ਟ੍ਰੈਫਿਕ ਪੁਲਸ ਨੇ 70 ਦੇ ਕਰੀਬ ਵਾਹਨਾਂ ਦੇ ਕੱਟੇ ਚਲਾਨ

ਕਪੂਰਥਲਾ,   (ਭੂਸ਼ਣ)-  ਟ੍ਰੈਫਿਕ ਪੁਲਸ ਕਪੂਰਥਲਾ ਦੀ ਟੀਮ ਨੇ ਡੀ. ਸੀ. ਕਪੂਰਥਲਾ ਦੇ ਹੁਕਮਾਂ 'ਤੇ ਪ੍ਰੈਸ਼ਰ ਹਾਰਨ ਨਾਲ ਲੈਸ ਵਾਹਨਾਂ ਦੇ ਖਿਲਾਫ ਵੱਡੀ ਮੁਹਿੰਮ ਚਲਾਉਂਦੇ ਹੋਏ 70 ਵਾਹਨਾਂ ਦੇ ਚਲਾਨ ਕੱਟੇ। ਜਿਸਦੇ ਦੌਰਾਨ ਕਈ ਵਾਹਨਾਂ ਨੂੰ ਇੰਪਾਊਂਡ ਵੀ ਕੀਤਾ ਗਿਆ। 
ਜਾਣਕਾਰੀ ਅਨੁਸਾਰ ਡੀ. ਸੀ. ਕਪੂਰਥਲਾ ਮੁਹੰਮਦ ਤਈਅਬ ਨੇ ਕਪੂਰਥਲਾ ਸ਼ਹਿਰ ਸਮੇਤ ਜ਼ਿਲਾ ਭਰ 'ਚ ਪ੍ਰੈਸ਼ਰ ਹਾਰਨ ਮਾਰੰ ਵਲੋਂ ਲੈਸ 4-ਪਹੀਆ ਅਤੇ ਦੋ-ਪਹੀਆ ਵਾਹਨਾਂ ਦੇ ਖਿਲਾਫ ਸਖਤ ਕਾਰਵਾਈ ਕਰਨ ਦਾ ਹੁਕਮ ਦਿੱਤਾ। ਜਿਸਦੇ ਤਹਿਤ ਟ੍ਰੈਫਿਕ ਪੁਲਸ ਨੇ ਵੱਡੀ ਮੁਹਿੰਮ ਚਲਾਉਣ ਦਾ ਦਿਸ਼ਾ-ਨਿਰਦੇਸ਼ ਦਿੰਦੇ ਹੋਏ ਅਜਿਹੇ ਵਾਹਨਾਂ ਦੇ ਚਲਾਨ ਕਰਨ ਦੇ ਨਾਲ-ਨਾਲ ਕਾਨੂੰਨੀ ਕਾਰਵਾਈ ਦੇ ਵੀ ਨਿਰਦੇਸ਼ ਦਿੱਤੇ ਗਏ ਸਨ । ਇਸ ਨੂੰ ਲੈ ਕੇ ਟ੍ਰੈਫਿਕ ਇਨਚਾਰਜ ਕਪੂਰਥਲਾ ਦਰਸ਼ਨ ਲਾਲ ਸ਼ਰਮਾ ਨੇ ਟ੍ਰੈਫਿਕ ਪੁਲਸ ਦੇ ਨਾਲ ਡੀ. ਸੀ. ਚੌਕ, ਜਲੰਧਰ ਮਾਰਗ, ਸੁਲਤਾਨਪੁਰ ਲੋਧੀ ਬਾਈਪਾਸ, ਕਰਤਾਰਪੁਰ ਰੋਡ, ਕਾਂਜਲੀ ਮਾਰਗ ਅਤੇ ਅੰਮ੍ਰਿਤਸਰ ਮਾਰਗ 'ਤੇ ਇਕ ਵੱਡੀ ਮੁਹਿੰਮ ਛੇੜਦੇ ਹੋਏ ਜਿਥੇ ਪ੍ਰੈਸ਼ਰ ਹਾਰਨ ਨਾਲ ਲੈਸ ਮੁਸਾਫਿਰ ਬੱਸਾਂ ਦੇ ਚਲਾਨ ਕੱਟੇ, ਉਥੇ ਹੀ 70  ਦੇ ਕਰੀਬ ਦੋ-ਪਹੀਆ ਵਾਹਨਾਂ ਦੇ ਚਲਾਨ ਕੱਟੇ ਗਏ ।ਜਿਸਦੇ ਦੌਰਾਨ ਬਿਨਾਂ ਕਾਗਜ਼ਾਤ ਦੇ ਚੱਲ ਰਹੇ ਕਈ ਵਾਹਨਾਂ ਨੂੰ ਇੰਪਾਊਂਡ ਵੀ ਕੀਤਾ ਗਿਆ।