ਢਿੱਲੋਂ ਮਾਰਕੀਟ ''ਚ ਚੋਰਾਂ ਨੇ ਦੋ ਦੁਕਾਨਾਂ ਅਤੇ ਇਕ ਚੁਬਾਰੇ ਨੂੰ ਨਿਸ਼ਾਨਾਂ ਬਣਾਇਆ

ਤਲਵੰਡੀ ਭਾਈ (ਗੁਲਾਟੀ) - ਬੀਤੀ ਰਾਤ ਜੀਰਾ ਰੋਡ 'ਤੇ ਢਿੱਲੋਂ ਮਾਰਕੀਟ 'ਚ ਚੋਰਾਂ ਨੇ ਦੋ ਦੁਕਾਨਾਂ ਇਕ ਫੀਡ ਤੇ ਦੂਜੀ ਕਾਲਬ ਦੀ ਦੁਕਾਨ ਤੋਂ ਇਲਾਵਾਂ ਇਕ ਘਰ ਨੂੰ ਆਪਣਾ ਨਿਸ਼ਾਨਾਂ ਬਣਾ ਲਿਆ। ਇਸ ਮੌਕੇ ਚੁਬਾਰੇ ਦੇ ਮਾਲਕ ਰੂਪ ਚੰਦ ਨੇ ਦੱਸਿਆ ਕਿ ਚੋਰਾਂ ਵੱਲੋਂ ਉਸਦਾ 20 ਹਜ਼ਾਰ ਰੁਪਏ ਦਾ ਸਮਾਨ ਚੋਰੀ ਕੀਤਾ ਗਿਆ, ਜਿਸ ਵਿਚ ਪਲੰਬਰ ਦਾ ਸਮਾਨ ਅਤੇ ਸਟੀਲ ਚੋਰੀ ਕਰਕੇ ਲੈ ਗਏ। ਫੀਡ ਦੀ ਦੁਕਾਨ ਦੇ ਮਾਲਕ ਜਥੇਦਾਰ ਗੁਰਦੇਵ ਸਿੰਘ ਨੇ ਦੱਸਿਆ ਕਿ ਸਾਡੀ ਦੁਕਾਨ ਦਾ ਸ਼ਟਰ ਤੋੜਕੇ ਚੋਰਾਂ ਨੇ ਨਕਦੀ ਅਤੇ ਦੁਕਾਨ 'ਚ ਲੱਗੇ ਫਰਨੀਚਰ ਦਾ ਨੁਕਸਾਨ ਕੀਤਾ।

ਇਸ ਮੌਕੇ ਮਾਰਕੀਟ ਦੇ ਬਰਾੜ ਕਾਲਬ ਸਟੋਰ ਦੇ ਮਾਲਕ ਗੁਰਜੰਟ ਸਿੰਘ ਨੇ ਦੱਸਿਆਂ ਕਿ ਚੋਰਾਂ ਨੇ ਦੁਕਾਨ ਦਾ ਸ਼ਟਰ ਤੋੜਕੇ ਦੁਕਾਨ ਦੇ ਗੱਲੇ ਵਿਚ ਪਈ 500-700 ਰੁਪਏ ਦੀ ਨਕਦੀ ਤੇ ਹੱਥ ਸਾਫ਼ ਕੀਤਾ। ਪੀੜਤ ਦੁਕਾਨਦਾਰਾਂ ਵੱਲੋਂ ਪੁਲਸ ਨੂੰ ਇਤਲਾਹ ਦਿੱਤੀ ਗਈ, ਪੁਲਸ ਨੇ ਮੌਕੇ 'ਤੇ ਪੁੱਜ ਕੇ ਆਪਣੀ ਕਰਵਾਈ ਸ਼ੁਰੂ ਕਰ ਦਿੱਤੀ।