ਹੁਸ਼ਿਆਰਪੁਰ: ਪਤੀ ਵੱਲੋਂ ਪਤਨੀ ਦਾ ਕਤਲ, ਖ਼ੁਦ ਫੋਨ ਕਰਕੇ ਸਾਲੇ ਨੂੰ ਦਿੱਤੀ ਕਤਲ ਦੀ ਜਾਣਕਾਰੀ

ਹੁਸ਼ਿਆਰਪੁਰ (ਅਮਰੀਕ)- ਹੁਸ਼ਿਆਰਪੁਰ ਦੇ ਸਦਰ ਥਾਣਾ ਅਧੀਨ ਪੈਂਦੇ ਪਿੰਡ ਬਜਵਾੜਾ ਵਿਖੇ ਰਹਿਣ ਵਾਲੇ ਪ੍ਰਵਾਸੀ ਮਜਦੂਰ ਨੇ ਆਪਣੀ ਪਤਨੀ ਦਾ ਕਤਲ ਕਰ ਦਿੱਤਾ। ਕਤਲ ਕਰਨ ਤੋਂ ਬਾਅਦ ਪਤਨੀ ਨੀਤੂ ਦੀ ਲਾਸ਼ ਬਜਵਾੜਾ ਦੀ ਪੁਲੀ ਹੇਠਾਂ ਸੁੱਟ ਦਿੱਤੀ। ਮ੍ਰਿਤਕ ਨੀਤੂ ਦੇ ਭਰਾ ਵੱਲੋਂ ਦਿਤੀ ਜਾਣਕਾਰੀ ਮੁਤਾਬਕ ਊਸ ਦਾ ਜੀਜਾ ਨੀਰਜ ਪਿਛਲੇ 15 ਦਿਨਾਂ ਤੋਂ ਕੱਮ 'ਤੇ ਨਹੀਂ ਜਾ ਰਿਹਾ ਸੀ ਅਤੇ ਨਵਾਂ ਮੋਬਾਈਲ ਕਿਸ਼ਤਾ 'ਤੇ ਖ਼ਰੀਦ ਲਿਆਇਆ ਸੀ, ਜਿਸ ਕਾਰਨ ਉਸ ਦੀ ਭੈਣ ਅਤੇ ਜੀਜੇ ਵਿਚ ਝਗੜਾ ਚੱਲ ਰਿਹਾ ਸੀ।

ਇਹ ਵੀ ਪੜ੍ਹੋ: ਪੰਜਾਬ ’ਚ ਗੈਂਗਸਟਰਾਂ ਤੇ ਮਾਫ਼ੀਆ ਦਾ ਰਾਜ, ਸਰਕਾਰ ਤੇ ਪੁਲਸ ਅਪਰਾਧ ਰੋਕਣ ’ਚ ਅਸਫ਼ਲ : ਅਸ਼ਵਨੀ ਸ਼ਰਮਾ

ਬੀਤੇ ਕੱਲ੍ਹ ਰਾਤ ਜੀਜੇ ਨੀਰਜ ਵੱਲੋਂ ਉਸ ਦੀ ਭੈਣ ਨੀਤੂ ਦਾ ਕਤਲ ਕਰਕੇ ਉਨ੍ਹਾਂ ਨੂੰ ਫੋਨ ਕੀਤਾ ਕਿ ਮੈਂ ਤੁਹਾਡੀ ਭੈਣ ਨੂੰ ਮਾਰ ਦਿੱਤਾ ਹੈ, ਜਿਸ ਤੋਂ ਬਾਦ ਨੀਤੂ ਦਾ ਪਰਿਵਾਰ ਊਸ ਨੂੰ ਲਭਣ ਲੱਗ ਗਿਆ। ਉਨ੍ਹਾਂ ਅੱਗੇ ਦੱਸਿਆ ਕਿ ਅੱਜ ਸਵੇਰੇ ਨੀਰਜ ਦਾ ਫੋਨ ਫਿਰ ਤੋਂ ਆਇਆ ਕਿ ਮੈਨੂੰ ਇੱਧਰ-ਉਧਰ ਨਾ ਲੱਭੋ, ਪੁਲ 'ਤੇ ਜਾ ਕੇ ਵੇਖੋ, ਮੈਂ ਲਾਸ਼ ਨੂੰ ਬਜਵਾੜਾ ਦੀ ਪੁਲੀ ਹੇਠ ਸੁਟਿਆ ਹੈ। ਇਸ ਦੇ ਬਾਅਦ ਤੁਰੰਤ ਪਰਿਵਾਰਕ ਮੈਂਬਰ ਅਤੇ ਪੁਲਸ ਮੌਕੇ 'ਤੇ ਪਹੁੰਚੀ ਅਤੇ ਵੇਖਿਆ ਕਿ ਨੀਤੂ ਦੀ ਲਾਸ਼ ਓਥੇ ਪਈ ਹੋਈ ਸੀ।

ਮ੍ਰਿਤਕ ਨੀਤੂ ਦੇ ਭਰਾ ਦੇ ਬਿਆਨ ਮੁਤਾਬਕ ਪੁਲਸ ਵੱਲੋਂ ਮੁਲਜ਼ਮ ਨੀਰਜ ਖ਼ਿਲਾਫ਼ ਕਤਲ ਦਾ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਕਰਨ ਦੀ ਗੱਲ ਕਹੀ ਗਈ ਹੈ। ਖ਼ਬਰ ਲਿਖੇ ਜਾਣ ਤੱਕ ਮੁਲਜ਼ਮ ਨੀਰਜ ਅਤੇ ਮ੍ਰਿਤਕ ਨੀਤੂ ਦੇ 3 ਸਾਲ ਦੇ ਬੱਚੇ ਦੀ ਭਾਲ ਪੁਲਸ ਵੱਲੋਂ ਕੀਤੀ ਜਾ ਰਹੀ ਹੈ।

ਇਹ ਵੀ ਪੜ੍ਹੋ: ਮੋਗਾ ਰੈਲੀ ਵਿਚ ਹੋਏ ਟਕਰਾਅ 'ਤੇ ਡਾ. ਦਲਜੀਤ ਸਿੰਘ ਚੀਮਾ ਦਾ ਵੱਡਾ ਬਿਆਨ

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।