ਤੇ ਹੈ ਕਿ ਪੁਲਸ ਨੇ ਇਸ ਗੰਭੀਰ ਧਾਰਮਿਕ ਅਪਮਾਨ ਨੂੰ ਮਹਿਜ਼ ਇੱਕ "ਸਾਧਾਰਨ ਝਗੜਾ" ਮੰਨ ਕੇ ਨਿਪਟਾਉਣ ਦੀ ਕੋਸ਼ਿਸ਼ ਕੀਤੀ ਹੈ। ਨੀਲਮਣੀ ਸਮਾਧੀਆ ਨੇ ਪ੍ਰਸ਼ਾਸਨ ਨੂੰ ਚੁਣੌਤੀ ਦਿੰਦਿਆਂ ਕਿਹਾ ਪ੍ਰਸ਼ਾਸਨ ਨੇ ਮੁਲਜ਼ਮ 'ਤੇ ਸਿਰਫ਼ ਧਾਰਾ 7/51 ਤਹਿਤ ਖਾਨਾਪੂਰਤੀ ਕੀਤੀ ਹੈ। ਅਸੀਂ ਜੋ ਉਸ ਨਾਲ ਵਿਵਹਾਰ ਕੀਤਾ, ਉਹ ਇੱਕ ਗਊ-ਭਗਤ ਨੂੰ ਕਰਨਾ ਹੀ ਚਾਹੀਦਾ ਸੀ। ਪੁਲਸ ਚਾਹੇ ਤਾਂ ਸਾਡੇ 'ਤੇ ਕੁੱਟਮਾਰ ਦਾ ਪਰਚਾ ਦਰਜ ਕਰ ਦੇਵੇ, ਸਾਨੂੰ ਜੇਲ੍ਹ ਭੇਜ ਦੇਵੇ, ਸਾਨੂੰ ਉਸਦੀ ਪਰਵਾਹ ਨਹੀਂ। ਪਰ ਜਿਸ ਨੇ ਸਾਡੀ ਆਸਥਾ ਨੂੰ ਠੇਸ ਪਹੁੰਚਾਈ ਹੈ, ਉਸ 'ਤੇ ਧਾਰਾ 295-A (ਧਾਰਮਿਕ ਭਾਵਨਾਵਾਂ ਨੂੰ ਭੜਕਾਉਣਾ) ਲੱਗਣੀ ਹੀ ਚਾਹੀਦੀ ਹੈ।

ਇਹ ਵੀ ਪੜ੍ਹੋ - ਪੈਟਰੋਲ ਪੰਪਾਂ 'ਤੇ ਬਦਲੇ ਨਿਯਮ, ਹੁਣ ਇਨ੍ਹਾਂ ਵਾਹਨਾਂ ਨੂੰ ਨਹੀਂ ਮਿਲੇਗਾ ਤੇਲ, ਸਰਕਾਰ ਦਾ ਸਖ਼ਤ ਫ਼ੈਸਲਾ

ਮੈਡੀਕਲ ਰਿਪੋਰਟ ਵਿੱਚ ਨਸ਼ੇ ਦੀ ਪੁਸ਼ਟੀ
ਸਮਾਧੀਆ ਨੇ ਦੱਸਿਆ ਕਿ ਫੜੇ ਗਏ ਵਿਅਕਤੀ ਦਾ ਜਦੋਂ ਮੈਡੀਕਲ ਕਰਵਾਇਆ ਗਿਆ, ਤਾਂ ਉਸ ਵਿੱਚ ਉਸਦੇ ਸ਼ਰਾਬ ਪੀਤੀ ਹੋਣ ਦੀ ਪੁਸ਼ਟੀ ਹੋਈ ਹੈ। ਉਨ੍ਹਾਂ ਸਵਾਲ ਉਠਾਇਆ ਕਿ ਆਖ਼ਰ ਪ੍ਰਸ਼ਾਸਨ ਨੂੰ ਹੋਰ ਕਿੰਨੇ ਸਬੂਤ ਚਾਹੀਦੇ ਹਨ? ਜਦੋਂ ਮੀਡੀਆ ਅਤੇ ਪੁਲਸ ਦੇ ਸਾਹਮਣੇ ਇਹ ਅਪਮਾਨਜਨਕ ਕਾਰਾ ਹੋਇਆ, ਤਾਂ ਮੁਲਜ਼ਮ ਨੂੰ ਮਾਮੂਲੀ ਧਾਰਾਵਾਂ ਵਿੱਚ ਰਾਹਤ ਦੇਣਾ ਹਿੰਦੂ ਸਮਾਜ ਦਾ ਅਪਮਾਨ ਹੈ।

ਵੱਡੇ ਅੰਦੋਲਨ ਦੀ ਚੇਤਾਵਨੀ
ਹਿੰਦੂ ਜਥੇਬੰਦੀਆਂ ਨੇ ਦੋ-ਟੂਕ ਸ਼ਬਦਾਂ ਵਿੱਚ ਕਿਹਾ ਹੈ ਕਿ ਬਰਨਾਲਾ ਪੁਲਸ ਇਸ ਮਾਮਲੇ ਦੀ ਗੰਭੀਰਤਾ ਨੂੰ ਸਮਝੇ। ਜੇਕਰ ਮੁਲਜ਼ਮ 'ਤੇ ਸਖ਼ਤ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰਕੇ ਉਸ ਨੂੰ ਜੇਲ੍ਹ ਨਹੀਂ ਭੇਜਿਆ ਗਿਆ, ਤਾਂ ਵਿਹਿਪ ਅਤੇ ਬਜਰੰਗ ਦਲ ਸੜਕਾਂ 'ਤੇ ਉਤਰਨ ਲਈ ਮਜ਼ਬੂਰ ਹੋਣਗੇ। ਉਨ੍ਹਾਂ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਅਜਿਹੇ ਮਾਨਸਿਕ ਤੌਰ 'ਤੇ ਬੀਮਾਰ ਅਤੇ ਅਸਾਜਿਕ ਅਨਸਰਾਂ ਖ਼ਿਲਾਫ਼ ਮਿਸਾਲ ਕਾਇਮ ਕੀਤੀ ਜਾਵੇ ਤਾਂ ਜੋ ਭਵਿੱਖ ਵਿੱਚ ਕੋਈ ਵੀ ਦੇਵੀ-ਦੇਵਤਿਆਂ ਜਾਂ ਗਊ ਮਾਤਾ ਵਿਰੁੱਧ ਅਪਸ਼ਬਦ ਬੋਲਣ ਦੀ ਹਿੰਮਤ ਨਾ ਕਰ ਸਕੇ। ਫਿਲਹਾਲ, ਪੁਲਸ ਪ੍ਰਸ਼ਾਸਨ ਮਾਮਲੇ ਦੀ ਜਾਂਚ ਦੀ ਗੱਲ ਕਹਿ ਰਿਹਾ ਹੈ ਪਰ ਸ਼ਹਿਰ ਵਿੱਚ ਸਥਿਤੀ ਤਣਾਅਪੂਰਨ ਬਣੀ ਹੋਈ ਹੈ।

ਇਹ ਵੀ ਪੜ੍ਹੋ - 24, 25, 26, 27 ਅਪ੍ਰੈਲ ਨੂੰ ਕਹਿਰ ਵਰ੍ਹਾਏਗੀ ਗਰਮੀ! ਇਨ੍ਹਾਂ ਸੂਬਿਆਂ 'ਚ ਹੀਟਵੇਵ ਦਾ ਅਲਰਟ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e