ਬੇਖੌਫ਼ ਲੁਟੇਰੇ, ਸੈਰ ਕਰ ਰਹੀ ਮਹਿਲਾ ''ਤੇ ਹਥਿਆਰ ਤਾਣ ਕੇ ਲੁੱਟੇ ਗਹਿਣੇ
Saturday, Jul 20, 2024 - 05:38 PM (IST)
![](https://static.jagbani.com/multimedia/2024_7image_23_23_408799414robbery.jpg)
ਲੁਧਿਆਣਾ (ਰਾਜ) : ਸੈਰ ਕਰਨ ਗਈ ਮਹਿਲਾ ਨੂੰ ਰਾਹ ’ਚ ਰੋਕ ਕੇ ਮੋਟਰਸਾਈਕਲ ਸਵਾਰ ਨੌਜਵਾਨਾਂ ਨੇ ਤੇਜ਼ਧਾਰ ਹਥਿਆਰ ਦੇ ਦਮ ’ਤੇ ਸੋਨੇ ਦੇ ਗਹਿਣੇ ਲੁੱਟ ਲਏ। ਇਸ ਮਾਮਲੇ ’ਚ ਥਾਣਾ ਡੇਹਲੋਂ ਦੀ ਪੁਲਸ ਨੇ ਅੰਮ੍ਰਿਤ ਕੌਰ ਦੀ ਸ਼ਿਕਾਇਤ ’ਤੇ ਅਣਪਛਾਤੇ ਖ਼ਿਲਾਫ ਕੇਸ ਦਰਜ ਕਰ ਲਿਆ ਹੈ।
ਪਿੰਡ ਜੱਸੜ ਦੀ ਰਹਿਣ ਵਾਲੀ ਅੰਮ੍ਰਿਤ ਕੌਰ ਨੇ ਦੱਸਿਆ ਕਿ ਉਹ ਆਪਣੀ ਬਾਕੀ ਗੁਆਂਢੀ ਮਹਿਲਾਵਾਂ ਦੇ ਨਾਲ ਸੈਰ ਕਰਨ ਲਈ ਗਈ ਸੀ। ਇਸ ਦੌਰਾਨ ਜਦੋਂ ਉਹ ਗਊਸ਼ਾਲਾ ਗ੍ਰੀਨ ਵੂਡ ਦੇ ਨੇੜੇ ਪੁੱਜੀ ਤਾਂ ਮੋਟਰਸਾਈਕਲ ’ਤੇ ਇਕ ਨੌਜਵਾਨ ਆਇਆ। ਜਿਸ ਨੇ ਉਸਨੂੰ ਘੇਰ ਲਿਆ। ਮੁਲਜ਼ਮ ਨੇ ਤੇਜ਼ਧਾਰ ਹਥਿਆਰ ਦਿਖਾ ਕੇ ਉਸਨੂੰ ਡਰਾਇਆ ਅਤੇ ਉਸਨੂੰ ਗਹਿਣੇ ਉਤਾਰਨ ਲਈ ਕਿਹਾ। ਇਸ ਤੋਂ ਬਾਅਦ ਮੁਲਜ਼ਮ ਗਹਿਣੇ ਲੈ ਕੇ ਫਰਾਰ ਹੋ ਗਿਆ।