ਆਖ਼ਿਰ ਹਰਕਤ ''ਚ ਆਈ ਟ੍ਰੈਫ਼ਿਕ ਪੁਲਸ, ਪ੍ਰਤਾਪ ਬਾਜ਼ਾਰ ''ਚ ਕੀਤੀ ਕਾਰਵਾਈ

ਲੁਧਿਆਣਾ (ਗਣੇਸ਼): ਪ੍ਰਤਾਪ ਬਾਜ਼ਾਰ ਵਿਚ ਗੈਰ-ਕਾਨੂੰਨੀ ਪਾਰਕਿੰਗ ਅਤੇ ਟ੍ਰੈਫਿਕ ਜਾਮ ਬਾਰੇ ਖ਼ਬਰ ਛਪਦੇ ਹੀ ਟ੍ਰੈਫਿਕ ਪੁਲਸ ਤੁਰੰਤ ਹਰਕਤ ਵਿਚ ਆ ਗਈ। ਮੌਕੇ ‘ਤੇ ਪਹੁੰਚ ਕੇ ਪੁਲਸ ਨੇ ਕਈ ਵਾਹਨਾਂ ਦੇ ਚਲਾਨ ਕੱਟੇ ਅਤੇ ਕੁਝ ਨੂੰ ਜ਼ਬਤ ਵੀ ਕੀਤਾ। 

ਗਿਰਜਾਘਰ ਚੌਕ, ਮਾਤਾ ਰਾਣੀ ਚੌਕ ਅਤੇ ਕਪੂਰ ਹਸਪਤਾਲ ਚੌਕ ‘ਤੇ ਲੰਮੇ ਸਮੇਂ ਤੋਂ ਬਣੀ ਜਾਮ ਦੀ ਸਮੱਸਿਆ ‘ਤੇ ਕਾਰਵਾਈ ਕੀਤੀ ਗਈ। ਦੁਕਾਨਾਂ ਦੇ ਬਾਹਰ ਖੜ੍ਹੇ ਵਾਹਨਾਂ ਕਾਰਨ ਆਵਾਜਾਈ ਪ੍ਰਭਾਵਿਤ ਹੋ ਰਹੀ ਸੀ, ਜਿਸ ਨਾਲ ਆਮ ਲੋਕਾਂ ਨੂੰ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ। ‘ਨੋ ਪਾਰਕਿੰਗ’ ਦੇ ਬੋਰਡ ਲੱਗੇ ਹੋਣ ਦੇ ਬਾਵਜੂਦ ਨਿਯਮਾਂ ਦੀ ਪਾਲਣਾ ਨਹੀਂ ਹੋ ਰਹੀ ਸੀ, ਜਿਸ ਕਾਰਨ ਹਾਲਾਤ ਖਰਾਬ ਹੋ ਰਹੇ ਸਨ। ਪੁਲਸ ਦੀ ਕਾਰਵਾਈ ਤੋਂ ਬਾਅਦ ਫਿਲਹਾਲ ਸਥਿਤੀ ਵਿਚ ਕੁਝ ਸੁਧਾਰ ਵੇਖਣ ਨੂੰ ਮਿਲਿਆ ਹੈ। ਸਥਾਨਕ ਲੋਕਾਂ ਨੇ ਪ੍ਰਸ਼ਾਸਨ ਤੋਂ ਇਸ ਨੂੰ ਸਥਾਈ ਤੌਰ ‘ਤੇ ਲਾਗੂ ਕਰਨ ਦੀ ਮੰਗ ਕੀਤੀ ਹੈ।