ਕੁੜੀ ਦੀ ਨਿਊਡ ਵੀਡੀਓ ਵ੍ਹਟਸਐੱਪ ’ਤੇ ਕੀਤੀ ਵਾਇਰਲ, ਮਾਮਲਾ ਦਰਜ

04/12/2021 4:14:11 PM

ਸੰਗਰੂਰ (ਬੇਦੀ)- ਇਕ ਕੁੜੀ ਦੀ ਨਿਊਡ ਵੀਡੀਓ ਵ੍ਹਟਸਐੱਸ ਐਪ ’ਤੇ ਪਾ ਕੇ ਬਲੈਕਮੇਲ ਕਰਨ ਵਾਲੇ ਮੁਲਜ਼ਮ ਖ਼ਿਲਾਫ਼ ਪੁਲਸ ਨੇ ਮੁਕੱਦਮਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਪੀੜਤ ਕੁੜੀ ਦੀ ਮਾਤਾ ਨੇ ਥਾਣਾ ਸਿਟੀ ਸੰਗਰੂਰ ’ਚ ਸ਼ਿਕਾੲਤ ਦਰਜ ਕਰਵਾਈ ਕਿ ਉਸ ਨੂੰ ਉਸ ਦੇ ਭਤੀਜੇ ਨੇ ਦੱਸਿਆ ਕਿ ਕੁੱਝ ਮੁੰਡੇ ਗੱਲਾਂ ਕਰਦੇ ਸੀ ਕਿ ਉਸ ਦੀ ਕੁੜੀ ਦੀ ਕੋਈ ਨਿਊਡ ਵੀਡੀਓ ਵ੍ਹਟਸਐਪ ’ਤੇ ਵਾਇਰਲ ਹੋ ਗਈ ਹੈ। ਇਸ ਸਬੰਧੀ ਜਦੋਂ ਮੈਂ ਆਪਣੀ ਕੁੜੀ ਨੂੰ ਪੁੱਛਿਆ, ਜਿਸ ਨੇ ਦੱਸਿਆ ਕਿ ਮੇਰੇ ਨਾਲ ਅੰਸ਼ ਖੁਰਾਣਾ ਪੜ੍ਹਦਾ ਹੈ, ਜਿਸ ਨੇ ਮੈਨੂੰ ਵਰਗਲਾ-ਫੁਸਲਾ ਕੇ ਮੇਰੀ ਨਿਊਡ ਵੀਡੀਓ ਵ੍ਹਟਸਐੱਪ ਰਾਹੀਂ ਫੋਨ ’ਤੇ ਮੇਰੇ ਤੋਂ ਮੰਗਵਾ ਲਈ।

ਉਕਤ ਨੇ ਦੱਸਿਆ ਕਿ ਇਸ ਨੇ ਇਹ ਵੀਡੀਓ ਇਕ ਮੁੰਡਾ ਅਕਸ਼ਦ ਪੁੱਤਰ ਵਿਨੋਦ ਕੁਮਾਰ ਵਾਸੀ ਨੇੜੇ ਨਵੀਂ ਅਨਾਜ ਮੰਡੀ ਸੰਗਰੂਰ ਜੋ ਕਿ ਮੇਰੇ ਤੋਂ ਸੀਨੀਅਰ ਹੈ, ਉਸ ਨੂੰ ਭੇਜ ਦਿੱਤੀ, ਜਿਸ ਨੇ ਮੈਨੂੰ ਬਲੈਕਮੇਲ ਕਰਨਾ ਸ਼ੁਰੂ ਕਰ ਦਿੱਤਾ ਹੈ ਅਤੇ ਵੀਡੀਓ ਦਾ ਡਰਾਵਾ ਦੇ ਕੇ ਮੈਨੂੰ ਆਪਣੇ ਕਮਰੇ ’ਚ ਮਿਲਣ ਅਤੇ 10 ਲੱਖ ਰੁਪਏ ਦਾ ਇੰਤਜ਼ਾਮ ਕਰ ਕੇ ਦੇਣ ਲਈ ਕਿਹਾ ਪੁਲਸ ਨੇ ਮੁਕੱਦਮਾ ਦਰਜ ਕਰ ਕੇ ਕਾਰਵਾਈ ਆਰੰਭ ਕਰ ਦਿੱਤੀ ਹੈ।


Gurminder Singh

Content Editor

Related News