ਪਾਣੀ ਭਰਨ ਨੂੰ ਲੈ ਕੇ ਹੋਇਆ ਝਗਡ਼ਾ, 6 ਜ਼ਖਮੀ

 ਬਟਾਲਾ,   (ਬੇਰੀ)-  ਅੱਜ ਪਿੰਡ ਹਸਨਪੁਰਾ ਖੁਰਦ ’ਚ ਪਾਣੀ ਨੂੰ ਭਰਨ ਨੂੰ ਲੈ ਕੇ ਇਕ ਪਰਿਵਾਰ ’ਚ ਹੋਏ ਝਗਡ਼ੇ ਦੌਰਾਨ 6 ਲੋਕਾਂ ਦੇ ਜ਼ਖਮੀ ਹੋਣ ਦਾ ਸਮਾਚਾਰ ਮਿਲਿਆ ਹੈ। 
ਜਾਣਕਾਰੀ ਦਿੰਦਿਆਂ ਜੇਰੇ ਇਲਾਜ ਸੁਰਜੀਤ ਸਿੰਘ ਪੁੱਤਰ ਜਸਪਾਲ ਸਿੰਘ ਵਾਸੀ ਹਸਨਪੁਰਾ ਖੁਰਦ ਨੇ ਦੱਸਿਆ ਕਿ ਉਸ  ਦੇ  ਵਿਆਹ ਨੂੰ 4 ਸਾਲ ਹੋ ਚੁਕੇ ਹਨ ਅਤੇ ਉਸਦੀ ਪਰਿਵਾਰ ਵਾਲਿਆਂ ਨਾਲ ਅਣ ਬਣ ਰਹਿੰਦੀ ਹੈ ਉਸ ਨੇ ਦੱਸਿਆ ਕਿ ਅੱਜ ਸਵੇਰੇ ਜਦੋਂ ਉਹ ਸਰਕਾਰੀ ਲੱਗੀ ਪਾਣੀ ਵਾਲੀ ਟੂਟੀ ਤੋਂ ਪਾਣੀ ਭਰਨ ਲੱਗਾ ਤਾਂ  ਪਰਿਵਾਰ ਵਾਲਿਆਂ ਨੇ ਉਸ ਨੂੰ ਪਾਣੀ ਭਰਨ ਤੋਂ ਰੋਕਦਿਆਂ ਉਸ ਨਾਲ ਝਗਡ਼ਾ ਸ਼ੁਰੂ ਕਰ ਦਿੱਤਾ ਅਤੇ ਗੰਭੀਰ ਜ਼ਖਮੀ ਕਰ ਦਿੱਤਾ। ਉਸਨੇ ਅੱਗੇ ਦੱਸਿਆ ਕਿ ਜਦੋਂ ਇਸ ਸੰਬੰਧੀ ਉਸ ਦੇ  ਸਹੁਰੇ ਪਰਿਵਾਰ ਨੂੰ ਪਤਾ ਲੱਗਾ ਤਾਂ ਉਹ ਹਾਲ ਚਾਲ ਪੁੱਛਣ ਲਈ ਆਏ ਤਾਂ ਉਕਤ ਵਿਅਕਤੀਆਂ ਨੇ ਉਸ ਦੇ ਸਾਲੇ ਦੀ ਪਤਨੀ ਨੂੰ ਵੀ ਜ਼ਖਮੀ ਕਰ ਦਿੱਤਾ।Î ਇਸ ਸੰਬੰਧੀ ਉਸਨੇ ਥਾਣਾ ਸਦਰ ਨੂੰ ਰਿਪੋਰਟ ਦਰਜ ਕਰਵਾ ਦਿੱਤੀ ਹੈ ਅਤੇ ਪੁਲਸ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਉਸ ਨੂੰ ਬਣਦਾ ਇਨਸਾਫ ਦਿੱਤਾ ਜਾਵੇ।  ®ਉਧਰ ਦੂਸਰੇ, ਪਾਸੇ ਜਦੋਂ ਜਸਪਾਲ ਸਿੰਘ ਪੁੱਤਰ ਕਰਮ ਸਿੰਘ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਮੈਂ ਆਪਣੇ ਲਡ਼ਕੇ ਸੁਰਜੀਤ ਸਿੰਘ ਨੂੰ ਆਪਣੀ ਜਾਇਦਾਦ ਤੋਂ ਕੁਝ ਸਮਾਂ ਪਹਿਲਾਂ ਹੀ ਬੇਦਖਲ ਕਰ ਦਿੱਤਾ ਸੀ ਅਤੇ ਮੈਂ ਨਹੀਂ ਚਾਹੁੰਦਾ ਕੀ ਇਹ ਮੇਰੇ ਘਰ ’ਚ ਰਹੇ। ਜਸਪਾਲ ਸਿੰਘ ਨੇ ਕਿਹਾ ਕਿ ਜਦੋਂ ਸੁਰਜੀਤ ਸਿੰਘ ਸਵੇਰੇ ਪਾਣੀ ਭਰਨ ਲੱਗਾ ਤਾਂ ਉਸਦਾ ਝਗਡ਼ਾ ਮੇਰੇ ਨਾਲ ਅਤੇ ਮੇਰੀਆਂ ਦੋ ਲਡ਼ਕੀਆਂ, ਮੇਰੇ ਲਡ਼ਕੇ ਨਾਲ ਹੋ ਗਿਆ, ਜਿਸਦੇ ਚਲਦਿਆਂ ਸੁਰਜੀਤ ਸਿੰਘ ਨੇ ਆਪਣੇ ਸਾਥੀਆਂ ਸਮੇਤ ਸਾਨੂੰ ਸੱਟਾਂ ਲਗਾ ਕੇ ਜ਼ਖਮੀ ਕਰ ਦਿੱਤਾ। ਉਪਰੰਤ ਸਾਨੂੰ ਪਿੰਡ ਵਾਸੀਆਂ ਨੇ ਇਲਾਜ ਲਈ ਸਿਵਲ ਹਸਪਤਾਲ ਦਾਖਲ ਕਰਵਾਇਆ। ਜਸਪਾਲ ਸਿੰਘ ਨੇ ਵੀ ਪੁਲਸ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਉਨ੍ਹਾਂ ਨੂੰ ਵੀ ਬਣਦਾ ਇਨਸਾਫ ਦਿਵਾਇਆ ਜਾਵੇ।